सॅमसंग गॅलेक्सी जे सीरीज चे दोन स्मार्टफोन सतत चर्चेत आहेत. गॅलेक्सी जे7 प्राइम आणि गॅलेक्सी जे4 प्लस बद्दल लीक्स समोर येत आहेत. फोटो आणि स्पेसिफिकेशन्स संबधीत माहिती आल्यानंतर आता गॅलेक्सी जे7 प्राइम/ जे7 प्लस आणि गॅलेक्सी जे4 प्लस ची लॉन्च डेट पण समोर आली आहे. ताजा लीक मधून समजले आहे की सॅमसंग आपली गॅलेक्सी जे सीरीज चे हे दोन्ही स्मार्टफोन्स 24 सप्टेंबरला भारतात लॉन्च करेल.
जरी सॅमसंग ने अजून गॅलेक्सी जे7 प्लस आणि गॅलेक्सी जे4 प्लस ची लॉन्च डेट सांगितली नसली तरी एका टिप्सटर ने आपल्या ट्वीटर हँडल वरून फोन लॉन्च ची माहिती दिली आहे. या ट्वीट मध्ये सांगण्यात आले आहे की येत्या 24 सप्टेंबरला गॅलेक्सी जे7 प्लस आणि गॅलेक्सी जे4 प्लस स्मार्टफोन इंडियन टेक मार्केट मध्ये येतील. पण या ट्वीट मध्ये फोनची किंमत तसेच यांची उपलब्धता याचा उल्लेख करण्यात आलेला नाही.
समोर आलेल्या लीक मध्ये दोन्ही स्मार्टफोन मॉडेल मधील काही महत्वपूर्ण स्पेसिफिकेशन्स चा उल्लेख करण्यात आला आहे. लीक नुसार गॅलेक्सी जे7 प्लस मध्ये 4जीबी रॅम देण्यात येईल तसेच गॅलेक्सी जे4 प्लस 3जीबी रॅम सह सादर केला जाऊ शकतो. फोटोग्राफी सेग्मेंट पाहता गॅलेक्सी जे7 प्लस च्या बॅक पॅनल वर 13 मेगापिक्सल आणि 5 मेगापिक्सलचा डुअल कॅमेरा आहे. तसेच गॅलेक्सी जे4 प्लस मध्ये 13 मेगापिक्सल चा सिंगल रियर कॅमेरा असल्याचे सांगण्यात आले आहे.
सेल्फी साठी गॅलेक्सी जे7 प्लस मध्ये 8 मेगापिक्सलचा फ्रंट कॅमेरा दिला जाऊ शकतो तसेच गॅलेक्सी जे4 प्लस 5 मेगापिक्सलच्या फ्रंट कॅमेरा सह बाजारात येईल. या लीक मध्ये गॅलेक्सी जे4 प्लस च्या स्टोरेजची माहिती पण देण्यात आली आहे जी ट्वीट नुसार 32जीबी असेल. लक्षात घ्या सॅमसंग ने अजूनही गॅलेक्सी जे7 प्लस किंवा गॅलेक्सी जे4 प्लस बद्दल कोणतीही आॅफिशियल घोषणा केली नाही, त्यामुळे कंपनी च्या घोषणीची वाट बघितली जात आहे.
