Honor ने आज बऱ्याच दिवसानानंतर भारतात आपल्या प्रोडक्ट पोर्टफोलियोचा विस्तार केला आहे. कंपनीने आपल्या ‘एक्स सीरीज’ अंतर्गत नवीन स्मार्टफोन Honor 9X लॉन्च केला आहे. हा फोन साल 2018 मध्ये लॉन्च झालेल्या Honor 8X चा अपग्रेडेड वर्जन आहे जो शानदार लुक, मोठी बॅटरी आणि पॉप-अप कॅमेऱ्यासह इंडियन मार्केट मध्ये आला आहे. ऑनर 9एक्स 13,999 रुपयांच्या बेस किंमतीत लॉन्च केला गेला आहे जो येत्या 19 जानेवारी पासून देशात विक्रीसाठी उपलब्ध होईल.
लुक व डिजाईन
Honor 9X बेजल लेस फुलव्यू डिस्प्ले वर सादर केला गेला आहे. फोनच्या फ्रंट पॅनल वर कोणतीही नॉच नाही. डिस्प्लेच्या तीन कडा बेजल लेस आहेत तसेच खालच्या बाजूला बारीक बॉडी पार्ट आहे. Honor 9X च्या वरच्या पॅनल वर डावीकडून पॉप-अप सेल्फी कॅमेरा बाहेर येतो. बॅक पॅनल बद्दल बोलायचे तर यावर ट्रिपल रियर कॅमेरा सेटअप देण्यात आला आहे जो पॅनल वर उजवीकडे आहे. या कॅमेरा सेटअपच्या खाली फ्लॅश लाईट पण देण्यात आली आहे. कॅमेरा सेटअप सोबत 48MP AI Camera कॅमेरा लिहिण्यात आले आहे. फोनच्या बॅक पॅनल वर फिजिकल फिंगरप्रिंट सेंसर देण्यात आला नाही तसेच खालच्या बाजूला Honor ची ब्रॅण्डिंग आहे. सिक्योरिटीसाठी फिंगरप्रिंट सेंसर फोनच्या उजव्या साईड पॅनल वर देण्यात आला आहे.
फीचर्स व स्पेसिफिकेशन्स
Honor 9X कंपनीने 1,080 x 2,340 पिक्सल रेज्ल्यूशन असलेल्या 6.59-इंचाच्या फुलएचडी+ ओएलईडी फुलव्यू डिस्प्ले वर लॉन्च केला आहे. हा स्मार्टफोन एंडरॉयड 9 पाई आधारित ईएमयूआई 10 वर सादर केला गेला आहे जो 2.27गीगाहर्ट्ज क्लॉक स्पीडच्या ऑक्टा-कोर प्रोसेसर सह हुआवईच्या किरीन 710एफ चिपसेट वर चालतो. तसेच ग्राफिक्ससाठी या फोन मध्ये जीपीयू टर्बो 3.0 पण आहे.
फोटोग्राफी सेग्मेंट पाहता Honor 9X ट्रिपल रियर कॅमेऱ्याला सपोर्ट करतो. फोनच्या बॅक पॅनल एलईडी फ्लॅश सह एफ/1.8 अपर्चर असलेला 48-मेगापिक्सलचा प्राइमरी सोनी आईएमएक्स586 सेंसर देण्यात आला आहे. त्याचबरोबर हा फोन 8-मेगापिक्सलच्या वाइड अँगल लेंस आणि 2-मेगापिक्सलच्या डेफ्थ सेंसरला सपोर्ट करतो. त्याचप्रमाणे सेल्फी आणि वीडियो कॉलिंगसाठी Honor 9X मध्ये एफ/2.2 अपर्चर असलेला 16-मेगापिक्सलचा पॉप-अप कॅमेरा आहे.
Honor 9X डुअल सिम फोन आहे जो 4जी एलटीई ला सपोर्ट करतो. बेसिक कनेक्टिविटी फीचर्स सोबतच हा फोन 3.5एमएम जॅकला पण सपोर्ट करतो. सिक्योरिटी व फोन अनलॉकिंगसाठी Honor 9X मध्ये साईड माउंटेड फिंगरप्रिंट सेंसर देण्यात आला आहे तसेच हा फोन फेस अनलॉक टेक्नॉलॉजी सह येतो. त्याचप्रमाणे 3.5एमएम जॅक आणि यूएसबी टाईप-सी पोर्ट सह पावर बॅकअपसाठी Honor 9X मध्ये 4,000एमएएच ची मोठी बॅटरी देण्यात आली आहे.
किंमत
Honor 9X दोन वेरिएंट्स मध्ये लॉन्च केला गेला आहे. फोनचा बेस वेरिएंट 4 जीबी रॅम मेमरी सह 128 जीबी इंटरनल स्टोरेजला सपोर्ट करतो तसेच मोठ्या वेरिएंट मध्ये 6 जीबी रॅम सह 128 जीबी इंटरनल स्टोरेज देण्यात आली आहे. किंमतीबद्दल बोलायचे तर 4 जीबी रॅम + 128 जीबी स्टोरेज वेरिएंट कंपनीने 13,999 रुपयांमध्ये लॉन्च केला आहे तर फोनचा 6 जीबी रॅम + 128 जीबी स्टोरेज वेरिएंट 16,999 रुपयांमध्ये बाजारात आला आहे. Honor 9X येत्या 19 जानेवारी पासून कंपनीच्या वेबसाइट आणि शॉपिंग साइट फ्लिपकार्ट वर सेलसाठी उपलब्ध होईल. विशेष म्हणजे लॉन्च ऑफर अंतर्गत हा फोन मर्यादित काळासाठी 1,000 रुपये डिस्काउंट सह विकत घेता येईल.
