सॅमसंगचा सर्वात ताकदवान स्मार्टफोन गॅलेक्सी नोट 9 भारतात लॉन्च झाला आहे. या शानदार डिवाईस साठी इंडियन सॅमसंग फॅन्स खूप उत्साहीत आहेत. हा उत्साह वाढवणारी अजून एक बातमी आली आहे कि सॅमसंग लवकरच भारतात गॅलेक्सी ए8 स्टार स्मार्टफोन लॉन्च करणार आहे. सॅमसंगचा हा आगामी स्मार्टफोन देशातील शॉपिंग साइट अमेझॉन इंडिया वर पण लिस्ट झाला आहे, ज्यावरून अजून एक गोष्ट स्पष्ट झाली आहे कि हा दमदार स्मार्टफोन अमेझॉन एक्सक्लूसिव असेल.
अमेझॉन इंडिया ने एक प्रोडक्ट पेज बनवला आहे ज्यावर एका नवीन स्मार्टफोनचा फोटो लावण्यात आला आहे. या प्रोडक्ट पेज वर फोनच्या ब्रँड किंवा कंपनीचे नाव देण्यात आले नाही पण शोधाशोध केल्यानंतर अमेझॉन वर ‘सॅमसंग स्टार‘चे समोर आले आहे. या पेज वर फोन च्या फोटो सोबत याची किंमत 3x,xxx रुपये अशी लिहिण्यात अली आली आहे म्हणजे सॅमसंग कडून लॉन्च करण्यात येणारा गॅलेक्सी ए8 स्टार 30 हजार रुपयांच्या रेंज मध्ये लॉन्च होईल.
सॅमसंग गॅलेक्सी ए8 स्टार चे स्पेसिफिकेशन्स पाहता या फोन मध्ये सुपर एमोलेड इनफिनिटी डिस्प्ले देण्यात येईल जो 6.3-इंचाच्या फुलएचडी+ स्क्रीन ला सपोर्ट करेल. लेटेस्ट एंडरॉयड सोबत या फोन मध्ये प्रोसेसिंग साठी क्वालकॉम स्नॅपड्रॅगन 660 चिपसेट वापरला जाऊ शकतो. सॅमसंग आपला हा फोन 6जीबी पावरफुल रॅम सह सादर करू शकते. तसेच फोन मध्ये 64जीबी इंटरनल स्टोरेज मिळू शकते जी माइक्रोएसडी कार्ड ने वाढवता येईल.
फोटोग्राफी साठी सॅमसंग गॅलेक्सी ए8 स्टार मध्ये डुअल रियर कॅमेरा सेटअप देण्यात येईल ज्यात 16-मेगापिक्सल आणि 24-मेगापिक्सल चे दोन कॅमेरा सेंसर असू शकतात. तसेच सेल्फी साठी या फोन मध्ये 24-मेगापिक्सलचा फ्रंट कॅमेरा मिळू शकतो. सॅमसंग गॅलेक्सी ए8 स्टार मध्ये पावर बॅकअप साठी मोठी बॅटरी मिळू शकते जी वायरलेस चार्जिंगला सर्पोट करेल. पण सॅमसंग इंडिया ने अजूनतरी गॅलेक्सी ए8 स्टार च्या इंडिया लॉन्च बद्दल कोणतीही माहिती दिली नाही. त्यामुळे गॅलेक्सी ए8 स्टार च्या लॉन्च डेट ची माहिती लवकरच तुम्हाला देण्यात येईल.
