లాంచ్ కి ముందు ఫ్లిప్‌కార్ట్ లో దర్శనమిచ్చిన Redmi Note 12 Pro సిరీస్

హైలైట్స్

• జనవరి 5 న లాంచ్ అవుతోన్న Redmi Note 12 Pro సిరీస్
• భారత్ లో ఫ్లిప్ కార్ట్ ద్వారా అమ్ముడవ్వనున్న Redmi Note 12 Pro సిరీస్ ఫోన్లు
• లైనప్ లో లాంచ్ అయ్యే ఫోన్లు: Redmi Note 12 Pro, Redmi Note 12 Pro+

చైనా కంపెనీ షావోమి త్వరలో Redmi Note 12 Pro సిరీస్ ని భారత్ లో లాంచ్ చేసేందుకు సిద్ధమవుతోంది. జనవరి 5 న ఈ డివైజెస్ ఇండియాలో లాంచ్ అవుతున్నాయి. ఇప్పటికే Redmi Note 12 Pro సిరీస్ చైనాలో లాంచ్ అయ్యింది. ఇప్పుడు లాంచ్ కి ముందు ఫ్లిప్ కార్ట్ లో Redmi Note 12 Pro సిరీస్ యొక్క మైక్రోసైట్ లైవ్ లోకి వచ్చింది. రెడ్మీ నోట్ 12 ప్రో సిరీస్ ఫోన్లు ఫ్లిప్ కార్ట్ ద్వారా సేల్ కి వస్తాయని సదరు ఈ-కామర్స్ సంస్థ ప్రకటించింది.

Redmi Note 12 Pro యొక్క ఫ్లిప్ కార్ట్ మైక్రోసైట్ ద్వారా ప్రధాన స్పెసిఫికేషన్స్ రివీల్ అయ్యాయి. వాటిని బట్టి చూస్తే, చైనా వేరియంట్స్ స్పెసిఫికేషన్స్ ని పోలి ఉన్నట్లు అర్థమవుతోంది. అంటే భారతీయ వేరియంట్స్ కూడా సేమ్ స్పెసిఫికేషన్స్ తో వస్తున్నట్లు స్పష్టమైంది. ఓసారి Redmi Note 12 Pro మరియు Redmi Note 12 Pro+ యొక్క స్పెసిఫికేషన్స్ ఎలా ఉన్నాయో తెలుసుకుందాం పదండి.

Redmi Note 12 Pro స్పెసిఫికేషన్స్

Redmi Note 12 Pro లో 50ఎంపి సోని ఐఎంఎక్స్766 ప్రైమరీ సెన్సర్, 6పి లెన్స్, ఓఐఎస్, 8ఎంపి అల్ట్రావైడ్ లెన్స్, 2ఎంపి మ్యాక్రో లెన్స్ ఉన్నాయి. సెల్ఫీలు, వీడియో కాల్స్ కోసం 16ఎంపి కెమెరా ఉంది.

Redmi Note 12 Pro లో 5జీ, 4జీ ఎల్టీఈ, వైఫై 6, బ్లూటూత్ 5.0, ఎన్ఎఫ్‌సీ, జీపీఎస్, యూఎస్బీ టైప్-సీ పోర్ట్ వంటి కనెక్టివిటీ ఆప్షన్స్ ఉన్నాయి. పవర్ బ్యాకప్ కోసం ఈ ఫోన్ లో 5000ఎంఏహెచ్ బ్యాటరీ ఉంటుంది. ఇది 67వాట్ ఫాస్ట్ చార్జింగ్ కి సపోర్ట్ చేస్తుంది.

Redmi Note 12 Pro 6.67-ఇంచ్ ఫుల్ హెచ్డీ+ ఓఎల్ఈడీ డిస్ప్లే, 1400*1080 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, 240హెర్ట్జ్ టచ్ శాంప్లింగ్ రేట్, డాల్బి విజన్, హెచ్డీఆర్10+, 900 నిట్స్ బ్రైట్నెస్, మీడియాటెక్ డైమెన్సిటీ 1080 చిప్సెట్, మాలి-జీ68 జీపీయూ వంటి స్పెసిఫికేషన్స్ కలిగి ఉంది.

Redmi Note 12 Pro నాలుగు వేరియంట్స్ లో లభిస్తుంది. అవి: 6జిబి/128జిబి, 8జిబి/128జిబి, 8జిబి/256జిబి మరియు 12జిబి/256జిబి. భారత్ లో లాంచ్ అయ్యాక ఈ వేరియంట్స్ లో ఏమైనా మార్పులు ఉండే అవకాశం ఉంది.

Redmi Note 12 Pro+ స్పెసిఫికేషన్స్

Redmi Note 12 Pro+ లో 200ఎంపి శాంసంగ్ హెచ్‌పీఎక్స్ ప్రైమరీ సెన్సర్, 7పి లెన్స్, ఏఎల్‌డీ కోటింగ్, ఓఐఎస్, 8ఎంపి అల్ట్రావైడ్ కెమెరా, 2ఎంపి మ్యాక్రో లెన్స్ ఉన్నాయి. సెల్ఫీలు, వీడియో కాల్స్ కోసం 16ఎంపి కెమెరా ఉంది.

Redmi Note 12 Pro+ లో 5000ఎంఏహెచ్ బ్యాటరీ ఉంటుంది. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. సైడ్ మౌంటెడ్ ఫింగర్ ప్రింట్ సెన్సర్, స్టీరియో స్పీకర్స్, ఎక్స్-యాక్సిస్ లీనియర్ మోటర్ ఈ ఫోన్ లో ఉన్నాయి. Redmi Note 12 Pro+ 8జిబి/256జిబి మరియు 12జిబి/256జిబి మోడల్స్ లో లభిస్తుంది. ఈ రెండు ఫోన్లు ఆండ్రాయిడ్ 12 ఆధారిత ఎంఐయూఐ 13 కస్టమ్ స్కిన్ పై పని చేస్తాయి.

Redmi Note 12 Pro+ లో 6.67-ఇంచ్ ఫుల్ హెచ్డీ+ ఓఎల్ఈడీ డిస్ప్లే, 1400*1080 పిక్సెల్స్ రెజుల్యూషన్, 20:9 యాస్పెక్ట్ రేషియో, 120 హెర్ట్జ్ రిఫ్రెష్ రేట్, 240హెర్ట్జ్ టచ్ శాంప్లింగ్ రేట్, డాల్బి విజన్, హెచ్డీఆర్10+, 900 నిట్స్ బ్రైట్నెస్, మీడియాటెక్ డైమెన్సిటీ 1080 చిప్సెట్, మాలి-జీ68 జీపీయూ వంటి స్పెసిఫికేషన్స్ ఉన్నాయి.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.