Samsung ने अनेक दिवसांच्या प्रतीक्षेनंतर आज आपल्या ‘गॅलेक्सी ए’ सीरीज मध्ये अधिकृतपणे नवीन स्मार्टफोन जोडला आहे. कंपनीच्या या नवीन फोनने Samsung Galaxy A21s नावाने एंट्री घेतली आहे. शानदार लुक सोबतच हा फोन दमदार स्पेसिफिकेशन्सना सपोर्ट करतो. सॅमसंगने आपल्या अधिकृत वेबसाइट वर फोनचा प्रोडक्ट पेज लाईव करत गॅलेक्सी ए21एस अधिकृत केला आहे, जो आगामी काळात इंडियन स्मार्टफोन मार्केट मध्ये सेलसाठी उपलब्ध होईल. सॅमसंग गॅलेक्सी ए21एस आल्यामुळे Redmi व Realme सोबतच Oppo – Vivo ला भारतात मिडबजेट मध्ये मोठी टक्कर मिळण्याची अपेक्षा आहे.
लुक व डिजाईन
Samsung Galaxy A21s च्या लुक बद्दल बोलायचे तर हा फोन पंच-होल डिस्प्ले वर लॉन्च केला केला गेला आहे. हा होल डिस्प्लेच्या डाव्या कोपऱ्यावर आहे ज्यात सेल्फी कॅमेरा आहे. फोन मध्ये बेजल लेस स्क्रीन देण्यात आली आहे ज्याच्या खालच्या भागावर बारीक बॉडी पार्ट आहे. फोनच्या बॅक पॅनल वर क्वॉड रियर कॅमेरा आहे. हा कॅमेरा सेटअप डावीकडे चौकोनी आकारात मध्ये आहे जिथे कॅमेरा लेंस L-शेप मध्ये आहेत. फोनच्या बॅक पॅनल वरच ओवल शेप मध्ये फिंगरप्रिंट सेंसर देण्यात आलेला आहे. त्याचप्रमाणे उजव्या पॅनल वर वाल्यूम रॉकर सह पावर बटण आहे. फोनच्या लोवर पॅनल वर 3.5एमएम जॅक आणि यूएसबी टाईप-सी पोर्ट मिळेल.
स्पेसिफिकेशन्स
Samsung Galaxy A21s चे फीचर्स आणि स्पेसिफिकेशन्स पाहता हा फोन 1600 x 720 पिक्सल रेज्ल्यूशन असलेल्या 6.5 इंचाच्या एचडी+ टीएफटी डिस्प्ले वर लॉन्च केला गेला आहे. गॅलेक्सी ए21एस एंडरॉयडच्या लेटेस्ट ओएस एंडरॉयड 10 सह सॅमसंग वनयूआई वर चालतो. कंपनीने अजूनही फोन मधील चिपसेटची माहिती दिली नाही पण हा फोन आक्टा-कोर प्रोसेसर (Quad 2.0GHz + Quad 2.0GHz) वर चालेल. वेगवेगळ्या बाजारात Galaxy A21s वेगवेगळ्या चिपसेट वर लॉन्च केला जाऊ शकतो. यात सॅमसंगचा एक्सनॉस 850 चिपसेट पण मिळू शकतो.
सॅमसंग गॅलेक्सी ए21एस चे डायमेंशन 75.3×163.7×8.9एमएम असल्याचे सांगण्यात आले आहे तसेच फोनचे वजन 192ग्राम आहे. कंपनीच्या वेबसाइट वर हा फोन तीन वेरिएंट्स मध्ये लिस्ट केला गेला आहे. Samsung Galaxy A21s च्या बेस वेरिएंट मध्ये 3 जीबी रॅम सह 32 जीबी इंटरनल स्टोरेज देण्यात आली आहे तर दुसरा वेरिएंट 4 जीबी रॅम सह 64 जीबी इंटरनल स्टोरेज देण्यात आली आहे. गॅलक्सी ए21एस च्या सर्वात मोठ्या वेरिएंट मध्ये 6 जीबी रॅम सह 64 जीबी इंटरनल मेमरी देण्यात आली आहे. या तिन्ही वेरिएंट्स मध्ये कार्डच्या माध्यमातून स्टोरेज 512 जीबी पर्यंत वाढवता येते.
फोटोग्राफी सेग्मेंट पाहता Samsung Galaxy A21s क्वॉड रियर कॅमेऱ्याला सपोर्ट करतो. फोनच्या बॅक पॅनल वर एफ/2.0 अपर्चर असलेला 48 मेगापिक्सलचा प्राइमरी कॅमेरा सेंसर देण्यात आलेला आहे. तसेच फोनच्या बॅक पॅनल वर एफ/2.2 अपर्चर असलेली 8 मेगापिक्सलची अल्ट्रावाइड अँगल लेंस, एफ/2.4 अपर्चर असलेली 2 मेगापिक्सलची मॅक्रो लेंस आणि तेवढ्याच अपर्चर असलेला 2 मेगापिक्सल डेफ्थ सेंसर आहे. तसेच सेल्फी व वीडियो कॉलिंगसाठी हा फोन एफ/2.2 अपर्चर असलेल्या 13 मेगापिक्सलच्या फ्रंट कॅमेऱ्याला सपोर्ट करतो.
Samsung Galaxy A21s एक डुअल सिम फोन आहे जो 4जी वोएलटीई ला सपोर्ट करतो. बेसिक कनेक्टिविटी फीचर्स सोबतच फोनच्या बॅक पॅनल वर रियर फिंगरप्रिंट सेंसर देण्यात आलेला आहे तसेच हा फोन फेस अनलॉक फीचरला पण सपोर्ट करतो. तसेच पावर बॅकअपसाठी गॅलेक्सी ए21एस मध्ये 15वॉट चार्जिंग सपोर्ट असलेली 5,000एमएएच ची मोठी बॅटरी देण्यात आली आहे. Samsung ने आपला फोन Black, White, Red आणि Blue कलर मध्ये लॉन्च केला आहे.
