Realme ने अलीकडेच भारतीय बाजारात आपला प्रोडक्ट पोर्टफोलियो वाढवत ‘रियलमी 6 सीरीज’ लॉन्च केली होती. कंपनीने Realme 6 आणि Realme 6 Pro स्मार्टफोन लॉन्च केले होते. हे फोन्स जगात सर्वात आधी भारतात लॉन्च झाले होते. सीरीजचा एक मॉडेल सिंगल पंच-होल डिस्प्ले वर लॉन्च झाला होता तर प्रो मॉडेल मध्ये डुअल पंच-होल देण्यात आला होता. इंडियन मार्केटनंतर आता रियलमी आपली हि सीरीज ग्लोबल मार्केट मध्ये सादर करणार आहे ज्याही सुरवात म्यानमार पासून होत आहे. कंपनीने सांगितले आहे कि 17 मार्चला म्यानमार मध्ये रियलमी 6 सीरीजचा नवीन डिवाईस Realme 6i लॉन्च केला जाईल. तर आता लॉन्चच्या आधीच या स्मार्टफोनचे अनेक महत्वाचे स्पेसिफिकेशन्स पण समोर आले आहेत.
Realme 6i कंपनीने म्यानमार मध्ये टीज करायला सुरवात केली आहे. कंपनी आपल्या सोशल मीडिया प्लॅटफॉर्म वर रियलमी 6आई चा फोटो आणि स्पेसिफिकेशन्स शेयर करत आहे. विशेष म्हणजे म्यानमारच्या माध्यमातून Realme 6i टेक विश्वात येईल. हा फोन आता पर्यंत भारत किंवा इतर कोणत्याही देशात लॉन्च झालेला नाही. आतापर्यंत समोर आलेले सीरीजचे Realme 6 आणि Realme 6 Pro स्मार्टफोन पंच-होल डिस्प्ले वर बनलेले आहेत तर हा स्मार्टफोन वॉटरड्रॉप नॉच वर लॉन्च केला जात आहे.
Realme 6i
समोर आलेल्या टीजर ईमेजच्या माध्यमातून कंपनीने सांगितले आहे कि रियलमी 6आई मीडियाटेकच्या हीलियो जी80 चिपसेट सह बाजारात येईल. विशेष म्हणजे आतापर्यंत कोणताही फोन या चिपसेट सह लॉन्च झालेला नाही. म्हणजे Realme 6i जगातील पहिला असा स्मार्टफोन असेल, ज्यात या प्रोसेसरचा वापर केला जाईल. रियलमी 6आई एंडरॉयडच्या लेटेस्ट ओएस एंडरॉयड 10 वर सादर केला जाईल जो रियलमी यूआई सह चालेल.
Realme 6i बद्दल बोलले जात आहे कि या फोन मध्ये 16 मेगापिक्सलचा सेल्फी कॅमेरा दिला जाईल. फोनच्या बॅक पॅनल वर क्वॉड रियर कॅमेरा सेटअप मिळेल ज्यात प्राइमरी सेंसर 48 मेगापिक्सलचा असेल. टीजर वरून माहिती मिळाली आहे कि रियलमी 6आई मध्ये 5,000एमएएच ची मोठी बॅटरी दिली जाईल जी 18वॉट फास्ट चार्जिंगला सपोर्ट करेल. Realme 6i मध्ये क्विक चार्ज सपोर्ट आणि यूएसबी टाइप सी पोर्ट मिळेल आणि कंपनीचा दावा आहे कि फोन मध्ये 18 वॉटच्या क्विक चार्जमुळे फोनचा चार्जिंग टाइम 38% कमी होईल.
Realme 6 Pro
रियलमी 6 प्रो बद्दल बोलायचे तर हा फोन तीन वेरिएंट्स मध्ये लॉन्च झाला आहे. फोनचा 6 जीबी रॅम + 64 जीबी स्टोरेज वेरिएंट 16,999 रुपयांमध्ये लॉन्च केला गेला आहे. रियलमी 6 प्रो चा 6 जीबी रॅम + 128 जीबी स्टोरेज वेरिएंट 17,999 रुपये तर 8 जीबी रॅम + 128 जीबी स्टोरेज वेरिएंट 18,999 रुपयांमध्ये बाजारात आला आहे जिसे कंपनीच्या अधिकृत वेबसाइट सोबतच फ्लिपकार्ट वरून हा फोन ओरेंज आणि ब्लू कलर मध्ये विकत घेता येईल.
Realme 6
त्याचप्रमाणे रियलमी 6 पण कंपनीने तीन रॅम आणि दोन स्टोरेज वेरिएंट मध्ये सादर केला आहे. रियलमी 6 च्या 4जीबी रॅम व 64जीबी स्टोरेज वेरिएंटची किंमत 12,999 रुपये, 6जीबी रॅम व 128जीबी स्टोरेज वेरिएंटची किंमत 14,999 रुपये आणि 8जीबी रॅम व 128जीबी स्टोरेज वेरिएंटची किंमत 15,999 रुपये आहे.
