गेल्याच वर्षी सॅमसंग गॅलेक्सी एम सीरीज सोबत गॅलेक्सी ए सीरीजच्या नव्या मॉडेलची माहिती समोर आली होती. बातमी अशी होती कि कंपनी आता गॅलेक्सी ए7, गॅलेक्सी ए8 आणि गॅलेक्सी ए9 च्या जागी गॅलेक्सी ए50 आणि गॅलेक्सी ए40 सारखे मॉडेल सादर करणार आहे. कंपनीने याबद्दल आतापर्यंत काहीच सांगितले नाही पण या फोन्सना आतापर्यंत गीकबेंच आणि एफसीसी सहित इतर काही बेंचमार्क साइट वर लिस्ट करण्यात आले आहे. तसेच 91मोबाईल्सला याबद्दल काही खास माहिती मिळाली आहे. आम्हाला फोनची फ्रेम आणि पॅनल्स मिळाले आहेत ज्यावरून तुम्ही या फोनच्या डिजाइनचा अंदाज लावू शकता.
सॅमसंग गॅलेक्सी ए50 च्या फोटज मध्ये तुम्ही बघू शकता कि फोन मध्ये गॅलेक्सी एम20 प्रमाणे इनफिनिटी वी शेप असलेला डिस्प्ले असेल. फ्रेमच्या वरच्या बाजूला फ्रंट कॅमेरा स्लॉट स्पष्टपणे दिसत आहे.
तसेच दुसऱ्या फोटो मध्ये तुम्ही रियर कॅमेरा सेटअप बघू शकता. या फोन मध्ये सॅमसंग गॅलेक्सी ए7 प्रमाणे ट्रिपल कॅमेरा दिला जाऊ शकतो. तसेच कॅमेऱ्याच्या खाली फ्लॅश साठी असलेली जागा दिसत आहे. विशेष म्हणजे यात फिंगरप्रिंट स्कॅनरचा स्लॉट कुठेच नाही. त्यामुळे आशा आहे कि फोन मध्ये इन डिस्प्ले फिंगरप्रिंट असेल. काही दिवसांपूर्वी यासंबंधित एक लीक पण आला होता ज्यात सॅमसंग गॅलेक्सी ए50 मॉडेल मध्ये इन डिस्प्ले फिंगरप्रिंट स्कॅनर असल्याचे सांगण्यात आले होते.
सॅमसंग गॅलेक्सी ए50 मध्ये पण यूएसबी टाइप सी पोर्ट देण्यात येईल आणि खालच्या पॅनल मधेच लाउडस्पीकर ग्रिल असेल. अलीकडेच लॉन्च सॅमसंग गॅलेक्सी एम20 मध्ये पण यूएसबी टाइप सी देण्यात आली होती जी फास्ट चार्जिंगला सपोर्ट करते. आशा आहे कि या फोन मध्ये पण फास्ट चार्जिंग सपोर्ट असेल.
सॅमसंग गॅलेक्सी ए50 चे स्पेसिफिकेशन पाहता हा फोन अलीकडेच गीकबेंच वर लिस्ट केला गेला होता तिथे हा एसएम-ए505जीएन मॉडेल नंबर सह उपलब्ध होता. लिस्ट केले गेलेल्या फोन मध्ये 6जीबी रॅम देण्यात आला होता तसेच हा एंडरॉयडच्या लेटेस्ट ऑपरेटिंग सिस्टम एंडरॉयड 9 पाई वर चालतो.
लिस्ट केला गेलेला फोन एक्सनोस 9610 चिपसेट वर उपलब्ध होता 1.74गीगाहर्ट्ज क्लॉक स्पीड वाल्या ऑक्टा-कोर प्रोसेसरची माहिती देण्यात आली होती. पण लॉन्चच्यावेळी क्लॉक स्पीड अजून जास्त असू शकतो.
सोबतच फोनबद्दल आतापर्यंत मिळालेल्या माहितीनुसार यात 128जीबी ची इंटरनल स्टोरेज मिळू शकते. तसेच ट्रिपल रियर कॅमेरा असलेल्या या डिवाइसचा मुख्य सेंसर 24-मेगापिक्सलचा असू शकतो. पावर बॅकअप साठी यात 4,000एमएएच ची दमदार बॅटरी मिळू शकते.
भारतीय बाजारात सॅमसंग गॅलेक्सी ए50 एप्रिल पर्यंत लॉन्च केला जाऊ शकतो. तसेच किंमत पाहता हा फोन 30,000 रुपयांच्या बजेट मध्ये येऊ शकतो.
