హైలైట్స్:
- iPhone 15 Ultra అనే పేరుతో రానున్న iPhone 15 Pro Max
- 3-4 గంటలు ఎక్కువ బ్యాటరీ లైఫ్ ని కలిగి ఉండనున్న iPhone 15 Ultra
- 8K వీడియో రికార్డింగ్, పెరిస్కోప్ లెన్స్ తో రానున్న iPhone 15 Ultra
ఇటీవలె ఆపిల్ సంస్థ ఐఫోన్ 14 సిరీస్ ని లాంచ్ చేసింది. ఈసారి మినీ వర్షన్ ని తీసేసి, ప్లస్ మోడల్ ని తీసుకొచ్చింది. ప్రో మ్యాక్స్ మోడల్ కి బదులుగా iPhone 15 Ultra ని ఆపిల్ తీసుకొస్తున్నట్లు తాజా సమాచారం. మెరుగైన బ్యాటరీ లైఫ్, 8కే వీడియో రికార్డింగ్, పెరిస్కోప్ కెమెరా వంటి స్పెసిఫికేషన్స్ ఉంటాయని ఓ లీక్ స్టర్ ద్వారా తెలిసింది.
లీక్స్ఆపిల్ప్రో అనే పేరు గల లీక్ స్టర్ ఐఫోన్ 15 లైనప్ లో iPhone 15 Plus, iPhone 15 Pro, iPhone 15 Ultra అనే మోడల్స్ ఉంటాయని తెలిపాడు. 6.7-ఇంచ్ ప్రో మోడల్ ని వచ్చే ఏడాది అల్ట్రా గా పిలవనున్నట్లు బ్లూంబర్గ్ కి చెందిన మార్క్ గుర్మన్ తెలిపాడు. iPhone 15 Ultra ధరను 1,199 డాలర్లకు పెంచనున్నట్లు సదరు టిప్ స్టర్ వెల్లడించాడు. ప్రస్తుతం iPhone 14 Pro Max ధర 1,099 డాలర్లుగా ఉంది.
-New naming scheme: 15, 15 Plus, 15 Pro, 15 Ultra.
The 6.7-inch iPhone 15 “Pro” will be called Ultra and be differentiated a bit more, and that includes pricing. I expect it to start at $1199 at best. I’ll have more specific info about features closer to release.— LeaksApplePro (@LeaksApplePro) September 19, 2022
8కే వీడియో రికార్డింగ్ పై ప్రస్తుతం ఆపిల్ పని చేస్తున్నట్లు మరొక ట్వీట్ లో టిప్ స్టర్ వెల్లడించాడు. మరి ఈ ఫీచర్ iPhone 15 Ultra కి మాత్రమే పరిమితమా? లేక iPhone 15 Pro కి కూడా అందిస్తారా అనేది ఇంకా తెలియదు. అలాగే అల్ట్రా మోడల్ బ్యాటరీ లైఫ్ ని 3-4 గంటలు పెంచేందుకు ఆపిల్ ప్రయత్నిస్తున్నట్లు తెలుస్తోంది.
iPhone 15 లీక్స్ ద్వారా తెలిసిన విషయాలు
5ఎక్స్, 6ఎక్స్ ఆప్టికల్ జూమ్ అని అందించేందుకు ఆపిల్ సంస్థ iPhone 15 సిరీస్ లో పెరిస్కోప్ లెన్స్ తీసుకురాబోతున్నట్లు టీఎఫ్ఐ సెక్యూరిటీస్ అనలిస్ట్ మింగ్-చీ కువో ఈ ఏడాది మొదట్లో హింట్ ఇచ్చారు. ఐఫోన్ ప్రో మోడల్స్ లో ఇచ్చిన డైనమిక్ ఐల్యాండ్ ని ఈసారి అన్ని iPhone 15 మోడల్స్ లో ఇవ్వనున్నట్లు తెలుస్తోంది. అయితే, ఐఫోన్ 15, ఐఫోన్ 15 ప్లస్ మోడల్స్ ప్రోమోషన్, ఆల్వేస్-ఆన్ డిస్ప్లే ఫీచర్స్ కలిగి ఉండవని, డిస్ప్లే అనలిస్ట్ రాస్ యంగ్ చెప్పాడు.
ఆపిల్ యొక్క కొత్తతరం ఏ17 బయోనిక్ చిప్ తో iPhone 15 Pro, iPhone 15 Ultra ఫోన్లు రానున్నాయి. ఈ చిప్ 3 నానోమీటర్ ప్రాసెస్ పై తయారైంది. ఇక ఐఫోన్ 15, ఐఫోన్ 15 ప్లస్ ఏ16 బయోనిక్ చిప్ నే కలిగి ఉండనున్నాయి. ఐఫోన్ 14 ప్రో మోడల్స్ లో ఇదే చిప్ వాడిన సంగతి తెలిసిందే.
iPhone 15 సిరీస్ తో ఆపిల్ యూఎస్బీ టైప్-సీ పోర్ట్ కి మారుతుందని రూమర్లు వినిపిస్తున్నాయి. ఇదే కనుక నిజమైతే, ఇన్నేళ్ళుగా లైటెనింగ్ పోర్ట్ కి పరిమితమైన ఆపిల్ ఐఫోన్ సరికొత్త అడుగు వేసినట్లే. దీంతో ఇండస్ట్రీ మొత్తం కూడా టైప్-సీ కి మారినట్లు అవుతుంది. టైప్-సీ కి మారాలని ఇప్పటికే పలు దేశ ప్రభుత్వాల నుంచి ఆపిల్ పై ఒత్తిళ్ళు వస్తున్నాయి.
లేటెస్ట్ స్మార్ట్ ఫోన్, టెలీకామ్, ఆటోమొబైల్, టెక్నాలజీ వార్తల కోసం 91మొబైల్స్ తెలుగు వెబ్ సైట్ విజిట్ చేయండి.
