మే 11 న భారత్‌లో లాంచ్ కానున్న Google Pixel 7a, ఫ్లిప్‌కార్ట్ ద్వారా సేల్!

గూగుల్ కొత్త ఫోన్ Google Pixel 7a భారత మార్కెట్ లాంచ్ తేదీ రివీల్ అయ్యింది. మే 11 న ఈ ఫోన్ లాంచ్ కానుందని గూగుల్ సంస్థ ఒక ట్వీట్ ద్వారా వెల్లడించింది. తన సోషల్ మీడియా హ్యాండిల్ ద్వారా గూగుల్ ఇండియా Google Pixel 7a డివైజ్ యొక్క ఇండియా లాంచ్ వివరాలను పోస్ట్ చేసింది. ఈ ఫోన్ గూగుల్ అభివృద్ధి చేసిన టెన్సర్ జీ2 చిప్సెట్ తో వస్తున్నట్లు తెలుస్తోంది. ఈ డివైజ్ యూఎఫ్ఎస్3.1 స్టోరేజీ, ఎల్పీడీడీఆర్5 ర్యామ్ తో రానుంది.

Google Pixel 7a ధర (అంచనా)

Google Pixel 7a ధర 499 డాలర్లు (సుమారు రూ.41,000) ఉండే అవకాశం ఉందని 9to5Google వెబ్ సైట్ తన కథనంలో పేర్కొంది. పిక్సెల్ 6ఏ తో పోల్చితే ఇది 50 డాలర్లు ఎక్కువ ధరను కలిగి ఉంది.

Google Pixel 7a స్పెసిఫికేషన్స్ (అంచనా)

డిస్ప్లే

Google Pixel 7a స్మార్ట్ ఫోన్ లో 6.1-ఇంచ్ ఫుల్ హెచ్డీ+ ఓఎల్ఈడీ డిస్ప్లే, 90 హెర్ట్జ్ రిఫ్రెష్ రేట్, సన్నని బెజెల్స్, సెంటర్ పొజిషన్డ్ పంచ్ హోల్ కటౌట్ ఉంటాయి.

చిప్సెట్

Google Pixel 7a లో 8జిబి ఎల్పీడీడీఆర్5 ర్యామ్, 128జిబి యూఎఫ్ఎస్ 3.1 స్టోరేజీ, ఆండ్రాయిడ్ 13 ఓఎస్ ఉంటాయి.

కెమెరా విభాగం

Google Pixel 7a లో 64ఎంపి సోని ఐఎంఎక్స్787 సెన్సర్, 13ఎంపి సెకండరీ లెన్స్ ఉంటాయి. సెల్ఫీస్, వీడియో కాల్స్ కోసం ఈ డివైజ్ లో 10.8 ఎంపి ఫ్రంట్ కెమెరా ఉంటుంది.

లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.