आयटेलनं भारतीय बाजारात आपला नवीन लो बजेट स्मार्टफोन itel S23 लाँच करण्यात केला आहे. ह्या फोनची किंमत फक्त 8,799 रुपये आहे जो 50MP Camera आणि 16GB RAM च्या पावरसह येतो. आयटेल एस23 च्या फीचर्स आणि स्पेसिफिकेशन्ससह किंमत आणि सेलची माहिती तुम्ही पुढे वाचू शकता.
आयटेल एस23 प्राइस व सेल
itel S23 भारतात 8,799 रुपयांमध्ये लाँच करण्यात आला आहे. ह्या किंमतीत 8जीबी रॅम + 128जीबी स्टोरेज मिळते. हा फोन memory fusion टेक्नॉलॉजीसह 8जीबी वचुर्अल रॅमला देखील सपोर्ट करतो ज्यामुळे ह्यात 16जीबी रॅमची ताकद मिळते. आयटेल एस23 ची विक्री येत्या 14 जूनपासून अॅमेझॉनवर सुरु होईल जिथून हा Starry Black आणि Mystery White कलरमध्ये विकत घेता येईल.
आयटेल एस23 8जीबी रॅम व्हेरिएंट व्यतिरिक्त कंपनीनं फोनचा 4जीबी रॅम व्हेरिएंट देखील सादर केला आहे जो 4जीबी वचुर्अल रॅमला सपोर्ट करतो. ह्या फोनमध्ये देखील 128जीबी इंटरनल स्टोरेज देण्यात आली आहे. फोन चा 8जीबी रॅम व्हेरिएंट अॅमेझॉनवर विकला जाईल तर 4जीबी रॅम व्हेरिएंट ऑफलाइन रिटेल स्टोर्सवर विक्रीसाठी उपलब्ध होईल.
आयटेल एस23 फीचर्स व स्पेसिफिकेशन्स
- 6.6″ HD+ 90Hz display
- Unisoc T606 Processor
- 8GB Virtual RAM
- 50MP Rear camera
- 8MP Front camera
- 10W 5,000mAh Battery
- डिस्प्ले : आयटेल एस23 मध्ये 6.6 इंचाचा एचडी+ वॉटरड्रॉप नॉच डिस्प्ले देण्यात आला आहे. ही स्क्रीन आयपीएस एलसीडी पॅनलवर बनली आहे जी 90हर्ट्झ रिफ्रेश रेटवर चालते.
- प्रोसेसर : itel S23 अँड्रॉइड 12 वर लाँच झाला आहे ज्यात प्रोसेसिंगसाठी 1.6गीगाहर्ट्झ क्लॉक स्पीड असलेला यूनिसोक टी606 ऑक्टाकोर प्रोसेसर देण्यात आला आहे. तर ग्राफिक्ससाठी ह्यात माली-जी57 जीपीयू आहे.
- रॅम+मेमरी : आयटेल एस23 भारतीय बाजारात दोन मेमरी व्हेरिएंट्समध्ये आला आहे. बेस मॉडेलमध्ये 4जीबी रॅम आणि मोठ्या व्हेरिएंटमध्ये 8जीबी रॅम देण्यात आला आहे. दोन्ही व्हेरिएंट 128जीबी इंटरनल स्टोरेजला सपोर्ट करतात. फोन UFS 2.2 स्टोरेजसह येतो.
- कॅमेरा : फोटोग्राफीसाठी फोनच्या बॅक पॅनलवर एलईडी फ्लॅश लाइटसह 50 मेगापिक्सलचा रियर कॅमेरा सेन्सर देण्यात आला आहे तसेच सेल्फी आणि व्हिडीओ कॉलिंगसाठी आयटेल ए23 8 मेगापिक्सलच्या फ्रंट कॅमेऱ्याला सपोर्ट करतो.
- बॅटरी : पवार बॅकअपसाठी itel S23 स्मार्टफोनमध्ये 5,000एमएएचची बॅटरी देण्यात आली आहे. ही वेगानं चार्ज करण्यासाठी फोन 10वॉट फास्ट चार्जिंग टेक्नॉलॉजीनं सुसज्ज करण्यात आला आहे.
- अन्य फीचर : साइड माउंटेड फिंगरप्रिंट सेन्सर, ड्युअल सिम, ड्युअल 4जी वोएलटीई, 3.5एमएम जॅक, एफएम रेडियो, यूएसबी टाईप-सी सह ह्यात ब्लूटूथ, जीपीएस आणि वाय-फाय आहे.
