स्मार्टफोन बाजारात अनेक चिनी खेळाडू आल्यामुळे एकेकाळी अँड्रॉइड स्मार्टफोन सेगमेंटवर राज्य करणाऱ्या दक्षिण कोरियन कंपनी सॅमसंगचं महत्व कमी झालं आहे. परंतु एका नव्या टेक्नॉलॉजीच्या बाबतीत अजूनही सॅमसंगला कोणीही टक्कर देत नाही, ती म्हणजे फोल्डेबल स्मार्टफोन. लवकरच कंपनी आपल्या फोल्डेबल स्मार्टफोन्सची चौथी पिढी सादर करणार आहे. म्हणून Samsung नं भारतात आपल्या आगामी फोल्डेबल स्मार्टफोन Samsung Galaxy Z Flip 4 आणि Galaxy Z Fold 4 स्मार्टफोनची प्री-बुकिंग सुरु केली आहे. 31 जुलैला ही बुकिंग सुरु झाली असून हे दोन्ही फोल्डेबल स्मार्टफोन 10 ऑगस्टला लाँच केले जातील. प्री-बुक करणाऱ्या ग्राहकांना फोन लवकर मिळतील आणि सोबत अनेक स्पेशल ऑफर्सचा लाभ देखील मिळेल. .
Samsung Galaxy Z Flip 4 आणि Fold 4 ची प्री बुकिंग
Samsung Galaxy Z Flip 4 आणि Fold 4 स्मार्टफोनची प्री-बुकिंग 31 जुलै 2022 रोजी सुरु झाली आहे. सॅमसंगचे फोन प्री-बुकिंगसाठी ग्राहकांना 1,999 रुपयांची टोकन अमाउंट जमा करावी लागेल. हे फोन ऑनलाइन Samsung.com आणि ऑफलाइन Samsung Exclusive स्टोरवरून बुक करता येतील. अशा हे स्मार्टफोन प्री-बुक करणाऱ्या ग्राहकांना फोनसह 5000 रुपयांपर्यंतचे बेनिफिट मिळतील.
Samsung Galaxy Z Flip 4 आणि Fold 4 ची लाँच डेट
Samsung Galaxy Z Flip 4 आणि Fold 4 स्मार्टफोन 10 ऑगस्टला आयोजित Galaxy Unpacked इव्हेंटमधून संध्यकाळी 6.30PM वाजता लाँच होतील. फोल्डेबल स्मार्टफोनसह कंपनी या दिवशी आपले आगामी प्रोडक्ट देखील सादर करेल. ज्यात Samsung Galaxy Watch 5 सीरीज (Galaxy Watch 5 आणि Galaxy Watch 5 Pro) आणि Samsung Galaxy Buds 2 Pro चा समावेश असेल.
Samsung Galaxy Z Flip 4 आणि Fold 4 चे संभाव्य स्पेक्स
सॅमसंगनं रिलीज केलेल्या गॅलेक्सी अनपॅक्ड इव्हेंटच्या ट्रेलर व्हिडीओमधून आगामी Galaxy Z Flip 4 स्मार्टफोनच्या डिजाइन आणि संबंधित काही माहिती लाँचच्या आधीच समजली आहे. सॅमसंगच्या या फोनमध्ये ड्युअल रियर कॅमेरा सेटअप देण्यात येईल. तसेच व्हिडीओनुसार सॅमसंगचा हा फोन फ्लॅट साइड डिजाइनसह सादर करण्यात येईल. तसेच फोनमधील Flex मोडचा देखील खुलासा झाला आहे.
मीडिया रिपोर्ट्सनुसार Samsung चे आगामी फोल्डेबल स्मार्टफोन Galaxy Z Flip 4 आणि Galaxy Z Fold 4 मध्ये क्वॉलकॉमचा लेटेस्ट Snapdragon 8 Plus Gen 1 प्रोसेसर मिळू शकतो. तसेच Galaxy Z Flip 4 स्मार्टफोनमधील बाहेरील डिस्प्ले आधीपेक्षा जास्त मोठा असेल आणि फ्लॅट एज देण्यात येतील. तसेच दोन्ही फोनचा कॅमेरा सेटअप अपग्रेड करण्यात येईल. या इव्हेंटमधून सॅमसंग Galaxy Buds 2 चं प्रो व्हर्जन आणि One UI 5 देखील सादर करू शकते.
