నేడు భారత్ లో Redmi 12C స్మార్ట్ ఫోన్ లాంచైంది. ఎంట్రీ లెవెల్ కేటగిరీలో ఇది శక్తివంతమైన ఫోన్లలో ఒకటిగా చెప్పబడుతోంది. ఈ ఫోన్ లో మీడియాటెక్ హీలియో జీ85 ప్రాసెసర్ వాడారు. 50ఎంపి ఏఐ మెయిన్ కెమెరాను ఈ ఫోన్ లో అందించడం విశేషం. 5 మెమొరీ ఆప్షన్స్ లో ఈ ఫోన్ లభిస్తుంది. ఎల్పీడీడీఆర్4ఎక్స్ ర్యామ్, ఈఎంఎంసీ 5.1 స్టోరేజీ టెక్నాలజీని ఈ ఫోన్ లో వాడారు.
భారత్ లో Redmi 12C ధర, కలర్ మరియు స్టోరేజీ ఆప్షన్స్
Redmi 12C డివైజ్ నాలుగు కలర్ ఆప్షన్స్ లో లభిస్తుంది. అవి: గ్రాఫైట్ గ్రే, ఓషన్ బ్లూ, మింట్ గ్రీన్, ల్యావెండర్ పర్పుల్. 4జిబి ర్యామ్ + 64జిబి స్టోరేజీ మోడల్ ధర రూ.8,999 గా ఉంది. 6జిబి ర్యామ్ + 128జిబి స్టోరేజీ వేరియంట్ ధర రూ.10,999 గా నిర్ణయించారు. స్టోరేజీని మైక్రోఎస్డీ కార్డ్ ద్వారా 1టిబి వరకు పెంచుకోవచ్చు. బ్యాంక్ ఆఫర్ ద్వారా ఫోన్ కొనుగోలు పై రూ.500 డిస్కౌంట్ లభిస్తుంది. ఈ ఫోన్ ని ఏప్రిల్ 6 వ తేదీన మధ్యాహ్నం 12 గంటల నుంచి ఫ్లిప్ కార్ట్, అమెజాన్, ఎంఐ వెబ్ సైట్, రిటైల్ స్టోర్స్ ద్వారా కొనుగోలు చేయవచ్చు. షావోమి ఫ్యాన్స్ తమ పాత ఫోన్లను ఎక్స్చేంజ్ చేస్తే అదనంగా రూ.500 డిస్కౌంట్ లభిస్తుంది.
Redmi 12C స్పెసిఫికేషన్స్
- 6.71-ఇంచ్ హెచ్డీ+ డిస్ప్లే
- మీడియాటెక్ హీలియో జీ85 చిప్
- 5,000 ఎంఏహెచ్ బ్యాటరీ
- ఆండ్రాయిడ్ 12 ఓఎస్
- 50ఎంపి + 2ఎంపి డ్యూయల్ కెమెరాలు
- 5ఎంపి సెల్ఫీ కెమెరా
Redmi 12C లో 6.71-ఇంచ్ డాట్ డ్రాప్ డిస్ప్లే, 1650*720 హెచ్డీ+ డిస్ప్లే, 20.6:9 యాస్పెక్ట్ రేషియో, 500 నిట్స్ బ్రైట్నెస్, 1500:1 కాంట్రాస్ట్ రేషియో, ఎన్టీఎస్సీ 70 పర్సెంట్, రీడింగ్ మోడ్ ఉన్నాయి. Redmi 12C లో మీడియాటెక్ హీలియో జీ85 ప్రాసెసర్ వాడారు. ఇది 12ఎన్ఎం ప్రాసెస్ పై తయారైన ఆక్టా-కోర్ చిప్.
Redmi 12C లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, మరొక ఆగ్జిలరీ లెన్స్ ఉంటుంది. సెల్ఫీస్, వీడియో కాల్స్ కోసం 5ఎంపి ఫ్రంట్ కెమెరా అందించారు. Redmi 12C డివైజ్ 168.76 మిల్లీ మీటర్ల పొడవు, 76.41 మిల్లీ మీటర్ల వెడల్పు, 8.77 మిల్లీ మీటర్ల మందం, 192 గ్రాముల బరువు ఉంటుంది.
Redmi 12C లో భద్రత కోసం రియర్ ఫింగర్ ప్రింట్ స్కానర్ అందించారు. అలాగే ఏఐ ఫేస్ అన్లాక్ ని కూడా ప్రొవైడ్ చేశారు. ఈ ఫోన్ డ్యూయల్ సిమ్, 4జీ ఎల్టీఈ, బ్లూటూత్ 5.1, ఎఫ్ఎం రేడియో, వై-ఫై, ఎన్ఎఫ్సీ, జీపీఎస్, గ్లొనాస్, గెలీలియో, బైడూ, 3.5ఎంఎం ఆడియో జాక్ వంటి కనెక్టివిటీ ఫీచర్లను కలిగి ఉంది.
Redmi 12C డివైజ్ ఆండ్రాయిడ్ 12 ఓఎస్ ఆధారిత ఎంఐయూఐ 13 కస్టమ్ స్కిన్ పై పని చేస్తుంది. బాక్స్ లో ఫోన్, అడాప్టర్, యూఎస్బీ కేబుల్, సిమ్ ఎజెక్టర్ టూల్, వ్యారంటీ కార్డ్, యూజర్ గైడ్ ఉంటాయి.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
