ప్రముఖ స్మార్ట్ఫోన్ బ్రాండ్ Samsung త్వరలో గెలాక్సీ సిరీస్ లో ఒక కొత్త ఫోన్ లాంచ్ కానుంది. Samsung Galaxy A06 పేరుతో ఈ డివైజ్ మార్కెట్ లోకి ఎంట్రీ ఇవ్వనుంది. తాజాగా ఈ ఫోన్ గూగుల్ ప్లే కన్సోల్ వెబ్సైట్ పై లిస్ట్ అయ్యింది. దీంతో ఫోన్ యొక్క ప్రధాన స్పెసిఫికేషన్స్ రివీల్ అయ్యాయి. ఓసారి ఆ వివరాలు తెలుసుకుందాం.
Samsung Galaxy A06 గూగుల్ ప్లే కన్సోల్ లిస్టింగ్
Samsung Galaxy A06 స్మార్ట్ఫోన్ గూగుల్ ప్లే కన్సోల్ డేటాబేస్ పై SM-A065F అనే మోడల్ నంబర్ తో లిస్ట్ అయ్యింది.
గూగుల్ ప్లే కన్సోల్ పై Samsung Galaxy A06 పేరు స్పష్టంగా పేర్కొనబడి ఉంది. ఇది గత మోడల్ ఏ05 మాదిరి 4జీ ఫోన్.
Samsung Galaxy A06 స్మార్ట్ఫోన్ మీడియాటెక్ హీలియో జీ85 చిప్సెట్ తో రానుందని లిస్టింగ్ ద్వారా తెలుస్తోంది.
Samsung Galaxy A06 డివైజ్ లో 4జిబి ర్యామ్, 1600*720 పిక్సెల్స్ రెజుల్యూషన్, 300డీపీఐ ఉండనున్నాయి.
Samsung Galaxy A06 స్మార్ట్ఫోన్ ఆండ్రాయిడ్ 14 ఓఎస్, వన్యూఐ కోర్ కస్టమ్ స్కిన్ తో గూగుల్ ప్లే కన్సోల్ పై లిస్ట్ అయ్యింది.
లిస్టింగ్ పై Samsung Galaxy A06 యొక్క ఇమేజెస్ కూడా కనిపించాయి. వాటిని గమనిస్తే, ఈ ఫోన్ యు-షేప్డ్ వాటర్డ్రాప్ నాచ్, బ్లాక్ మరియు సిల్వర్ కలర్స్ లో వస్తున్నట్లు అర్థమవుతోంది.
Samsung Galaxy A05 స్పెసిఫికేషన్స్
డిస్ప్లే: Samsung Galaxy A05 లో 6.7-ఇంచ్ పీఎల్ఎస్ ఎల్సీడీ హెచ్డీ+ స్క్రీన్, 720*1600 పిక్సెల్స్ రెజుల్యూషన్, 16 మిలియన్ కలర్స్ సపోర్ట్ ఉన్నాయి.
ప్రాసెసర్: Samsung Galaxy A05 లో మీడియాటెక్ హీలియో జీ85 చిప్సెట్ వాడారు.
ర్యామ్, స్టోరేజీ: Samsung Galaxy A05 డివైజ్ 6జిబి ర్యామ్, 128జిబి స్టోరేజీని ఆఫర్ చేస్తుంది.
కెమెరా: Samsung Galaxy A05 లో డ్యూయల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 2ఎంపి సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా ఉంది.
బ్యాటరీ: Samsung Galaxy A05 లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Samsung Galaxy A05 లో డ్యూయల్ సిమ్, 4జీ, బ్లూటూత్, వై-ఫై వంటి ఆప్షన్స్ ఉన్నాయి.
