OnePlus ने दरवर्षी प्रमाणे आपल्या मिड सायकल अपग्रेडेड स्मार्टफोन सादर केला आहे. भारतासोबतच ग्लोबल मार्केट मध्ये लॉन्च केलेला वनप्लस 8टी यावर्षी एप्रिल मध्ये आलेल्या OnePlus 8 सीरीजचा अपग्रेडेड वर्जन आहे. वनप्लस 8टी फोन 65 वॉट फास्ट चार्जिंग सपोर्ट आणि 120 हर्ट्ज रिफ्रेश रेट डिस्प्ले सह आला आहे. तसेच फोन मध्ये 5जी सपोर्ट देण्यात आला आहे. OnePlus 8T एक्वामरीन ग्रीन, लुनार सिल्वर कलर वेरियंट मध्ये मिळेल. फोनची विक्री अमेझॉन इंडिया आणि OnePlus च्या वेबसाइट वरून होईल.
फीचर्स आणि स्पेसिफिकेशन्स
कंपनीने हा फोन होल-पंच डिस्प्ले सह सादर केला आहे. हँडसेटच्या फ्रंटला टॉप-लेफ्ट कॉर्नर वर एक पंच-होल आहे, ज्यात सेल्फी कॅमेरा आहे. फ्रंटला तिन्ही कडा बेजल लेस आहेत. तर बॉटमला बारीक चिन पार्ट मिळेल. सोबतच डिवाइसच्या उजवीकडे अलर्ट स्लाइडर आणि ऑन-ऑफ बटन आणि लेफ्ट साइडला वॉल्यूम रॉकर बटन मिळेल. OnePlus 8T च्या मागे एक ग्लॉसी ग्लास रियर पॅनल आहे. फोनच्या मागे आयताकृती क्वाड कॅमेरा सेटअप आहे. या सेटअप मध्ये चार सेंसर सह दोन एलईडी फ्लॅश लाइट पण आहेत.
वनप्लस 8टी मध्ये एकूण पाच कॅमेरे देण्यात आले आहेत, ज्यात क्वाड कॅमेरा मागे आणि सिंगल सेल्फी कॅमेरा फ्रंटला आहे. कॅमेरा स्पेसिफिकेशन्स पाहता फोन मध्ये मागे अपर्चर F/1.7 सह 48 मेगापिक्सल सोनी IMX586 प्राइमरी सेंसर, अपर्चर F/2.2 सह सोनी IMX482 चा 16 मेगापिक्सल अल्ट्रा वाइड-अँगल सेंसर, 5 मेगापिक्सल मॅक्रो आणि 2 मेगापिक्सल मोनोक्रोम सेंसर देण्यात आला आहे. कॅमेरा फीचर्स पाहता यात वीडियो पोर्ट्रेट, अल्ट्राशॉट एचडीआर, नाइटस्केप, मॅक्रो, पोर्ट्रेट, प्रो मोड, पॅनोरमा, स्मार्ट पेट कॅप्चर, एआई सीन डिटेक्शन, रॉ इमेज, फिल्टर, वीडियो फोकस ट्रॅकिंग, सुपर स्टेबल आणि वीडियो नाइटस्केप आहेत.
फोन मध्ये सेल्फीसाठी अपर्चर F/2.4 सह 16 मेगापिक्सल सोनी IMX471 सेंसर देण्यात आला आहे. फ्रंट कॅमेरा मध्ये फेस अनलॉक, एचडीआर, स्क्रीन फ्लॅश आणि फेस रिटचिंग सारखे फीचर्स आहेत.
OnePlus 8T मध्ये पंच-होल कटआउट सह 6.55-इंचाचा AMOLED डिस्प्ले देण्यात आला आहे, ज्याचे स्क्रीन रिजोल्यूशन (2400 x 1080 पिक्सल) आणि 402 ppi आहे. तसेच फोनचा स्क्रीन आस्पेक्ट रेश्यो 20:9 आहे. फोनचा डिस्प्ले 120 हर्ट्ज रिफ्रेश रेट वर चालतो जो हेवी ग्राफिक्स गेम खेळताना स्मूद वाटतो. तसेच फोन मध्ये डिस्प्लेच्या सुरक्षेसाठी कोर्निंग गोरिल्ला ग्लासचे प्रोटेक्शन देण्यात आले आहे.
OnePlus 8T कंपनीने Qualcomm Snapdragon 865 चिपसेट सह लॉन्च केला आहे. हा जगातील सर्वात वेगवान प्रोसेसर पैकी एक आहे. या चिपसेटची खासियत आहे कि हा जुन्या प्रोसेसर पेक्षा 60 टक्के कमी बॅटरी खर्च करतो आणि 50 टक्के वेगाने काम करतो. यात ग्राफिक्ससाठी Adreno 650 जीपीयू देण्यात आला आहे. हँडसेट 8 जीबी रॅम व 128 जीबी स्टोरेज आणि 12 जीबी रॅम व 256 जीबी स्टोरेज सह येतो.
वनप्लस 8टी फोन मध्ये 4,500 एमएएच ची बॅटरी देण्यात आली आहे, सोबत 65 वॉट फास्ट चार्जिंग सपोर्ट असेल. वनप्लस 8 सीरीज मध्ये पण कंपनीने Warp Charge 30T चा वापर केला होता. तसेच OnePlus 8T नवीन OxygenOS बेस्ड अँड्रॉइड 11 ऑपरेटिंग सिस्टम वर चालेल. बेसिक कनेक्टिविटी फीचर्स सह येणाऱ्या या फोन मध्ये इन-डिस्प्ले फिंगरप्रिंट स्कॅनर पण आहे.
किंमत
OnePlus 8T दोन रॅम व स्टोरेज वेरिएंट मध्ये सादर केला गेला आहे. हँडसेटच्या 8 जीबी रॅम व 128 जीबी स्टोरेज वेरिएंटची किंमत 42,999 रुपये आणि 12 जीबी रॅम व 256 जीबी स्टोरेज वेरिएंटची किंमत 45,999 रुपये आहे. भारतात डिवाइस अमेझॉन इंडिया वर विक्रीसाठी सादर केला जाईल. अमेझॉन इंडिया वर 17 ऑक्टोबर 2020 ला सुरु होणाऱ्या ‘Great Indian Festival’ सेल मध्ये डिवाइस विकत घेता येईल. Amazon प्राइम मेंबर्सना 16 ऑक्टोबरला हा फोन विकत घेण्याचा ऑप्शन मिळेल.
