Xiaomi 13 Pro यंदा फेब्रुवारीमध्ये भारतात 79,999 रुपयांमध्ये लाँच करण्यात आला आहे. या फोनच्या कॅमेऱ्याचे समीक्षकांनी तोंडभरून कौतुक केलं आहे. आता कंपनीनं शाओमी फॅन फेस्टिव्हल अंतर्गत मर्यादित कालावधीसाठी या स्मार्टफोनवर डिस्काउंटची घोषणा केली आहे. त्यामुळे ज्या लोकांना दर्जेदार कॅमेरा असलेला प्रीमियम फोन हवा ते बँक डिस्काउंट आणि एक्सचेंज बोनससह 10 हजारांची सूट मिळवू शकतात. Xiaomi 13 Pro स्मार्टफोनमध्ये क्वॉलकॉमचा Snapdragon 8 Gen2 चिपसेट, 50MP चा सोनी आयएमएक्स 989 1 इंचाचा सेन्सर, 120W फास्ट चार्जिंग मिळते.
शाओमी 13 प्रो वरील डिस्काउंट
Xiaomi 13 Pro स्मार्टफोन भारतात 79,999 रुपयांमध्ये 12जीबी रॅम आणि 256जीबी स्टोरेजसह लाँच झाला आहे, जो सिरॅमिक ब्लॅक आणि सिरॅमिक व्हाइट कलरमध्ये विकत घेता येईल. आता या स्मार्टफोनवर आयसीआयसीआय बँकेच्या क्रेडिट कार्ड धारकांना 8,000 रुपयांचा इन्स्टंट डिस्काउंट दिला जात आहे, त्यामुळे या फोनची किंमत 71,999 रुपये होते. कंपनीनं ही ऑफर शाओमी फॅन फेस्टिव्हल सेल अंतर्गत सादर केली असून जी एप्रिल 2023 दरम्यान वैध राहील. त्याचबरोबर शाओमी आणि रेडमी युजर्सना अतिरिक्त बोनस मिळेल ज्यामुळे या फोनची किंमत 69,999 रुपये होईल.
शाओमी 13 प्रो स्पेसिफिकेशन्स
- 6.73″ QHD+ 120Hz Display
- 12GB RAM + 512GB Storage
- Qualcomm Snapdragon 8 Gen2
- 32MP Selfie Sensor
- 50MP+50MP+50MP Rear Camera
- 120W Fast Charging
- 50W Wireless Charging
या फोनमध्ये 3200 x 1440 पिक्सल रिजोल्यूशन असलेल्या 6.73 इंचाचा क्वॉडएचडी+ डिस्प्ले देण्यात आला आहे. ही स्क्रीन ई6 अ‍ॅमोलेड पॅनलवर बनली आहे तसेच 120हर्ट्ज रिफ्रेश रेटवर काम करते. कंपनीनं हा फोन इन-डिस्प्ले फिंगरप्रिंट सेन्सर टेक्नॉलॉजीसह सादर केला आहे जो कोर्निंग गोरिल्ला ग्लास विक्टसनं प्रोटेक्टेड आहे. डिस्प्लेसह 240हर्ट्ज टच सॅम्पलिंग रेट, 1900निट्स ब्राइटनेस आणि 1920हर्ट्ज पीडब्ल्यूएम डिमिंग सारखे फीचर्स देखील मिळतात.
शाओमी 13 प्रो अँड्रॉइड 13 आधारित मीयुआय 14 वर लाँच झाला आहे. हा पहिला शाओमी स्मार्टफोन आहे जो भारतात या युजर इंटरफेससह लाँच झाला आहे. प्रोसेसिंगसाठी यात 4नॅनोमीटर फॅब्रिकेशनवर बनेलला क्वॉलकॉम स्नॅपड्रॅगन 8 जेन 2 चिपसेट देण्यात आला आहे. ग्राफिक्ससाठी हा फोन एड्रेनो 740 जीपीयूला सपोर्ट करतो. हेव्ही युज आणि गेमिंगसाठी यात अल्ट्रा लार्ज लिक्विड कूल व्हीसी टेक्नॉलॉजी देण्यात आली आहे. हा शाओमी फोन LPPDDR5x RAM आणि UFS 4.0 storage टेक्नॉलॉजीला सपोर्ट करतो.
फोटोग्राफीसाठी हा स्मार्टफोन ट्रिपल रियर कॅमेऱ्याला सपोर्ट करतो. या सेटअपमध्ये तीन 50 मेगापिक्सलचे कॅमेरा सेन्सर्स आहेत ज्या लाइका लेन्स आहेत. बॅक पॅनलवर एफ/1.9 अपर्चर असलेला 50MP Sony IMX989 सेन्सर, एफ/2.2 अपर्चर असलेली 50 मेगापिक्सलची अल्ट्रा वाइड अँगल लेन्स आणि एफ/2.0 अपर्चर असलेली 50 मेगापिक्सलची टेलीफोटो लेन्स देण्यात आली आहे. तसेच सेल्फी आणि व्हिडीओ कॉलिंगसाठी शाओमी 13 प्रो एफ/2.0 अपर्चर असलेल्या 32 मेगापिक्सलच्या फ्रंट कॅमेऱ्याला सपोर्ट करतो.
शाओमीनं आपला हा नवीन स्मार्टफोन 4,820एमएएचच्या बॅटरीसह बाजारात आणला आहे. बॅटरी वेगानं चार्ज करण्यासाठी शाओमी 13 प्रोमध्ये 120वॉट फास्ट चार्जिंग टेक्नॉलॉजी देण्यात आली आहे. तसेच यूएसबीविना फोन चार्ज करण्यासाठी यात 50वॉट वायरलेस चार्जिंग आणि 10वॉट रिवर्स वायरलेस चार्जिंग टेक्नॉलॉजी देखील मिळते.
