सप्टेंबरचा दुसरा आठवडा स्मार्टफोन बाजारासाठी खूपच रोमांचक ठरणार आहे. 8 सप्टेंबर ते 14 सप्टेंबर दरम्यान देशात 9 नवीन मोबाईल लाँच होणार आहेत. यामध्ये Apple iPhone 16 सीरीजसह दोन Realme मोबाईल, Tecno आणि Vivo स्मार्टफोन तसेच Motorola Razr 50 फोल्डेबल फोन यांचा देखील समावेश आहे. या आठवड्यात लाँच होणाऱ्या मोबाईल फोन्सचे तपशील तुम्ही पुढे वाचू शकता.
या आठवड्यात लाँच होणारे फोन:
Realme Narzo 70 Turbo 5G
लाँच तारीख: 9 सप्टेंबर
किंमत: 21,999 रुपये (अंदाजे)
Realme 9 सप्टेंबर रोजी भारतात आपल्या Narzo सीरीजचा नवीन स्मार्टफोन Narzo 70 Turbo लाँच करेल. हा 5G फोन MediaTek Dimensity 7300 Energy चिपसेट वर काम करेल जो कंपनीच्या मते 750k AnTuTu स्कोअर मिळवण्याची क्षमता ठेवतो. फोनला 12GB रॅम + 256GB स्टोरेज ने सुसज्ज करून लाँच केले जाऊ शकते. Narzo 70 Turbo 5G फोनची जाडी फक्त 7.6mm असेल. त्याचवेळी फोटोग्राफीसाठी यात 50 मेगापिक्सेलचा ट्रिपल रिअर कॅमेरा मिळू शकतो.
Apple iPhone 16 आणि iPhone 16 Plus
लाँच तारीख: 9 सप्टेंबर
किंमत: 79,900 रुपये (अंदाजे)
Apple iPhone 16 सीरीज 9 सप्टेंबरला येत आहे. कंपनीने आपले नवीन मोबाईल लपवून ठेवले आहेत परंतु अशी अपेक्षा आहे की ते 4 नवीन आयफोन मॉडेल्ससह येतील. यावेळी आयफोन 16 ची किंमत 79,999 रुपये असू शकते आणि आयफोन 16 प्लस 89,999 रुपयांना मिळू शकतो. हे दोन्ही फोन Bionic A18 चिपवर लाँच केले जाऊ शकतात, ज्यामध्ये iPhone X सारखा व्हर्टिकल बॅक कॅमेरा दिला जाऊ शकतो. यात 6.1 इंचाचा आणि 6.7 इंचाचा डिस्प्ले मिळण्याची अपेक्षा आहे.
Apple iPhone 16 Pro आणि iPhone 16 Pro Max
लाँच तारीख: 9 सप्टेंबर
किंमत: 1,19,900 रुपये (अंदाजे)
ॲपल आयफोन 16 प्रो मॅक्स हे सीरीजमधील सर्वात मोठे मॉडेल असेल ज्यासोबत ‘प्रो’ मॉडेल देखील येणार आहे. आयफोन 16 प्रो हा 1,19,900 रुपयांना लाँच केला जाऊ शकतो आणि आयफोन 16 प्रो मॅक्स ची किंमत 1,49,900 रुपये असू शकते. या दोन्हीमध्ये Bionic A18 Pro चिप दिली जाऊ शकते. फोटोग्राफीसाठी यात 48 मेगापिक्सेलचा ट्रिपल रिअर कॅमेरा आणि टायटॅनियम डिझाईन मिळू शकते. अशी अपेक्षा आहे की आयफोन 16 प्रो ची स्क्रीन 6.3 इंचाची आणि आयफोन 16 प्रो मॅक्स चा डिस्प्ले 6.9 इंचाचा असू शकतो.
Motorola razr 50
लाँच तारीख: 9 सप्टेंबर
किंमत: 65,999 रुपये (अंदाजे)
Motorola Razr 50 Ultra जुलैमध्ये लाँच झाला होता आणि आता या सीरीजचा Razr 50 Fold फोन सप्टेंबरमध्ये भारतात लाँच केला जाईल. सध्या तारीख जाहीर झालेली नाही पण पहिल्या पंधरवड्यातच तो लाँच केला जाऊ शकतो, ज्याची किंमत सुमारे 65 हजार रुपयांच्या आसपास असण्याची शक्यता आहे. या फोनमध्ये 3.6 इंचाचा एक्स्टर्नल डिस्प्ले असेल जो नवीन Samsung Galaxy Z Flip6 फोनपेक्षा ही मोठा आहे. Samsung Flip 6 मध्ये 3.4 इंचाची सेकंडरी स्क्रीन आहे. तर आगामी Motorola Razr 50 चे स्पेसिफिकेशन्स लाँच होण्याची प्रतीक्षा करावी लागेल.
Tecno Pova 6 Neo 5G
लाँच तारीख: 11 सप्टेंबर
किंमत: 17,999 रुपये (अंदाजे)
Tecno Powa 6 Neo 5G फोन 11 सप्टेंबर रोजी भारतात लाँच होईल. कंपनी याला सेगमेंटमधील पहिला 5G फोन म्हणत आहे ज्यामध्ये 108 मेगापिक्सेलचा AI कॅमेरा मिळेल. फोनच्या कॅमेरा सेटअपमध्ये 3x लॉसलेस इन-सेन्सर झूम तंत्रज्ञान उपलब्ध असेल. सध्या मोबाईलचे स्पेसिफिकेशन समोर आलेले नाहीत पण आशा करू शकतो की त्यात मीडियाटेक चिपसेट दिला जाऊ शकतो. फोनमध्ये मोठी बॅटरी ही दिसू शकते.
Vivo T3 Ultra
लाँच तारीख: 12 सप्टेंबर
किंमत: 21,999 रुपये (अंदाजे)
Vivo T3 Ultra 12 सप्टेंबर रोजी भारतात लाँच होईल. Vivo T3, T3x, T3 Lite आणि T3 Pro नंतर या सीरीजमध्ये लाँच होणारा हा चौथा स्मार्टफोन असेल. कंपनीने म्हटले आहे की नवीन Vivo फोन MediaTek Dimensity 9200+ चिपसेटवर लाँच केला जाईल ज्यासोबत 12GB रॅम दिली जाईल. Vivo T3 Ultra मध्ये 6.78 इंचाचा 1.5k 3D कर्व्ह ॲमोलेड डिस्प्ले, 50 मेगापिक्सेलचा ड्युअल रिअर कॅमेरा आणि 50 मेगापिक्सेलचा सेल्फी कॅमेरा मिळेल. या फोनला 5,500mAh ची बॅटरी आणि 80 वॉट फास्ट चार्जिंगसह लाँच केला जाईल.
Realme P2 Pro
लाँच तारीख: 13 सप्टेंबर
किंमत: 19,999 रुपये (अंदाजे)
Realme ‘P’ सीरीजमध्ये लाँच होणारा हा तिसरा स्मार्टफोन असेल. Realme P1 आणि P1 Pro नंतर आता कंपनी Realme P2 Pro घेऊन येत आहे. हा मोबाईल क्वालकॉम स्नॅपड्रॅगन चिपसेटवर लाँच केला जाईल ज्यामध्ये 12 जीबी पर्यंतची रॅम दिली जाऊ शकते. ब्रँडकडून खुलासा करण्यात आला आहे की Realme P2 Pro मध्ये 80 वॉट फास्ट चार्जिंग तंत्रज्ञान दिले जाईल. तसेच फोनमध्ये 5,000mAh ची बॅटरी आणि 50 मेगापिक्सेलचा ओआयएस ड्युअल रिअर कॅमेरा देखील पहायला मिळू शकतो.
