Vivo पासून वेगळे झाल्यानंतर टेक ब्रँड iQOO ने गेल्या वर्षी भारतीय बाजारात iQOO 3 स्मार्टफोन लाॅन्च केला होता जो भारतातील पहिला 5G स्मार्टफोन म्हणून आला होता. आयक्यू 3 च्या यशानंतर आता कंपनी देशात आपला विस्तार करण्याची तयारी करत आहे. अशी बातमी आली आहे कि आयक्यू पुढल्या महिन्यात म्हणजे मार्च मध्ये आपला फ्लॅगशिप डिवायस iQOO 7 भारतात लाॅन्च करेल. फक्त इतकेच नव्हे तर आयक्यू 7 सोबतच कंपनी एप्रिल मध्ये अजून दोन नवीन स्मार्टफोन इंडिया मार्केट मध्ये घेऊन येईल.
iQOO 7 च्या इंडिया लाॅन्चची माहिती गॅजेट्सडाटाच्या माध्यमातून समोर आली आहे. टिपस्टरने एक ट्वीट करून असा दावा केला आहे कि आयक्यू 7 स्मार्टफोन मार्च मध्ये भारतात लाॅन्च होईल जो तिसऱ्या किंवा चौथ्या आठवड्यात भारतीय बाजारात येईल. तसेच लीक मध्ये सांगण्यात आले आहे कि आयक्यू 7 च्या लाॅन्चनंतर हा ब्रँड एप्रिल मध्ये अजून दोन स्मार्टफोन भारतीय बाजारात सादर करेल. एप्रिल मध्ये लाॅन्च होणाऱ्या या दोन iQOO स्मार्टफोन्सची नावे काय असतील, याची माहिती मात्र मिळाली नाही.
iQOO 7
आयक्यू 7 टेक मार्केट मध्ये 2400 × 1080 पिक्सल रेज्ल्यूशन असलेल्या 6.62 इंचाच्या फुलएचडी+ पंच-होल एमोलेड डिस्प्लेवर सादर केला गेला आहे. फोनची स्क्रीन इन-डिस्प्ले फिंगरप्रिंट सेंसर टेक्नॉलॉजीसह येते तसेच 120हर्ट्ज रिफ्रेश रेटवर काम करते. आयक्यू 7 अँड्रॉइड 11 वर लॉन्च झाला आहे ज्यात 5नॅनोमीटर फेब्रिकेशनवर बनलेला क्वॉलकॉमचा सर्वात पावरफुल 5G चिपसेट स्नॅपड्रॅगॉन 888 देण्यात आला आहे. टेक मंचावर हा फोन 8 जीबी आणि 12 जीबीच्या दोन रॅम वेरिएंट्स मध्ये लॉन्च झाला आहे.
हे देखील वाचा : 5,000एमएएच बॅटरी आणि 8 जीबी रॅम सह लॉन्च झाला iQOO U3 स्मार्टफोन, बघा स्पेसिफिकेशन्स आणि किंमत
iQOO 7 ट्रिपल रियर कॅमेऱ्याला सपोर्ट करतो ज्यात एलईडी फ्लॅशसह एफ/1.79 अपर्चर असलेला 48 मेगापिक्सलचा प्राइमरी सेंसर देण्यात आला आहे. तसेच हा स्मार्टफोन एफ/2.2 अपर्चर असलेल्या 13 मेगापिक्सलच्या अल्ट्रावाइड अँगल लेंस आणि एफ/2.46 अपर्चर असलेल्या 13 मेगापिक्सलच्या पोर्टरेट लेंसला सपोर्ट करतो. सेल्फी आणि व्हिडीओ काॅलिंगसाठी आयक्यू 7 मध्ये एफ/2.0 अपर्चर असलेला 16 मेगापिक्सलचा फ्रंट कॅमेरा देण्यात आला आहे.
आयक्यू 7 स्मार्टफोन डुअल मोड 5जी (SA/NSA) आणि 4जी वोएलटीई दोन्ही नेटवर्कला सपोर्ट करू शकतो. हा एक डुअल सिम फोन आहे जो ब्लूटूथ, वाय-फाय सारख्या कनेक्टिविटी फीचर्ससह येतो. तसेच पावर बॅकअपसाठी iQOO 7 मध्ये 120वॉट अल्ट्रा-फास्ट फ्लॅश चार्जिंग टेक्नॉलॉजी असेलेली 4,000एमएएचची बॅटरी देण्यात आली आहे. आंतरराष्ट्रीय बाजारात 8 जीबी + 128 जीबी वेरिएंटची किंमत 43,000 रुपये तर 12 जीबी + 256 जीबी वेरिएंटची किंमत 47,500 रुपयांच्या आसपास आहे.
