91मोबाईल्सने गेल्या आठवड्यात सॅमसंगच्या आगामी स्मार्टफोन Samsung Galaxy M31 चे एक्सक्लूसिव स्पेसिफिकेशन्स इंटरनेट वर शेयर केले होते. फोनच्या माहितीसोबत आम्ही सांगितले होते कि सॅमसंग या महिन्याच्या शेवटी सॅमसंग गॅलेक्सी एम31 स्मार्टफोन भारतीय बाजारात आणू शकते. आता आमच्या रिपोर्ट वर शिक्कामोर्तब करत सॅमसंगने घोषणा केली आहे कि कंपनी येत्या 25 फेब्रुवारीला आपल्या ‘गॅलेक्सी एम सीरीज’ चा नवीन स्मार्टफोन Samsung Galaxy M31 इंडियन मार्केट मध्ये लॉन्च करेल.
Samsung Galaxy M31 ची लॉन्च डेट शॉपिंग साइट अमेझॉनच्या माध्यमातून समोर आली आहे. अमेझॉन इंडिया वर सॅमसंग गॅलेक्सी एम31 चे प्रोडक्ट पेज बनवण्यात आले आहे ज्यावर फोनची लॉन्च डेट 25 फेब्रुवारी असल्याचे सांगण्यात आले आहे. या लिस्टिंगमुळे स्पष्ट झाले आहे कि Samsung Galaxy M31 शॉपिंग साइट अमेझॉन वर विकला जाईल तसेच प्रोडक्ट पेज वर फोनचा फोटो आणि काही महत्वाचे स्पेसिफिकेशन्स पण शेयर करण्यात आले आहेत. 25 फेब्रुवारीला लॉन्च झाल्यानंतर हा फोन कधी विक्रीसाठी उपलब्ध होईल, या माहितीसाठी लॉन्चची वाट बघावी लागेल.
Samsung Galaxy M31
सर्वात आधी फोनचा लुक आणि डिजाईन पाहता हा फोन बेजल लेस डिस्प्ले वर लॉन्च केला जाईल. डिस्प्लेच्या तीन कडा पूर्णपणे साईड पॅनल्सला जोडल्या जातील आणि खालच्या बाजूला थोडा रुंद चिन पार्ट देण्यात आला आहे. डिस्प्लेच्या वरच्या बाजूला ‘यू’ शेप असलेली वॉटरड्रॉप नॉच आहे. रियर पॅनल पाहता Samsung Galaxy M31 क्वॉड रियर कॅमेऱ्याला सपोर्ट करतो जो वरच्या बाजूला उजवीकडे वर्टिकल शेप मध्ये आहे. फोनचा हा कॅमेरा सेटअप उलट्या L शेप मध्ये देण्यात आला आहे. या कॅमेरा सेटअप मध्ये चार सेंसर्स सह फ्लॅश लाईट आणि सेंसर डिटेल्स पण लिहिण्यात आले आहेत. फोनच्या बॅक पॅनल वर फिंगरप्रिंट सेंसर आहे तसेच फोनच्या उजव्या पॅनल वर वॉल्यूम रॉकर आणि पावर बटण देण्यात आला आहे.
Samsung Galaxy M31 चे स्पेसिफिकेशन्स पाहता स्मार्टफोन कंपनी द्वारा फुलएचडी+ रेज्ल्यूशन असलेल्या सुपर एमोलेड डिस्प्ले वर लॉन्च केला जाईल. अमेझॉन वर खुलासा झाला आहे कि या डिवाईसच्या बॅक पॅनल वर 64 मेगापिक्सलचा प्राइमरी रियर कॅमेरा सेंसर दिला जाईल. तसेच पावर बॅकअपसाठी या फोन मध्ये 6,000एमएएच ची मोठी बॅटरी मिळेल. Samsung Galaxy M30s पण 6000एमएएच बॅटरी सह लॉन्च केला गेला होता.
त्याचबरोबर आमच्या सोर्सने आम्हाला सांगितले आहे कि Samsung Galaxy M31 इंडियन मार्केट मध्ये दोन रॅम वेरिएंट्स मध्ये लॉन्च होईल ज्यात 4 जीबी रॅम आणि 6 जीबी रॅम मिळेल. तसेच बाजारात हा डिवाईस 64 जीबी स्टोरेज आणि 128 जीबी स्टोरेजच्या दोन आप्शन्स मध्ये विक्रीसाठी उपलब्ध होईल. Samsung Galaxy M31 कंपनी एंडरॉयडच्या लेटेस्ट एडिशन एंडरॉयड 10 वर लॉन्च केला जाईल जो वनयूआई 2.0 सह येईल. तसेच प्रोसेसिंगसाठी सॅमसंग गॅलेक्सी एम31 मध्ये एक्सनॉस 9611 चिपसेट दिला जाईल.
