पबजी मोबाईल गेम (PUBG Mobile) पुन्हा एकदा चर्चेत आला आहे. अलीकडेच पबजी फॅन्सना खुशखबर देत KRAFTON कंपनीने सांगितले होते कि भारतात हा गेम नवीन नाव Battlegrounds Mobile India सह आणला जात आहे. तेव्हापासून फॅन्स या गेमच्या लॉन्च डेटची वाट बघत आहेत. आतापर्यंत कंपनीने या गेमच्या लॉन्च डेटची अधिकृत घोषणा तर केली नाही, पण युजर्समध्ये या गेमचे वेड इतके आहे कि ते प्रतीक्षा करू शकत नाहीत. आणि त्यांनी हा गेम इंटरनेटवर शोधण्यास सुरुवात केली आहे. त्यामुळे Battlegrounds Mobile India शोधणाऱ्या लोकांना खोटी APK फाइल किंवा डाउनलोड लिंक मिळत आहे जी तुमच्या फोनचे नुकसान करू शकते. (Battlegrounds Mobile India PUBG mobile apk download link fake)
खोट्या लिंकचा आला पूर
गेल्या आठवड्यात गेमची घोषणा केल्यानंतर सायबर क्रिमिनल्सनी इंटरनेटवर खोट्या डाउनलोड लिंक्सची एक मोठी यादी तयार केली आहे. या लिंकमध्ये Battlegrounds Mobile डाउनलोड करण्याचा दावा केला जात आहे. जर तुम्ही गुगलवर Battlegrounds Mobile सर्च केले तर तुम्हाला या गेमच्या डाउनलोडिंगसंबंधित हजारो पर्याय दिसतील. चुकूनही या लिंकवर क्लिक करू नका कारण हि लिंक तुमच्या फोनमधील खाजगी माहिती हॅकर्सच्या देऊ शकते.
हे देखील वाचा : Redmi K40 Gaming Enhanced Edition ला भारतात मिळाले BIS सर्टिफिकेशन, Poco ब्रँडिंगसह लवकरच होऊ शकतो लॉन्च
Battlegrounds Mobile India ची खरी APK
प्रसिद्ध पबजी मोबाईल कॉमेंटेटर ओशन शर्मा यांनी न्यूज वेबसाइट Sportskeeda ला सांगितले कि बॅटलग्राउंड मोबाईल इंडिया गेमची APK जूनमध्ये उपलब्ध होईल. याचा अर्थ असा आहे कि अजूनतरी या गेमच्या चाहत्यांना एक महिना वाट बघावी लागेल. तसेच रिपोर्टमध्ये असे पण सांगण्यात आले आहे कि गेमचा ट्रेलर पण या महिन्याच्या शेवटी प्रकाशित केला जाईल.
Battlegrounds Mobile India लॉन्च
सध्या Krafton ने या गेमसंबंधित एखाद्या APK फाइलची कोणतीही घोषणा केली नाही, त्यामुळे स्पष्ट झाले आहे कि या सर्व लिंक आणि APK फाइल ज्या इंटरनेट आणि सोशल मीडियावर शेयर होत आहेत त्या नकली आहेत. बोलले जात आहे कि पुढल्या महिन्यात हा गेम डाउनलोडसाठी सादर केला जाऊ शकतो.
