भारतीय स्मार्टफोन मेकर Micromax ने भारतीय बाजारात पुन्हा एकदा वापसी केली आहे. जवळपास दोन वर्षांनंतर आज कंपनीने In सीरीज अंतगर्त दोन नवीन स्मार्टफोन्स जगासमोर ठेवले आहेत. ‘आओ करें चीनी कम’ टॅगलाइन सह सादर करण्यात आलेल्या या फोन्सच्या जीवावर कंपनी भारतीयांच्या मनात पुन्हा एकदा जागा बनवण्याचा प्रयत्न करत आहे. मेड इन इंडिया फोन आणि भारतीय कंपनी असल्याचा फायदा घेत कंपनी सरळ चीनी स्मार्टफोन वर ब्रँड वर हल्ला करत आहे. चला जाणून घेऊया Micromax In सीरीज मध्ये सादर केल्या गेलेल्या Micromax In Note 1 आणि In 1b बाबत सर्वकाही.
सुंदर डिजाइन
Micromax In Note 1 आणि In 1b च्या डिजाइन बद्दल बोलायचे झाले तर दोन्ही फोन खूप वेगळे आहेत. सर्वप्रथम Micromax In Note 1 बद्दल बोलूया, कंपनीने हा पंच-होल डिस्प्ले सह सादर केला आहे. फोनच्या फ्रंटला मधोमध एक कटआउट देण्यात आली आला आहे, ज्यात सेल्फी कॅमेरा आहे. पंच-होल असल्यामुळे फोनच्या तिन्ही कडा वर बेजल लेस आहेत. पण खाली थोडा चिन पार्ट मिळेल. तसेच मागे टॉप लेफ्ट मध्ये क्वाड कॅमेरा सेटअप आहे जो आयताकृती आहे. तसेच मागे फिंगरप्रिंट स्कॅनर आहे.
दुसरीकडे Micromax In 1b कंपनीने वॉटर ड्रॉप-नॉच डिस्प्ले सह सादर केला आहे. तसेच या फोन मध्ये पण डिस्प्लेच्या तिन्ही कडा बेजल लेस आहेत आणि खालच्या बाजूला थोडी जाड बेजल मिळेल. तसेच मागे आयताकृती ट्रिपल कॅमेरा सेटअप आहे. Micromax In Note 1 प्रमाणेच In 1b मध्ये पण बॅक पॅनल वर फिंगरप्रिंट सेंसर देण्यात आला आहे.
शानदार डिस्प्ले
Micromax In Note 1 मध्ये 6.67-इंच FHD+ LCD डिस्प्ले देण्यात आला आहे जो 21:9 आसपेक्ट रेशियो आणि पंच-होल कटआउट सह येतो. तर दुसरीकडे लो बजेट Micromax In 1b मध्ये 6.52-इंचाच्या HD+ एलसीडी डिस्प्ले सह 20:9 आसपेक्ट रेश्यो आहे.
दमदार कॅमेरा
कॅमेरा बद्दल बोलायचे तर Micromax In Note 1 मध्ये कंपनीने मागे क्वाड कॅमेरा सेटअप दिला आहे. या सेटअप मध्ये 48 मेगापिक्सलचा प्राइमरी सेंसर, 5 मेगापिक्सलचा वाइड-अँगल लेंस आणि दोन 2-मेगापिक्सल कॅमेरा आहेत. तसेच व्हिडीओ कॉलिंग आणि सेल्फीसाठी फ्रंटला 16 मेगापिक्सलचा वाइड अँगल कॅमेरा आहे जो 78-degree FoV सह येतो.
Micromax In 1b मध्ये डुअल-कॅमेरा मागे देण्यात आला आहे. या सेटअप मध्ये 13 मेगापिक्सलचा प्राइमरी सेंसर आणि 2 मेगापिक्सलची सेकेंडरी लेंस आहे. तसेच सेल्फी आणि व्हिडीओ कॉलिंगसाठी फोन मध्ये 8 मेगापिक्सलचा कॅमेरा देण्यात आला आहे.
बॅटरी आणि रिवर्स चार्जिंग
Micromax In Note 1 आणि In 1b दोन्ही मध्ये कंपनीने रिवर्स चार्जिंगचा ऑप्शन दिला आहे, ज्याचा अर्थ असा आहे कि या फोन द्वारे कोणताही वायरलेस चार्ज असलेला फोन चार्ज केला जाऊ शकतो. दोन्ही फोन अँड्रॉइड 10 ओएस वर चालतात. कंपनी या दोन्ही फोन मध्ये अँड्रॉइड 11 आणि अँड्रॉइड 12 अपडेट देणार आहे. सुरक्षेसाठी फोन्स मध्ये रियर-माउंटेड फिंगरप्रिंट सेंसर देण्यात आला आहे.
पावर बॅकअप पाहता दोन्ही फोन मध्ये 5000एमएएच बॅटरी सह येतात. Micromax In Note 1 मध्ये 18W चार्जिंग सपोर्ट देण्यात आला आहे आणि In 1B मध्ये 10W चार्जिंग सपोर्ट आहे. कनेक्टिविटी ऑप्शनसाठी दोन्ही फोन मध्ये 4जी एलटीई, वाय-फाई, ब्लूटूथ 5.0, जीपीएस, आणि यूएसबी टाइप सी पोर्ट आहे.
हार्डवेयर
In-सीरीजच्या दोन्ही डिवाइसेज मध्ये मीडियाटेकचा प्रोसेसर देण्यात आला आहे, ज्याची माहिती कंपनीने आधीच दिली होती. Micromax In Note 1 मध्ये HyperEngine गेमिंग असलेला MediaTek Helio G85 SoC सह 4GB रॅम आणि 128GB पर्यंतची स्टोरेज आहे. तर In 1b मध्ये MediaTek Helio G35 SoC सह Mali-G52 GPU देण्यात आला आहे. सोबतच या फोन मध्ये 4GB रॅम आणि 64GB स्टोरेज देण्यात आली आहे.
किंमत
Micromax IN 1b कंपनीने 6,999 रुपयांच्या बेस किंमतीत सादर केला आहे. हि किंमत फोनच्या 2GB रॅम आणि 32GB स्टोरेज वेरिएंटची आहे. 4GB रॅम आणि 64GB स्टोरेज वर्जनची किंमत 7,999 रुपये आहे. तसेच या सीरीजच्या मोठ्या फोन Micromax IN Note 1 च्या 4GB RAM आणि 64GB स्टोरेज वेरिएंटची किंमत 10,999 रुपये व 6GB रॅम आणि 64GB स्टोरेज मॉडेलची किंमत 12,999 रुपये आहे. दोन्ही फोन 24 नोव्हेंबर पासून ई-कॉमर्स साइट फ्लिपकार्ट आणि कंपनीच्या ऑफिशियल साइट वर विक्रीसाठी येतील.
