Nothing कंपनीनं भारतात आपल्या एकमेव Nothing Phone 1 वर डिस्काउंटची घोषणा केली आहे, ही सूट Flipkart Big Savings Days सेल अंतर्गत उपलब्ध असेल जो 20 जानेवारी 2023 पर्यंत चालेल. त्यामुळे Nothing Phone (1) च्या बेस मॉडेलची किंमत 25,999 रुपये झाली आहे जी एरव्ही 33,999 रुपये असते. हा 8000 रुपयांचा डिस्काउंट मर्यादित कालावधीसाठी उपलब्ध आहे, त्यामुळे सेल संपताच मूळ किंमत पुन्हा लागू होईल. फक्त फोन नव्हे तर कंपनी आपल्या नव्या Nothing Ear (Stick) वर देखील सूट देत आहे.
Nothing Phone (1) वरील डिस्काउंट
Nothing Phone (1) चा बेस मॉडेल सध्या फ्लिपकार्टवर 25,999 रुपयांना विकला जात आहे, ज्यात 8GB रॅम व 128GB स्टोरेज मिळते. त्याचबरोबर ICICI आणि CITI बँकेच्या ग्राहकांना अतिरिक्त डिस्काउंट दिला जात आहे. तसेच Nothing Ear (Stick) देखील डिस्काउंटनांतर 6,999 रुपयांमध्ये खरेदी करता येईल आणि यावर देखली अतिरिक्त बँक ऑफर्स आहेत. या ऑफर्स 20 जानेवारी पर्यंत वैध असतील.
Nothing Phone (1) स्पेसिफिकेशन्स
- 6.55 इंचाचा 120Hz अॅमोलेड डिस्प्ले
- Qualcomm Snapdragon 778G+ प्रोसेसर
- 12GB रॅम आणि 256GB स्टोरेज
- 50MP ड्युअल कॅमेरा, OIS
- 4500mAh ची बॅटरी, 33W फास्ट चार्जिंग
Nothing Phone (1) स्मार्टफोनमध्ये 6.55-इंचाचा 10-bit OLED पॅनल देण्यात आला आहे, जो 120Hz अडॅप्टिव रिफ्रेश रेट, 2400×1080 पिक्सल रेजलूशन, HDR10+, 402PPI, आणि 1200 निट्स पीक ब्राईटनेसला सपोर्ट करतो. Nothing Phone (1) स्मार्टफोनमध्ये Qualcomm Snapdragon 778G+ प्रोसेसरची ताकद मिळते. सोबतीला Adreno 642L GPU देण्यात आला आहे. या फोनमध्ये 12GB पर्यंतचा LPDDR5 RAM आणि 256GB UFS 3.1 स्टोरेज देण्यात आली आहे.
Nothing Phone (1) स्मार्टफोनमध्ये ड्युअल रियर कॅमेरा सेटअप देण्यात आला आहे जो ऑप्टिकल इमेज स्टेबलाइजेशन (OIS) आणि इलेक्ट्रिक इमेज स्टेबलाइजेशन (EIS) ला सपोर्ट करतो. या फोनचा प्रायमरी कॅमेरा 50MP Sony IMX766 सेन्सर आणि सेकंडरी कॅमेरा 50MP Samsung JN1 अल्ट्रा वाईड सेन्सर आहे. तसेच फोनच्या फ्रंटला 16MP Sony IMX471 सेन्सर देण्यात आला आहे. फोनमधील 4,500mAh ची बॅटरी 33W फास्ट चार्जिंगसह सादर करण्यात आली आहे. तसेच फोन 15W Qi वायरलेस चार्जिंग आणि 5W रिवर्स चार्जिंगला देखील सपोर्ट करतो.
