మోటోరోలా ఎట్టకేలకు తన సరికొత్త ఫ్లాగ్షిప్ స్మార్ట్ ఫోన్ Motorola Edge 40 Pro ని యూరోపియన్ మరియు లాటిన్ అమెరికన్ మార్కెట్స్ లో లాంచ్ చేసింది. స్నాప్ డ్రాగన్ 8 జెన్ 2 ప్రాసెసర్, 165 హెర్ట్జ్ రిఫ్రెష్ రేట్, పీఓఎల్ఈడీ డిస్ప్లే, 4600 ఎంఏహెచ్ బ్యాటరీ, 125 వాట్ ఫాస్ట్ చార్జింగ్ సపోర్ట్, 50ఎంపి ఓఐఎస్ మెయిన్ కెమెరా వంటి స్పెసిఫికేషన్స్ తో ఈ ఫోన్ మార్కెట్ లోకి వచ్చింది. సరే, ఓసారి Motorola Edge 40 Pro ధర, ఇతర స్పెసిఫికేషన్స్, ఫీచర్స్ ఎలా ఉన్నాయో తెలుసుకుందాం పదండి.
Motorola Edge 40 Pro ధర
Motorola Edge 40 Pro డివైజ్ 12జిబి ర్యామ్, 256జిబి స్టోరేజీ వేరియంట్ ధర 899.99 యూరోలు (సుమారు రూ.81,000) గా ఉంది. ఈ డివైజ్ యూరోపియన్ మార్కెట్స్ లో సింగిల్ వేరియంట్ లో లాంచ్ అయ్యింది. మోటోరోలా సంస్థ భవిష్యత్తులో మరిన్ని వేరియంట్స్ ని తీసుకొచ్చే అవకాశం ఉంది. యూరోపియన్ రీజియన్ ధరలకు, భారత మార్కెట్ ధరలకు తేడా ఉంటుందని యూజర్లు గమనించాలి.
Motorola Edge 40 Pro స్పెసిఫికేషన్స్
- 6.67-ఇంచ్ పీఓఎల్ఈడీ డిస్ప్లే
- 165 హెర్ట్జ్ రిఫ్రెష్ రేట్
- స్నాప్ డ్రాగన్ 8 జెన్ 2 ప్రాసెసర్
- ఆండ్రాయిడ్ 13, మైయూఎక్స్4.0
- 4600ఎంఏహెచ్ బ్యాటరీ
- 125 వాట్ ఫాస్ట్ చార్జింగ్
Motorola Edge 40 Pro డివైజ్ లో 6.67-ఇంచ్ పీఓఎల్ఈడీ ప్యానెల్, 1080*2400 ఫుల్ హెచ్డీ+ రెజుల్యూషన్, 165 హెర్ట్జ్ రిఫ్రెష్ రేట్, 394 పిక్సెల్ పర్ ఇంచ్ డెన్సిటీ, 20:9 యాస్పెక్ట్ రేషియో, హెచ్డీఆర్10+ సర్టిఫికేషన్ ఉన్నాయి. ఈ ఫోన్ లో స్నాప్ డ్రాగన్ 8 జెన్ 2 ప్రాసెసర్ వాడారు. 12జిబి ఎల్పీడీడీఆర్5ఎక్స్ ర్యామ్, 512జిబి యూఎఫ్ఎస్4.0 స్టోరేజీ ఉన్నాయి. Motorola Edge 40 Pro హ్యాండ్సెట్ ఆండ్రాయిడ్ 13 ఓఎస్ ఆధారిత మైయూఎక్స్4.0 కస్టమ్ స్కిన్ పై పని చేస్తుంది.
Motorola Edge 40 Pro లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ఓఐఎస్ మెయిన్ కెమెరా, 50ఎంపి అల్ట్రావైడ్ కెమెరా, 12ఎంపి టెలీఫోటో కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 60ఎంపి భారీ సెల్ఫీ కెమెరా అందించారు.
Motorola Edge 40 Pro లో పవర్ బ్యాకప్ కోసం 4600 ఎంఏహెచ్ బ్యాటరీ అందించారు. ఇది 125 వాట్ ఫాస్ట్ చార్జింగ్ కి సపోర్ట్ చేస్తుంది. 15 వాట్ వైర్లెస్ ఫాస్ట్ చార్జింగ్ సపోర్ట్ కూడా ఉంది. ఈ డివైజ్ 8 వాట్ రివర్స్ వైర్లెస్ చార్జింగ్ సపోర్ట్ తో వస్తోంది. ఇంకా ఐపీ68 వాటర్ అండ్ డస్ట్ రెసిస్టన్స్ రేటింగ్ ఈ ఫోన్ లో ఉంది. ఈ డివైజ్ 161.2 మిల్లీ మీటర్ల పొడవు, 74.0 మిల్లీ మీటర్ల వెడల్పు, 8.6 మిల్లీ మీటర్ల మందం, 199 గ్రాముల బరువు ఉంటుంది. Motorola Edge 40 Pro డివైజ్ బ్లూటూత్ 5.3, ఎన్ఎఫ్సీ, యూఎస్బీ టైప్-సీ 3.2, డ్యూయల్ సిమ్ వంటి కనెక్టివిటీ ఆప్షన్స్ తో వచ్చింది.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
