భారత్ లో లాంచ్ అయిన Nokia G60 5G; ఫోన్ కొనుగోలుపై వైర్డ్ ఇయర్ బడ్స్ ఉచితం

హైలైట్స్

• భారత మార్కెట్ లోకి ఎంట్రీ ఇచ్చిన Nokia G60 5G స్మార్ట్ ఫోన్
• 6జిబి ర్యామ్, స్నాప్ డ్రాగన్ 695 చిప్సెట్, 120 హెర్ట్జ్ డిస్ప్లే, 50 ఎంపి కెమెరా ఈ ఫోన్ ప్రధాన స్పెసిఫికేషన్స్
• భారత్ లో Nokia G60 5G ధర రూ.29,999

ప్రముఖ స్మార్ట్ ఫోన్ బ్రాండ్ నోకియా భారత మార్కెట్ లో Nokia G60 5G స్మార్ట్ ఫోన్ ని లాంచ్ చేసింది. ఈ ఫోన్ 120 హెర్ట్జ్ డిస్ప్లే, 50ఎంపి కెమెరా, 6జిబి ర్యామ్, క్వాల్కమ్ స్నాప్ డ్రాగన్ 695 చిప్సెట్ తో లాంచ్ అయ్యింది. Nokia G60 5G ధరనున రూ.29,999 గా నిర్ణయించారు. ఈ ఫోన్ నవంబర్ 8 నుంచి భారత్ లో సేల్ కి వస్తోంది. Nokia G60 5G యొక్క స్పెసిఫికేషన్స్ ఇతర వివరాలు తెలుసుకుందాం పదండి.

Nokia G60 5G ధర

Nokia G60 5G యొక్క ధర మరియు విక్రయం గురించి తెలుసుకుందాం. Nokia G60 5G స్మార్ట్ ఫోన్ సింగిల్ వేరియంట్ లో మాత్రమే లాంచ్ అయ్యింది. 128జిబి స్టోరేజీ, 6జిబి ర్యామ్ తో ఈ ఫోన్ అందుబాటులో ఉంటుంది. ఈ ఫోన్ ధరను భారత్ లో రూ.29,999 గా నిర్ణయించారు. నవంబర్ 8 నుంచి ఈ ఫోన్ అమ్మకానికి వస్తోంది. ఈ ఫోన్ బ్లాక్ మరియు ఐస్ కలర్ వేరియంట్స్ లో లభించనుంది. Nokia G60 5G కొనుగోలు పై రూ.3599 విలువ గల నోకియా వైర్డ్ బడ్స్ ఉచితంగా పొందవచ్చు. నేటి నుంచి ఈ ఫోన్ ప్రీ-బుకింగ్స్ మొదలయ్యాయి. నవంబర్ 7 వరకు ప్రీ-బుకింగ్స్ కొనసాగుతాయి.

Nokia G60 5G స్పెసిఫికేషన్స్

Nokia G60 5G 20:9 యాస్పెక్ట్ రేషియో, 6.58-ఇంచ్ ఫుల్ హెచ్డీ+ డిస్ప్లే, 1080*2400 పిక్సెల్స్ రెజుల్యూషన్ ని కలిగి ఉంది. ఈ ఫోన్ యొక్క స్క్రీన్ ఎల్సీడీ ప్యానెల్ తో తయారైంది. ఈ స్క్రీన్ 120 హెర్ట్జ్ రిఫ్రెష్ రేట్ మరియు 500 నిట్స్ బ్రైట్నెస్ ని కలిగి ఉంది. కార్నింగ్ గొరిల్లా గ్లాస్ 5 తో డిస్ప్లే కి ప్రొటెక్షన్ కల్పించారు. Nokia G60 5G స్మార్ట్ ఫోన్ 165.99 మిల్లీ మీటర్ల పొడవు, 75.93 మిల్లీ మీటర్ల వెడల్పు, 8.61 మిల్లీ మీటర్ల మందం, 190 గ్రాముల బరువు ఉంటుంది.

Nokia G60 5G స్మార్ట్ ఫోన్ లో ట్రిపుల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, ఎల్ఈడీ ఫ్లాష్, 5ఎంపి అల్ట్రావైడ్ యాంగిల్ కెమెరా, 2ఎంపి డెప్త్ సెన్సర్ ఉన్నాయి. సెల్ఫీలు, వీడియో కాల్స్ కోసం ఫ్రంట్ ప్యానెల్ పై 8 మెగా పిక్సెల్ కెమెరాను అందించారు.

Nokia G60 5G స్మార్ట్ ఫోన్ లో క్వాల్కమ్ స్నాప్ డ్రాగన్ 695 చిప్సెట్ అమర్చారు. ఈ ఫోన్ పర్యావరణహితమైన మెటీరియల్ తో తయారైంది. ఈ ఫోన్ ఐపీ52 డస్ట్ అండ్ వాటర్ ప్రూఫ్ రేటింగ్ తో వస్తోంది. భద్రత కోసం ఈ ఫోన్ లో సైడ్ మౌంటెడ్ ఫింగర్ ప్రింట్ సెన్సర్ అందించారు. పవర్ బ్యాకప్ కోసం Nokia G60 5G లో 4500 ఎంఏహెచ్ బ్యాటరీ అందించారు. ఇది 20 వాట్ ఫాస్ట్ చార్జింగ్ కి సపోర్ట్ చేస్తుంది.