OPPO बाबत कालच बातमी समोर आली होती कि कंपनी आपल्या लो बजेट स्मार्टफोन OPPO A15 चा अपग्रेडेड वर्जन भारतात लॉन्च करण्याची तयारी करत आहे जो OPPO A15s नावाने येईल. ओपो ए15एस चा एक प्रोमोशनल पोस्टर इंटरनेट वर लीक झाला होता ज्याच्यावर फोनच्या फोटो सोबतच याची काही स्पेसिफिकेशन्सचा उल्लेख केला गेला होता. तसेच आज कंपनीची घोषणा आणि फोन लॉन्चच्या आधीच OPPO A15s च्या किंमतचा पण खुलासा झाला आहे.
OPPO A15s बद्दल टेक वेबसाइट एमएसपीने बातमी दिली आहे कि हा स्मार्टफोन भारतीय बाजारात 11,490 रुपयांमध्ये लॉन्च केला जाईल. हा फोन 4 जीबी रॅम सह 64 जीबी इंटरनल स्टोरेजला सपोर्ट करेल. फोनची विक्री कधी सुरु होईल याबाबत कोणतीही माहिती मिळाली नाही. ओपोने पण आतापर्यंत फोनच्या लॉन्च बद्दल कोणतीही अधिकृत माहिती दिली नाही. आशा आहे कि नवीन वर्षाच्या सुरवातीला हा स्मार्टफोन इंडिया मार्केट मध्ये येईल.
ओपो ए15एस च्या लीक झालेल्या या पोस्टर मध्ये फोन बऱ्याच अंशी जुन्या ओपो ए15 स्मार्टफोन सारखा दिसत आहे. फोनच्या बॅक पॅनल वर ट्रिपल रियर कॅमेरा सेटअप देण्यात आला आहे जो वर डावीकडे चौकोनी आकारात आहे. बॅक पॅनल वर फिंगरप्रिंट सेंसर पण आहे तसेच राईट साईडला वॉल्यूम रॉकर आणि पावर बटन नजर दिसत आहे. पोस्टर वर लिहिण्यात आले आहे कि OPPO A15s 6.52 इंचाच्या एचडी+ डिस्प्ले वर लॉन्च केला जाईल.
हे देखील वाचा : 8 जीबी रॅम सह समोर आला Samsung Galaxy A52, स्नॅपड्रॅगॉन 720जी चिपसेट सह लवकरच होईल लॉन्च
OPPO A15s च्या प्रोमोशनल पोस्टर मध्ये या फोनचा एकच वेरिएंट समोर आला आहे. पोस्टर नुसार हा स्मार्टफोन 4 जीबी रॅम वर लॉन्च केला जाईल तसेच फोन मध्ये 64 जीबी इंटरनल स्टोरेज मिळेल. तसेच लीकनुसार या फोन मध्ये एलईडी फ्लॅश सह 13 मेगापिक्सलचा प्राइमरी रियर सेंसर देण्यात आला आहे तसेच 2 मेगापिक्सलची मॅक्रो लेंस आणि एक 2 मेगापिक्सलचा डेफ्थ सेंसर असेल. सेल्फीसाठी फोन मध्ये 5 मेगापिक्सलचा फ्रंट कॅमेरा असल्याचे समोर आले आहे.
OPPO A15
ओपो ए15 पाहता या फोनचा कॅमेरा सेग्मेंट पण ओपो ए15एस सारखा आहे. OPPO A15 पण 6.52 इंचाच्या एचडी+ वॉटरड्रॉप नॉच डिस्प्लेला सपोर्ट करतो जो आय कंफर्ट फीचर सह येतो. ओपो ए15 चा स्क्रीन-टू-बॉडी रेशियो 89 टक्के आहे तसेच फोनची थिकनेस फक्त 7.9एमएम आहे. ओपो ए15 अँड्रॉइड 10 ओएस आधारित कलरओएस 7.2 लॉन्च झाला आहे आणि आक्टा-कोर प्रोसेसर सह मीडियाटेक हीलियो पी35 चिपसेट वर चालतो.
OPPO A15 एक डुअल सिम फोन आहे जो 4जी वोएलटीईला सपोर्ट करतो. बेसिक कनेक्टिविटी फीचर्स सोबतच सिक्योरिटीसाठी फोनच्या बॅक पॅनल वर रियर फिंगरप्रिंट सेंसर देण्यात आला आहे तसेच हा फोन फेस अनलॉक फीचरला पण सपोर्ट करतो. पावर बॅकअपसाठी ओपो ए15 मध्ये 4,230एमएएच ची बॅटरी देण्यात आली आहे. भारतात ओपो ए15 Dynamic Black आणि Mystery Blue कलर मध्ये विकत घेता येईल. आता OPPO A15s ची लॉन्च डेट आणि किंमतीची वाट बघितली जात आहे.
