स्मार्टफोन बाजारात सतत बदल होत असतात. नवीन फिचर आणि हार्डवेयर येतं तेव्हा महाग असतं परंतु कालांतराने ती टेक्नॉलॉजी स्वस्त होते आणि बजेटमध्ये बसू लागते. असंच काहीसं स्मार्टफोन डिस्प्ले बद्दल झालं आहे. मोबाइल डिस्प्ले पॅनलच्या प्रकारांमधील अॅमोलेड पॅनल गुणवत्तेच्या बाबतीत एलसीडी डिस्प्लेपेक्षा वरचढ मानला जातो. सुरुवातीला महागड्या फ्लॅगशिप स्मार्टफोन्समध्ये मिळणारी ही टेक्नॉलॉजी आता बजेट आणि मिडरेंज स्मार्टफोनमध्ये देखील दिसू लागली आहे. म्हणूनच आम्ही आज तुमच्यासाठी 15,000 रुपयांच्या आत अॅमोलेड डिस्प्ले देणाऱ्या स्मार्टफोन्सची यादी घेऊन आलो आहोत, चला पाहूया.
15,000 रुपयांच्या आत आमोलेड डिस्प्ले देणारे स्मार्टफोन्स
- Infinix Note 12 5G
- vivo T1 44W
- iQOO Z6 4G
- Infinix Note 12 Turbo
- Infinix Note 12
- Moto G42
- Infinix Note 12i 2022
Infinix Note 12 5G
- आकार : 6.7 इंच
- रिजोल्यूशन : 1080 x 2400 पिक्सल, फुल एचडी+
- प्रोसेसर : MediaTek Dimensity 810
- किंमत : 14,999
Infinix Note 12 5G स्मार्टफोनमध्ये ऑक्टाकोर प्रोसेसरसह मीडियाटेक डिमेन्सिटी 810 चिपसेट देण्यात आला आहे. हा फोन 6 जीबी रॅम आणि 64 जीबी स्टोरेजला सपोर्ट करतो. कंपनीनं यात 6.7 इंचाचा फुल एचडी+ अॅमोलेड डिस्प्ले दिला आहे. फोटोग्राफीसाठी यात एलईडी फ्लॅशसह 50 एमपी + 2 एमपीचा ड्युअल रियर कॅमेरा सेटअप मिळतो. तर फ्रंटला 16 एमपीचा सेल्फी कॅमेरा आहे. फोनमध्ये 5000एमएएच ची बॅटरी देण्यात आली आहे.
vivo T1 44W
- आकार : 6.44 इंच
- रिजोल्यूशन : 1080 x 2400 पिक्सल, फुल एचडी+
- प्रोसेसर : Qualcomm Snapdragon 680
- किंमत : 14,499 रुपयांपासून सुरु
vivo T1 44W चे स्पेसिफिकेशन्स पाहता हा फोन 6.44 इंचाच्या फुल एचडी+ अॅमोलेड डिस्प्लेसह बाजारात आला आहे. यात क्वॉलकॉमचा स्नॅपड्रॅगन 680 चिपसेट मिळतो. जोडीला 8 जीबी पर्यंत रॅम 128 जीबीची स्टोरेज देखील आहे. फोनमध्ये 50 एमपी + 2 एमपी + 2 एमपीचा ट्रिपल रियर कॅमेरा सेटअप मिळतो. यातील सेल्फी कॅमेरा 16 एमपीचा सेन्सर आहे. फोनमध्ये 5000एमएएचची मोठी बॅटरी मिळते.
iQOO Z6 4G
- आकार : 6.44 इंच
- रिजोल्यूशन : 1080 x 2400 पिक्सल, फुल एचडी+
- प्रोसेसर : Qualcomm Snapdragon 680
- किंमत : 14,590 रुपयांपासून सुरु
iQOO Z6 4G स्मार्टफोनयामध्ये 6.44 इंचाचा फुल एचडी+ अॅमोलेड डिस्प्ले मिळतो. कंपनीनं यात क्वॉलकॉमचा स्नॅपड्रॅगन 680 चिपसेटचा वापर केला आहे. फोन 8 जीबी पर्यंत रॅम 128 जीबीची स्टोरेजसह विकत घेता येईल. फोटोग्राफीसाठी 50 एमपी + 2 एमपी + 2 एमपीचा ट्रिपल रियर कॅमेरा सेटअप मिळतो. तर फ्रंटला 16 एमपीचा सेल्फी सेन्सर आहे. पावर बॅकअपसाठी फोनमध्ये 5000एमएएचची बॅटरी मिळते.
Infinix Note 12 TURBO
- आकार : 6.7 इंच
- रिजोल्यूशन : 1080 x 2400 पिक्सल, फुल एचडी+
- प्रोसेसर : MediaTek Helio G96
- किंमत : 13,999 रुपये
मीडियाटेक हीलियो जी96 प्रोसेसरसह आलेल्या Infinix Note 12 TURBO स्मार्टफोनमध्ये 8 जीबी रॅम आणि 128 जीबी स्टोरेज मिळते. कंपनीनं यात 6.7 इंचाचा मोठा फुल एचडी+ अॅमोलेड डिस्प्ले दिला आहे. फोनच्या मागे 50 एमपीचा मुख्य कॅमेरा आणि 2 एमपीचा सेकंडरी सेन्सर आहे. तर पुढे 16 एमपीचा सेल्फी शुटर मिळतो. यातील 5000एमएएचची बॅटरी 33 वॉट फास्ट चार्जिंगला सपोर्ट करते.
Infinix Note 12
- आकार : 6.7 इंच
- रिजोल्यूशन : 1080 x 2400 पिक्सल, फुल एचडी+
- प्रोसेसर : MediaTek Helio G88
- किंमत : 11,999 रुपयांपासून सुरु
Infinix Note 12 स्मार्टफोनमध्ये 5000एमएएचची मोठी बॅटरी पावर बॅकअपसाठी मिळते. हा फोन मीडियाटेक हीलियो जी88 प्रोसेसरवर चालतो. यात 6 जीबी पर्यंत रॅम आणि 128 जीबी पर्यंतची स्टोरेज मिळते. यातील डिस्प्लेचा आकार 6.7 इंच असून हा एक फुल एचडी+ अॅमोलेड डिस्प्ले आहे. फोनच्या मागे ड्युअल कॅमेरा सेटअप आहे ज्यात 50 एमपीचा मुख्य कॅमेरा आणि 2 एमपीचा सेकंडरी सेन्सर मिळतो. तर फ्रंटला 16 मेगापिक्सलचा सेन्सर देण्यात आला आहे.
Moto G42
- आकार : 6.47 इंच
- रिजोल्यूशन : 1080 x 2400 पिक्सल, फुल एचडी+
- प्रोसेसर : Qualcomm Snapdragon 680
- किंमत : 13,999 रुपये
Moto G42 स्मार्टफोनमध्ये 4 जीबी रॅमसह 64 जीबी स्टोरेज देण्यात आली आहे. हा फोन 6.47 इंचाच्या फुल एचडी+ अॅमोलेड डिस्प्लेला सपोर्ट करतो. कंपनीनं यात क्वॉलकॉमच्या स्नॅपड्रॅगन 680 प्रोसेसरची ताकद दिली आहे. फोनच्या मागे 50 एमपी + 8 एमपी + 2 एमपीचा ट्रिपल कॅमेरा सेटअप एलईडी फ्लॅशसह मिळतो. तर सेल्फी आणि व्हिडीओ कॉलिंगसाठी 16 एमपीचा सेन्सर देण्यात आला आहे. यातील 5000 एमएएचची बॅटरी 20 वॉट फास्ट चार्जिंगला सपोर्ट करते.
Infinix Note 12i 2022
- आकार : 6.7 इंच
- रिजोल्यूशन : 1080 x 2400 पिक्सल, फुल एचडी+
- प्रोसेसर : MediaTek Helio G85
- किंमत : 9,999 रुपये
Infinix Note 12i स्मार्टफोनमध्ये मीडियाटेक हीलियो जी85 चिपसेट देण्यात आला आहे. हा फोन 4 जीबी रॅम आणि 64 जीबी स्टोरेजला सपोर्ट करतो. कंपनीनं यात 6.7 इंचाचा फुल एचडी+ अॅमोलेड डिस्प्ले दिला आहे, जो 90हर्ट्झ रिफ्रेश रेटला सपोर्ट करतो. फोटोग्राफीसाठी यात एलईडी फ्लॅशसह 50 एमपी + 2 एमपीचा ड्युअल रियर कॅमेरा सेटअप मिळतो. तर फ्रंटला 8 एमपीचा सेल्फी कॅमेरा आहे. फोनमध्ये 5000एमएएच ची बॅटरी देण्यात आली आहे.
