Realme 12 Pro మరియు Redmi Note 13 Pro డివైజెస్ మిడ్ రేంజ్ కొనుగోలుదారులను దృష్టిలో పెట్టుకుని మార్కెట్ లో లాంచ్ చేయబడ్డాయి. ఈసారి ఈ రెండు ఫోన్లు మార్కెట్ లో గట్టి పోటీని ఎదుర్కోనున్నాయి. రెండు ఫోన్లు కూడా చక్కటి కెమెరా సామర్థ్యంతో వచ్చాయి. డిజైన్ మరియు బిల్ట్ క్వాలిటీ కూడా ఆకట్టుకునే విధంగా ఉన్నాయి. మరి రెండు ఫోన్లలో ఏ ఫోన్ జనాల ఆదరణ ఎక్కువగా పొందుతుందో రానున్న రోజుల్లో తేలిపోనుంది. ఈలోపు మనం రెండు ఫోన్లలో ఉన్న స్పెసిఫికేషన్స్ ని పోల్చి చూద్దాం.
Realme 12 Pro vs Redmi Note 13 Pro
ప్రాసెసర్
- Realme 12 Pro డివైజ్ లో స్నాప్డ్రాగన్ 6 జెన్ 1 చిప్సెట్ వాడారు. ఇది 4 నానోమీటర్ ప్రాసెస్ పై తయారైంది. గ్రాఫిక్స్ కోసం అడ్రెనో 710 జీపీయూ ఉపయోగించారు.
- Redmi Note 13 Pro లో స్నాప్డ్రాగన్ 7ఎస్ జెన్ 2 చిప్సెట్, అడ్రెనో 710 జీపీయూ ఉన్నాయి. ఈ చిప్సెట్ కూడా 4 నానోమీటర్ ప్రాసెస్ పై తయారైంది.
ర్యామ్, స్టోరేజీ
- Realme 12 Pro మరియు Redmi Note 13 Pro డివైజెస్ లో 8జిబి/12జిబి ఎల్పీడీడీఆర్4ఎక్స్ ర్యామ్, 128జిబి/256జిబి స్టోరేజీ ఉన్నాయి.
- Realme 12 Pro లో యూఎఫ్ఎస్ 3.1 స్టోరేజీ టెక్నాలజీ అందించారు.
డిస్ప్లే
- Realme 12 Pro లో 6.7-ఇంచ్ ఫుల్ హెచ్డీ+ కర్వ్డ్ అమోలెడ్ స్క్రీన్, 120 హెర్ట్జ్ రిఫ్రెష్ రేట్ ఉన్నాయి.
- Redmi Note 13 Pro లో 6.67-ఇంచ్ 1.5కే ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్, డాల్బీ విజన్, హెచ్డీఆర్10+ సపోర్ట్ ఉన్నాయి.
ఆపరేటింగ్ సిస్టమ్
- Realme 12 Pro డివైజ్ ఆండ్రాయిడ్ 14 ఓఎస్ ఆధారిత రియల్మీ యూఐ 6.0 కస్టమ్ స్కిన్ పై పని చేస్తుంది.
- Redmi Note 13 Pro ఆండ్రాయిడ్ 13 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేస్తుంది.
కనెక్టివిటీ
- రెండు ఫోన్లలో 5జీ కనెక్టివిటీ, వై-ఫై 6, బ్లూటూత్, యూఎస్బీ టైప్-సీ, జీపీఎస్ తదితర ఫీచర్లు ఉన్నాయి.
- అయితే Redmi Note 13 Pro లో ఎన్ఎఫ్సీ ఉంది. Realme 12 Pro లో ఎన్ఎఫ్సీని అందించలేదు.
కెమెరా
- Realme 12 Pro లో 50ఎంపి ఓఐఎస్ ప్రైమరీ కెమెరా, 8ఎంపి అల్ట్రావైడ్ లెన్స్, 32ఎంపి 2ఎక్స్ టెలీఫోటో లెన్స్ ఉన్నాయి.
- Redmi Note 13 Pro లో 200ఎంపి ఓఐఎస్ మెయిన్ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉన్నాయి.
బ్యాటరీ
- Realme 12 Pro లో 5,000 ఎంఏహెచ్ బ్యాటరీ, 67 వాట్ సూపర్వూక్ ఫాస్ట్ చార్జింగ్ సపోర్ట్ ఉన్నాయి.
- Redmi Note 13 Pro లో 5,100ఎంఏహెచ్ బ్యాటరీ, 67 వాట్ ఫాస్ట్ చార్జింగ్ సపోర్ట్ ఉన్నాయి.
ఏది కొనాలి?
- Realme 12 Pro లో సోని కెమెరా లెన్సెస్, టెలీఫోటో లెన్స్ ప్రత్యేక ఆకర్షణగా నిలుస్తున్నాయి. మరోవైపు Redmi Note 13 Pro విషయానికి వస్తే, 200ఎంపి మెయిన్ కెమెరా, 1.5కే రెజుల్యూషన్ గల డిస్ప్లే ఆకట్టుకుంటున్నాయి.
- వినియోగదారులు తమ అభిరుచికి తగిన ఫోన్ని అన్ని స్పెసిఫికేషన్స్ ని బాగా పోల్చి చూసి నిర్ణయించుకోవాల్సి ఉంటుంది.
