Samsung Galaxy F41 लॉन्चसाठी तयार आहे. कालच या फोनचा प्रोडक्ट पेज शॉपिंग साइट फ्लिपकार्ट वर लाईव करण्यात आला आहे. तसेच आज कंपनीने फोनच्या लॉन्च डेटचा पण खुलासा केला आहे. सॅमसंग द्वारे सांगण्यात आले आहे कि ‘गॅलेक्सी एफ’ सीरीजचा हा पहिला स्मार्टफोन येत्या 8 ऑक्टोबरला भारतीय बाजारात सादर केला जाईल. सॅमसंग गॅलेक्सी एफ41 जगात सर्वात आधी भारतातच लॉन्च केला जाईल आणि नंतर जगातील इतर मार्केट्स मध्ये येईल.
सॅमसंग गॅलेक्सी एफ41 ऑनलाइन ईवेंटच्या माध्यमातून बाजारात आणेल जो 8 ऑक्टोबर संध्याकाळी 5 वाजून 30 मिनिटांनी सुरु होईल. या लॉन्च ईवेंटचे प्रक्षेपण सॅमसंगच्या सोशल मीडिया प्लॅटफॉर्म सोबतच फ्लिपकार्ट वर पण केले जाईल, जो जगभरातून लाईव बघता येईल. कंपनीने खुलासा केला आहे कि Samsung Galaxy F41 मध्ये 6,000एमएएच ची बॅटरी आणि बेजल लेस सुपर एमोलेड डिस्प्ले दिला जाईल.
असा असेल लुक
Samsung Galaxy F41 च्या लॉन्च डेट सोबतच फ्लिपकार्ट पेज वर या फोनचा फोटो पण शेयर करण्यात आला आहे जिथे गॅलेक्सी एफ41 च्या लुक आणि डिजाईनची माहिती मिळाली आहे. हा फोन मार्केट मध्ये इनफिनिटी ‘यू’ डिस्प्ले वर लॉन्च केला जाईल. फोटो मध्ये फोनची स्क्रीन पूर्णपणे बेजल लेस दिसत आहे. गॅलेक्सी एफ41 च्या बॅक पॅनल वर डावीकडे चौकोनी आकारात ट्रिपल रियर कॅमेरा आणि एक फ्लॅश लाईट देण्यात आली आहे. हे कॅमेरा सेंसर वर्टिकल पॉजिशन मध्ये आहेत. Samsung Galaxy F41 मध्ये रियर फिंगरप्रिंट सेंसर आहे तसेच साईड पॅनल वर वॉल्यूम रॉकर आणि पावर बटन आहे. हा बटन सरासरीपेक्षा जास्त वर दिसत आहे.
Samsung Galaxy F41
सॅमसंगने गॅलेक्सी एफ41 च्या सर्व स्पेसिफिकेशन्सची माहिती दिली नाही पण काही दिवसांपूर्वी हा फोन गूगल प्ले कंसोल आणि गीकबेंच वर लिस्ट झाला आहे. या दोन्ही वेबसाइट्स वर फोनचे नावासोबतच अनेक स्पेसिफिकेशन्स पण समोर आले होते. चर्चा आहे कि सॅमसंग गॅलेक्सी एफ सीरीज कॅमेरा सेंट्रिक स्मार्टफोन सीरीज असेल आणि गॅलेक्सी एफ41 64 मेगापिक्सल क्वॉड रियर कॅमेऱ्यासह लॉन्च केला जाईल. लीकनुसार फोन ब्लॅक, ब्लू आणि ग्रीन कलर ऑप्शन मध्ये विक्रीसाठी उपलब्ध होईल.
गूगल प्ले लिस्टिंग पाहता गॅलेक्सी एफ41 कंपनीच्या एक्सनॉस 9611 चिपसेट सह दाखवण्यात आला होता ज्या सोबतच एआरएम माली जी72 जीपीयू असल्याचे सांगण्यात आले होते. लिस्टिंग वर हा सॅमसंग फोन 6 जीबी रॅम सह लिस्ट झाला होता. या फोन मध्ये अँड्रॉइड 10 ओएस सह सॅमसंग वन यूआई 2.0 असल्याचे समोर आले होते. या लिस्टिंग मध्ये Samsung Galaxy F41 मध्ये 1080 x 2340 पिक्सल रेज्ल्यूशन असलेला फुलएचडी+ डिस्प्ले असल्याचे समोर आले होते.
दुसरीकडे गीकबेंच लिस्टिंग मध्ये पण हा आगामी सॅमसंग फोन अँड्रॉइड 10 ओएस सह सॅमसंग एक्सनॉस 9611 चिपसेट सोबतच लिस्ट झाला होता. इथे पण फोनचा 6 जीबी रॅम वेरिएंट ही समोर आला होता. गीकबेंच वर सॅमसंग गॅलेक्सी एफ41 ला सिंगल-कोर मध्ये 348 पॉईंट आणि मल्टी-कोर मध्ये 1339 स्कोर मिळाला होता. एका रिपोर्ट मध्ये सांगण्यात आले होते कि सुरवातील ऑनलाइन एक्सक्लूसिव ठेवल्यानंतर सॅमसंग हि सीरीज ऑफलाइन सेग्मेंट मध्ये पण घेऊन येईल. फोनच्या ठोस स्पेसिफिकेशन्स आणि किंमत व विक्री डेटच्या माहितीसाठी 8 ऑक्टोबरची वाट बघावी लागेल.
