Realme नं कन्फर्म केलं आहे की कंपनी येत्या 5 जानेवारी 2023 ला चीनमध्ये एका इव्हेंटचे आयोजन करणार आहे. कंपनीनं आपल्या नेक्स्ट जेनरेशन चार्जिंग टेक्नॉलॉजीची हिंट देण्यास सुरुवात केली आहे, जी बहुचर्चित 240W फास्ट चार्जिंग टेक्नॉलॉजी असू शकते. याआधी आलेल्या रिपोर्ट्सनुसार आगामी Realme GT Neo 5 स्मार्टफोन कंपनीचा आणि कदाचित जगातील सर्वात पहिला स्मार्टफोन असू शकतो ज्यात 240W चा अवाढव्य fast charging स्पीड मिळू शकतो. कंपनीनं मात्र Realme GT Neo 5 ची कोणतीही अधिकृत घोषणा केली नाही परंतु नव्या लिक्समधून या स्मार्टफोनच्या डिजाईन आणि महत्वाच्या स्पेक्सची माहिती समोर आली आहे.
Realme GT Neo 5 ची लीक डिजाईन आणि स्पेसिफिकेशन्स
- 240W फास्ट चार्जिंग
- 16GB रॅम आणि 512GB स्टोरेज
- Snapdragon 8+ Gen 1 प्रोसेसर
- Sony IMX890 कॅमेरा आणि OIS
वर दिलेल्या लीक पोस्टरनुसार आगामी Realme GT Neo 5 दिसेल. ही डिजाईन आधी लीक झालेल्या रेंडर्ससारखी आहे. या रेंडर्समधून या हँडसेटच्या बॅक पॅनलची डिजाईन दिसली आहे. त्यानुसार हा फोन ड्युअल टोन डिजाईनसह सादर केला जाऊ शकतो. बॅक पॅनलवर वरच्या बाजूला एका चौकोनी कॅमेरा मोड्यूलमध्ये ट्रिपल कॅमेरा सेटअप मिळू शकतो, जोडीला एलईडी फ्लॅश मिळू शकतो. हा फोन कर्व एजसह लाँच होऊ शकतो हे रेंडरवरून स्पष्ट झालं आहे. तसेच फोनच्या उजवीकडे पवार बटन दिसत आहे, त्यामुळे व्हॉल्युम रॉकर डावीकडे मिळू शकतात. हे देखील वाचा: 5000 रुपयांपेक्षा जास्त डिस्काउंट! आतापर्यंतच्या सर्वात कमी किंमतीत Xiaomi 11i 5G उपलब्ध
पोस्टरवर उल्लेख केल्यानुसार Realme GT Neo 5 स्मार्टफोनमध्ये 240W ची फास्ट चार्जिंग मिळू शकते. तसेच या फोनमध्ये प्रोसेसिंगसाठी Snapdragon 8+ Gen 1 ची पावर दिली जाऊ शकते. तसेच जोडीला 16GB पर्यंत RAM आणि 512GB पर्यांतची स्टोरेज दिली जाऊ शकते. Realme GT Neo 5 मध्ये Sony IMX890 कॅमेरा सेन्सर OIS ला सपोर्टसह मिळू शकतो, अशी माहिती देखील समोर आली आहे.
Realme GT Neo 5 चे संभाव्य स्पेक्स
लिक्सनुसार, Realme GT Neo 5 स्मार्टफोनमध्ये 6.7 इंचाचा मोठा डिस्प्ले मिळू शकतो, जो 2,772×1,240 पिक्सेल रिजोल्यूशनला सपोर्ट करणारा 1.5K ओएलईडी डिस्प्ले 144Hz रिफ्रेश रेटसह येऊ शकतो. प्रोसेसिंगसाठी Realme GT Neo 5 स्मार्टफोनमध्ये ऑक्टा-कोर Snapdragon 8+ Gen 1 प्रोसेसर दिला जाऊ शकतो. जोडीला 16GB पर्यंत LPDDR5X रॅम आणि 512GB पर्यंत UFS4.0 स्टोरेज दिली जाऊ शकते.
Realme GT Neo 5 मध्ये Android 13 आधारित रियलमी युआय 4.0 ची स्किन मिळू शकते. या फोनच्या बॅक पॅनलवर ट्रिपल कॅमेरा सेटअप मिळू शकतो. Realme GT Neo 5 स्मार्टफोनमध्ये 50MP Sony IMX890 सेन्सर प्रायमरी कॅमेऱ्याचे काम करू शकतो, जोडीला 8MP चा अल्ट्रा वाइड अँगल कॅमेरा आणि 2MP चा माक्रो कॅमेरा मिळू शकतो. फोनमधील फ्रंट कॅमेऱ्याची माहिती मात्र अद्याप मिळाली नाही. हे देखील वाचा: 8 हजारांपेक्षा कमी बजेटमध्ये येईल Samsung Galaxy F04; पुढील आठवड्यात होणार देशात एंट्री
Realme GT Neo 5 स्मार्टफोन दोन वेगवेगळ्या बॅटरी आणि फास्ट चार्जिंग व्हेरिएंटसह लाँच होऊ शकतो. यातील एका मॉडेलमध्ये 5,000mAh ची मोठी बॅटरी 150W फास्ट चार्जिंग सपोर्टसह येऊ शकते. तर दुसऱ्या मॉडेलमध्ये 4,600mAh ची छोटी बॅटरी 240W च्या फास्ट चार्जिंगला सपोर्ट करू शकते. हा डिवाइस इन-डिस्प्ले फिंगरप्रिंट सेन्सरला सपोर्ट करू शकतो आणि यात एक प्लास्टिक फ्रेम मिळू शकते. टिपस्टरनुसार, Realme GT Neo 5 मध्ये RBG लाइट्सचं फिचर असू शकतं.