LG ने स्मार्टफोन मार्केट मध्ये आपल्या Explorer Project अंतर्गत एक अनोखा स्मार्टफोन लॉन्च केला आहे. LG Wing नावाच्या या स्मार्टफोन बाबत अनेक दिवसांपासून माहिती समोर येत होती. आता हा फोन अधिकृतपणे सादर केला गेल्यामुळे या डुअल डिस्प्ले फोनच्या लीक्स वर विराम लागला आहे. फोन मधील दोन स्क्रीन पैकी एक swivel स्क्रीन आहे जी 90 डिग्री वर क्लॉकवाइज रोटेट करता येते. तसेच एलजीने या अनोख्या फॉर्म फॅक्टरला सपॉर्ट करण्यासाठी अनेक सॉफ्टवेयर ट्वीक पण केले आहेत, ज्यामुळे मल्टीटास्किंगचा शानदार एक्सपीरियंस मिळतो. इतकेच नव्हे तर एलजी विंग पॉप-अप सेल्फी कॅमेऱ्यासह येतो, ज्याचा वापर सेल्फी क्लिक करण्यासाठी केला जाऊ शकतो.
वेगळी डिजाइन
दोन डिस्प्ले सह येणाऱ्या एलजी विंग च्या डिजाइन बद्दल बोलायचे झाले तर यात एक हिंज आहे जी हाइड्रॉलिक डॅमपर सह डुअल स्प्रिंग आणि डुअल लॉकचा वापर करून मेन स्क्रीन फिरवते. कंपनीने प्राइमरी स्क्रीनच्या मागे थर्मोप्लास्टिक पॉलीऑक्सीमिथलीनचा वापर केला आहे. यूजर प्राइमरी स्क्रीन वर वीडियो बघताना सेकेंडरी स्क्रीन वर दुसरे काम करू शकतात. LG Wing स्मार्टफोन ग्रिप लॉक सह येतो जी चालू केल्यास सेकेंडरी स्क्रीन ग्रिपचे काम करेल. हा अनोखा डुअल डिस्प्ले असलेल्या फोनची डिजाइन इतर फोन्स पेक्षा खूप वेगळी आहे.
फीचर्स आणि स्पेसिफिकेशन्स
डिस्प्ले पाहता LG Wing की प्राइमरी स्क्रीन 6.8 इंचाच्या फुल-एचडी+ (1,080×2,460 पिक्सल) पी-ओलेड फुलविजन सह येते. तर सेकेंडरी स्क्रीन 3.9 इंचाची आहे. हा फुल-एचडी+ (1,080×1,240 पिक्सल) जी-ओलेड पॅनल आहे. तसेच प्राइमरी स्क्रीन 20.5:9 आस्पेक्ट रेशियो सह येते. स्मार्टफोन मध्ये ट्रिपल रियर कॅमेरा सेटअप आहे. यात अपर्चर एफ/ 1.8 सह प्राइमरी कॅमेरा 64 मेगापिक्सलचा आहे. तर अपर्चर एफ/ 1.9 सह सेकेंडरी कॅमेरा 13 मेगापिक्सलचा आणि 12 मेगापिक्सलचा तीसरा कॅमेरा देण्यात आला आहे, यात हेक्सा मोशन स्टेबलाइजर आहे. LG Wing मध्ये गिंबल मोशन कॅमेरा फीचर पण मिळतो. तसेच सेल्फी आणि वीडियो कॉलिंगसाठी एलजी विंग मध्ये अपर्चर एफ/ 1.9 सह 32 मेगापिक्सलचा सेंसर आहे.
एलजी विंग मध्ये क्वालकॉम स्नॅपड्रॅगॉन 765जी प्रोसेसरचा वापर केला गेला आहे. फोन मध्ये 8GB रॅम सह 128 जीबी व 256 जीबी इनबिल्ट स्टोरेज मिळते जी माइक्रोएसडी कार्डने 2 टीबी पर्यंत वाढवता येते. फोन मध्ये पावर देण्यासाठी 4000mAh ची बॅटरी आहे जी क्विक चार्ज 4.0+ 25 वॉट फास्ट चार्जिंग आणि 10 वॉट वायरलेस चार्जिंगला सपॉर्ट करते. तसेच कनेक्टिविटी ऑप्शनसाठी डिवाइस मध्ये 5जी, 4जी एलटीई, वाई-फाई 802.11 एसी, ब्लूटूथ 5.1, एनएफसी, जीपीएस/ए-जीपीएस आणि यूएसबी टाइप-सी पोर्ट आहेत.
LG Wing ची किंमत आणि उपलब्धता
कंपनीने अजूनतरी एलजी विंग च्या किंमतीचा खुलासा केला नाही. तसेच उपलब्धता पाहता फोन सर्वात आधी ऑक्टोबरच्या सुरवातीला दक्षिण कोरियन मार्केट मध्ये सादर केला जाईल. हँडसेट ऑरोरा ग्रे आणि इल्यूजन स्काई कलर ऑप्शन मध्ये विकला जाईल.
