Samsung Galaxy A23 5G आणि Galaxy A13 5G स्मार्टफोन तैवानमध्ये लाँच झाले आहेत. दक्षिण कोरियन कंपनी सॅमसंगनं आपल्या लेटेस्ट बजेट 5G स्मार्टफोनच्या स्पेसिफिकेशन्स आणि किंमतीचा खुलासा केला आहे. सॅमसंगनं यावर्षीच्या सुरुवातीला Galaxy A13 5G आणि Galaxy A23 5G स्मार्टफोन्सची घोषणा केली होती. सॅमसंगनं भारतात सध्यातरी Galaxy A23 आणि Galaxy A13 स्मार्टफोनचे 4G व्हेरिएंट लाँच केला आहे. परंतु आता जागतिक बाजारात या स्मार्टफोनच्या 5G व्हेरिएंट्सची एंट्री काही अपग्रेड्ससह झाली आहे.
Samsung Galaxy A23 5G आणि A13 5G स्पेसिफिकेशन्स
Samsung Galaxy A23 5G आणि Galaxy A13 5G दोन्ही स्मार्टफोन्समध्ये 6.6-इंचाचा IPS LCD डिस्प्ले देण्यात आला आहे, ज्याचे रिजोल्यूशन FHD+ आहे. यातील Galaxy A23 5G च्या डिस्प्लेचा रिफ्रेश रेट 120Hz आहे तर Galaxy A13 5G मध्ये 90Hz रिफ्रेश रेट असलेला डिस्प्ले देण्यात आला आहे. दोन्ही स्मार्टफोनमध्ये साइड माउंटेड फिंगरप्रिंट स्कॅनर सुरक्षेसाठी मिळतो.
Galaxy A23 5G स्मार्टफोनमध्ये आयताकृती कॅमेरा बंप देण्यात आला आहे. तर Galaxy A13 5G मध्ये बंप कॅमेरा मॉड्यूल नाही. दोन्ही स्मार्टफोनमध्ये 50MP चा प्रायमरी कॅमेरा आणि 2MP चे दोन सेन्सर आहेत. Galaxy A23 5G स्मार्टफोनमध्ये 5MP ची अल्ट्रा वाइड अँगल लेन्स अतिरिक्त देण्यात आली आहे. फ्रंट कॅमेरा पाहता Galaxy A23 5G मध्ये 8MP चा सेन्सर मिळतो. तर A13 5G स्मार्टफोनमध्ये 5MP चा सेल्फी कॅमेरा आहे.
सॅमसंगच्या Galaxy A23 5G स्मार्टफोनमध्ये क्वॉलकॉमचा Snapdragon 695 प्रोसेसर मिळतो. तर स्मार्टफोन Dimensity 700 प्रोसेसरसह बाजारात आला आहे. सॅमसंगचे हे स्मार्टफोन 6GB पर्यंतच्या रॅम आणि 128GB स्टोरेजसह येतात. दोन्ही फोनमध्ये 5000mAh ची बॅटरी मिळते. Galaxy A23 5G स्मार्टफोनमध्ये 25W चार्जिंग आणि Galaxy A13 5G स्मार्टफोनमध्ये 15W चार्जिंग स्पीड आहे.
Samsung Galaxy A23 5G आणि A13 5G ची किंमत
सॅमसंगचे लेटेस्ट Galaxy A23 5G आणि A13 5G स्मार्टफोन ब्लॅक, पीच आणि ब्लू कलर ऑप्शनमध्ये लाँच झाले आहेत. Galaxy A23 5G स्मार्टफोनचा बेस मॉडेल 4GB रॅम व 64GB स्टोरेजसह NTD 8,990 (सुमारे 23,800 रुपये) मध्ये सादर करण्यात आला आहे. त्याचबरोबर दुसरा व्हेरिएंट 6GB व 128GB स्टोरेजसह NTD 9,990 (सुमारे 26,500 रुपये) मध्ये विकत घेता येईल.
Galaxy A13 5G स्मार्टफोनचा बेस व्हेरिएंट 4GB व 64GB स्टोरेजसह NTD 6,990 (सुमारे 18,500 रुपये) आणि 4GB व 128GB व्हेरिएंट NTD 7,990 (सुमारे 21,200 रुपये) मध्ये सादर करण्यात आला आहे. सॅमसंगनुसार Galaxy A23 5G ची विक्री तैवानमध्ये 16 सप्टेंबरपासून सुरु होईल. तर Galaxy A13 5G ची विक्री 1 सप्टेंबर सुरु होईल.
