Vivo नं आपली वाय-सीरीजमध्ये येणाऱ्या दोन फोन्सच्या किंमतीत अचानक कपात केली आहे. कंपनीनं Y100 आणि Y100A ची किंमत 1,000 रुपयांनी कमी केली आहे. Vivo नं अधिकृतपणे ह्या फोन्सच्या किंमती कमी केल्या आहेत. तसेच फोन्ससह बँक ऑफर्स देखील दिल्या जात आहेत. चला जाणून घेऊया ह्या दोन्ही मोबाइल्सची नवीन किंमत आणि सर्व स्पेसिफिकेशन्सची संपूर्ण माहिती.
विवो वाय100 आणि विवो वाय100ए ची नवीन किंमत
Vivo Y100 चा 8 जीबी रॅम आणि 128 जीबी स्टोरेज व्हेरिएंट आता 23,999 रुपयांमध्ये विकत घेता येईल. ज्याची पूर्वी किंमत 24,999 रुपये होती. तर Vivo Y100A चा 8 जीबी रॅम आणि 256 जीबी स्टोरेज व्हेरिएंट 26,999 रुपयांच्या ऐवजी 25,999 रुपयांमध्ये मिळेल. तसेच ICICI, SBI, Yes Bank, IDFC First बँकेच्या कार्ड्सनं पेमेटं केल्यास 2,000 रुपयांपर्यंतचा कॅशबॅक घेता येईल. तसेच काही निवडक फायनान्स पार्टनर्सच्या माध्यमातून झिरो डाउन पेमेंटचा ऑप्शन दिला जात आहे.
विवो वाय 100 चे स्पेसिफिकेशन्स
- 6.38″ FHD+ 90Hz Display
- 8GB + 8GB = 16GB RAM
- MediaTek Dimensity 900
- 64MP Triple Rear Camera
- 16MP Selfie Camera
- 44W 4,500mAh Battery
विवो वाय100 स्मार्टफोनमध्ये 6.38 इंचाचा फुलएचडी+ अॅमोलेड डिस्प्ले देण्यात आला आहे. जो 90हर्ट्ज रिफ्रेश रेट, 1300निट्स ब्राइटनेस, 360हर्ट्ज टच रिस्पांस रेट, 60000:1 कॉन्ट्रास्ट रेशियो आणि 96% डीसीआई-पी3 कलर गामुटला सपोर्ट करतो.
Vivo Y100 अँड्रॉइड 13 आधारित फनटच ओएस 13 वर चालतो. या स्मार्टफोनमध्ये मीडियाटेक डायमेन्सिटी 900 चिपसेट देण्यात आला आहे. ग्राफिक्ससाठी एआरएम माली जी68 जीपीयू आहे. हा विवो फोन 8जीबी एक्सटेंडेड रॅमला सपोर्ट करतो जो इंटरनल 8जीबी रॅमसह मिळून 16जीबी रॅमची ताकद देतो.
फोटोग्राफीसाठी विवो वाय100 ट्रिपल रियर कॅमेऱ्याला सपोर्ट करतो, ज्यात 64 मेगापिक्सलचा प्रायमरी सेन्सर ओआयएससह देण्यात आला आहे. जोडीला 2 मेगापिक्सलची बोका लेन्स आणि 2 मेगापिक्सलची सुपर मॅक्रो लेन्स आहे. सेल्फी आणि व्हिडीओ कॉलिंगसाठी हा स्मार्टफोन 16 मेगापिक्सलच्या सेन्सरला सपोर्ट करतो.
Vivo Y100 ड्युअल सिम सपोर्टसह येतो, जोडीला 3.5एमएम जॅक व अन्य बेसिक कनेक्टिव्हिटी फीचर्स देखील मिळतात. आयपी54 सर्टिफाइड असल्यामुळे हा फोन पाणी आमी धुळीपासून काही प्रमाणात सुरक्षित राहू शकतो. पावर बॅकअपसाठी हा मोबाइल फोन 4,500एमएएचच्या बॅटरीला सपोर्ट करतो जी 44वॉट फास्ट चार्जिंग टेक्नॉलॉजी आली आहे.
विवो वाय100ए चे स्पेसिफिकेशन्स
- 6.38″ AMOLED Display
- Qualcomm Snapdragon 695 SoC
- 64MP Triple Rear Camera
- 4500mAh Battery, 44W Fast Charging
Vivo Y100A स्मार्टफोनमध्ये 6.38-इंचाचा AMOLED डिस्प्ले देण्यात आला आहे, ज्याचे रिजोल्यूशन 2400 × 1080 (FHD+) आहे. फोनमध्ये इन-डिस्प्ले फिंगरप्रिंट सेन्सर देण्यात आला आहे.स्मार्टफोनमध्ये Qualcomm Snapdragon 695 प्रोसेसर मिळतो. या फोनमध्ये 8GB रॅम आणि 256GB पर्यंत स्टोरेज देण्यात आली आहे.
Vivo Y100A स्मार्टफोन ट्रिपल रियर कॅमेऱ्याला सपोर्ट करतो. या फोनमध्ये 64MP OIS प्रायमरी कॅमेरा देण्यात आला आहे, जोडीला 2MP चा मॅक्रो कॅमेरा आणि 2MP चा डेप्थ कॅमेरा आहे. 16MP फ्रंट फेसिंग कॅमेरा देखील मिळतो. ह्यात 4500 mAh ची बॅटरी देण्यात आली आहे, जी 44W फास्ट चार्जिंगला सपोर्ट करते.
