స్మార్ట్‌ఫోన్ కొనే ముందు ప్రధానంగా చూసే స్పెసిఫికేషన్స్ లో బ్యాటరీ విభాగం ఒకటి. ఫోన్ ఎక్కువ సేపు వాడుకోవాలంటే, మంచి పవర్ బ్యాకప్ ఉండాలి. అంటే బ్యాటరీ లైఫ్ ఎక్కువగా అందించే ఫోన్‌ని ఎంపిక చేసుకోవాల్సి ఉంటుంది. మార్కెట్ లో చాలా ఫోన్లు ఉంటాయి. అందులో ఏ ఫోన్ బ్యాటరీ లైఫ్ ఎంతా? అనేది వాడితే గానీ తెలియదు. అందుకే మేం ఎప్పటికప్పుడు ఫోన్ల బ్యాటరీ పెర్ఫామెన్స్ ఎలా ఉందో కొన్ని టెస్టులు జరిపి తెలుసుకుంటున్నాం.

Vivo V40e మరియు Motorola Edge 50 ఫోన్ల బ్యాటరీ పనితనాన్ని మేం కొన్ని టెస్టులు చేసి పరీక్షించాం. ఆ వివరాలను మీకోసం ఇక్కడ అందిస్తున్నాం. ఓసారి చదివి తెలుసుకోండి.

Vivo V40e లో 5500 ఎంఏహెచ్ బ్యాటరీ, 80 వాట్ ఫాస్ట్ చార్జింగ్ సపోర్ట్ ఇచ్చారు. మరోవైపు Motorola Edge 50 లో 5000 ఎంఏహెచ్ బ్యాటరీ ఇచ్చారు. ఇది 68 వాట్ ఫాస్ట్ చార్జింగ్ సపోర్ట్ తో వచ్చింది.

Vivo V40e vs Motorola Edge 50: ధర

PCMark బ్యాటరీ టెస్ట్

పీసీమార్క్ బ్యాటరీ టెస్ట్ ద్వారా ఫోన్ యొక్క బ్యాటరీ 100 శాతం నుంచి 20 శాతానికి డ్రాప్ అయ్యేందుకు ఎంత సమయం పట్టిందనే విషయం తెలుస్తుంది. ఈ రెండు ఫోన్లను ఫ్లైట్ మోడ్‌లో పెట్టడంతో పాటు, స్క్రీన్ బ్రైట్నెస్ 80 శాతం పెట్టాం. ఇప్పుడు టెస్టు ఫలితాలను చూద్దాం.

పైన చూపిన ఇమేజ్ ని గమనిస్తే, వివో వీ40ఈ, మోటోరోలా ఎడ్జ్ 50 కంటే ఎక్కువ సేపు నడిచినట్లు తెలుస్తోంది. వివో వీ40ఈ లో 5,500 ఎంఏహెచ్ బ్యాటరీ ఉండగా, మోటోరోలా ఎడ్జ్ 50 లో 5000 ఎంఏహెచ్ బ్యాటరీ ఉంది. దీంతో పెద్ద బ్యాటరీ గల వివో ఫోన్ ఎక్కువ బ్యాటరీ లైఫ్ ఇస్తుంది.

విజేత: Vivo V40e

YouTube Streaming (యూట్యూబ్ స్ట్రీమింగ్)

మేం రెండు ఫోన్లలో యూట్యూబ్ వీడియోలను ప్లే చేశాం. ఈ సమయంలో రెండు డివైజెస్ లో 50 శాతం బ్రైట్నెస్, వాల్యూమ్ లెవెల్ పెట్టాం. 30 నిమిషాలు వీడియోలు చూశాక, వివో వీ40ఈ లో బ్యాటరీ 3 శాతం ఖర్చయ్యింది. మోటోరోలా ఎడ్జ్ 50 బ్యాటరీ 5 శాతం డ్రాప్ అయ్యింది.

కచ్చితమైన బ్యాటరీ డ్రాప్ ఫలితాలను చూస్తే, వివో వీ40ఈ 165 ఎంఏహెచ్ పవర్ వాడుకోగా, మోటోరోలా ఎడ్జ్ 50 250 ఎంఏహెచ్ పవర్ వాడుకుంది. అంటే వివో వీ40ఈ బ్యాటరీ మెరుగ్గా ఉందని తెలుస్తోంది.

విజేత: Vivo V40e

Gaming test (గేమింగ్ టెస్ట్)

ఈ టెస్టు కోసం, మేం వివో వీ40ఈ మరియు మోటోరోలా ఎడ్జ్ 50 ఫోన్లలో బీజీఎంఐ, కాల్ ఆఫ్ డ్యూటీ, రియల్మీ రేసింగ్ 3 గేమ్‌లను ఒక్కోదానిలో 30 నిమిషాల చొప్పున ఆడటం జరిగింది. ఈ టెస్టుకి ముందు రెండు ఫోన్లలో గ్రాఫిక్స్ సెట్టింగ్స్, ఫ్రేమ్ రేట్, బ్రైట్నెస్, వాల్యూమ్ లెవెల్స్ ఒకే విధంగా ఉంచడం జరిగింది. ఫలితాలను గమనిస్తే, 1.5 గంటల తర్వాత వివో వీ40ఈ బ్యాటరీ 17 శాతం ఖర్చు కాగా, మోటోరోలా ఎడ్జ్ 50 బ్యాటరీ 26 శాతం ఖర్చయ్యింది.

కచ్చితమైన ఫలితాలను చూస్తే, వివో వీ40ఈ 935 ఎంఏహెచ్ పవర్ వాడుకుంది. మోటోరోలా ఎడ్జ్ 50 1300 ఎంఏహెచ్ పవర్ వాడుకుంది.

విజేత: Vivo V40e

Charging speed (చార్జింగ్ వేగం)

వివో వీ40ఈ 80 వాట్ ఫాస్ట్ చార్జింగ్ సపోర్ట్ తో రాగా, మోటోరోలా ఎడ్జ్ 50 డివైజ్ 68 వాట్ ఫాస్ట్ చార్జింగ్ సపోర్ట్ తో వచ్చింది. రెండు ఫోన్లు కూడా బాక్స్ లో చార్జర్ తో వస్తాయి. మేం జరిపిన టెస్టులో, 20 శాతం నుంచి 100 శాతం అయ్యేందుకు వివో వీ40ఈ కి 42 నిమిషాలు సమయం పట్టింది.

మరోవైపు, మోటోరోలా ఎడ్జ్ 50 పూర్తిగా చార్జ్ అయ్యేందుకు 40 నిమిషాల సమయం తీసుకుంది. రెండు ఫోన్ల మధ్య తేడా దాదాపు ఒకే విధంగా ఉంది. వివో వీ40ఈ లో పెద్ద బ్యాటరీ ఉన్న విషయాన్ని పరిగణలోకి తీసుకుంటే, చార్జింగ్ స్పీడ్ బెటర్ గా ఉందని తెలుస్తోంది. ఈ రౌండ్ లో రెండు ఫోన్లు సమానంగా నిలిచాయి.

విజేత: Tie (సమానం)

ఏది బెటర్?

ఫలితాల ప్రకారం, Vivo V40e పైచేయి సాధించినట్లు స్పష్టమవుతోంది. మేం జరిపిన.. బెంచ్‌మార్క్, స్ట్రీమింగ్, గేమింగ్ ఇలా ప్రతీ టెస్టులో వివో వీ40ఈ తన ఆధిపత్యాన్ని చూపింది. మీరు గనుక మంచి బ్యాటరీ లైఫ్ అందించే ఫోన్ కొరకు చూస్తుంటే, ఎడ్జ్ 50 కంటే వివో వీ40ఈ బెటర్ ఆప్షన్ అవుతుంది.

The post Vivo V40e vs Motorola Edge 50: ఏది బెటర్ బ్యాటరీ బ్యాకప్ ఇస్తుంది? first appeared on 91Mobiles Telugu.

Vivo V40e స్మార్ట్‌ఫోన్ వివో వీ40 సిరీస్ లో వచ్చిన మూడో డివైజ్. ఈ ఫోన్ గత మోడల్ వివో వీ30ఈ కి సక్సెసర్ గా మార్కెట్ లోకి వచ్చింది. దీని ప్రారంభ ధర భారత్‌లో రూ.28,999 గా ఉంది. ఇదే సెగ్మెంట్‌లో వచ్చిన Nothing Phone (2a) Plus స్మార్ట్‌ఫోన్, వివో వీ40ఈ కి గట్టి పోటీదారు అని చెప్పవచ్చు. మీరు గనుక, ఈ రెండు ఫోన్లలో దేన్ని ఎంచుకోవాలనే సందిగ్ధంలో ఉంటే, ఈ ఆర్టికల్ మీ కొరకే. ఈ రెండు ఫోన్లను పోల్చి చూసి, ఏది బెటర్ ఆప్షన్ అనే విషయాన్ని తెలుసుకుందాం పదండి.

Vivo V40e vs Nothing Phone (2a) Plus: ధరలు

రెండు ఫోన్ల ధరలను గమనిస్తే, నథింగ్ ఫోన్ 2ఏ ప్లస్, వివో వీ40ఈ కంటే తక్కువ ధర కలిగి ఉండటంతో పాటు, బేస్ వేరియంట్‌లో ఎక్కువ స్టోరేజీని అందిస్తోంది. అంతేకాదు, నథింగ్ ఫోన్ 2ఏ ప్లస్ యొక్క హయ్యర్ వేరియంట్ కూడా వివో వీ40ఈ కంటే తక్కువ ధరలో లభిస్తుండటమే గాక, ఎక్కువ ర్యామ్ ని కూడా ఆఫర్ చేస్తోంది. మరోవైపు, వివో వీ40ఈ యొక్క టాప్ మోడల్ 8జిబి ర్యామ్‌ని మాత్రమే అందిస్తోంది.

Vivo V40e vs Nothing Phone (2a) Plus: డిజైన్

వివో వీ40ఈ చూడటానికి దాదాపుగా ఇతర వీ40 సిరీస్ ఫోన్ల మాదిరే కనిపిస్తుంది. స్లిమ్ మరియు ప్రీమియమ్ డిజైన్ కలిగి ఉంది. మింట్ గ్రీన్ ఎడిషన్ బ్యాక్ ప్యానెల్ పై ప్యాటర్న్ ఫినిష్ ఉంది. మరోవైపు, రాయల్ బ్రాంజ్ వేరియంట్ ప్లెయిన్ ఫినిష్ తో వచ్చింది. నథింగ్ ఫోన్ 2ఏ ప్లస్ కంటే వివో వీ40ఈ ఎంతో కాంపాక్ట్‌గా మరియు తేలికగా ఉంటుంది.

మరోవైపు, నథింగ్ ఫోన్ 2ఏ ప్లస్, స్టాండర్డ్ ఫోన్ 2ఏ మాదిరే బ్యాక్ ప్యానెల్ పై గ్లైఫ్ లైటింగ్ తో కూడిన డిజైన్ తో వచ్చింది. ట్రాన్స్‌పరెంట్ రియర్ ప్యానెల్ తో వచ్చిన ఈ ఫోన్ లో కెమెరా మాడ్యూల్ పక్కన మూడు లైట్స్ ఉంటాయి. గ్రే ఎడిషన్ మెటాలిక్ ఫినిష్ కలిగి ఉంది. బ్లాక్ వేరియంట్ గ్లాసీ లుక్ తో ఉంది.

రెండు ఫోన్లలో, వివో వీ40ఈ ఐపీ64 రేటింగ్ తో వచ్చింది. ఇది దుమ్ము మరియు నీటి జల్లుల నుంచి రక్షణ అందిస్తుంది. మరోవైపు, నథింగ్ ఫోన్ 2ఏ ప్లస్ ఐపీ53 రేటింగ్ తో వచ్చింది. రెండు ఫోన్లు కూడా వర్షంలో ఉపయోగించేందుకు పనికిరావు.

Vivo V40e vs Nothing Phone (2a) Plus: డిస్ప్లే

రెండు ఫోన్లలో ఒకే విధమైన డిస్ప్లే స్పెసిఫికేషన్స్ ఉన్నాయి. ఫుల్‌హెచ్డీ+ అమోలెడ్ ప్యానెల్, 120 హెర్ట్జ్ రిఫ్రెష్ రేట్ ఈ ఫోన్లలో ఉన్నాయి. అయితే, వివో వీ40ఈ లో కాస్త పెద్ద స్క్రీన్ ఉంది. నథింగ్ ఫోన్ 2ఏ ప్లస్ లో గొరిల్లా గ్లాస్ 5 ప్రొటెక్షన్ ఉంది.

Vivo V40e vs Nothing Phone (2a) Plus: పెర్ఫామెన్స్

నథింగ్ ఫోన్ 2ఏ ప్లస్ డివైజ్ మీడియాటెక్ డైమెన్సిటీ 7350 ప్రో చిప్సెట్ వాడారు. వివో వీ40ఈ లో డైమెన్సిటీ 7300 చిప్సెట్ వాడారు. డైమెన్సిటీ 7350 కాస్త శక్తివంతమైంది. ఫోన్ 2ఏ లో 12జిబి వరకు ర్యామ్ ఆప్షన్ అందిస్తుండగా, వివో వీ40ఈ లో కేవలం 8జిబి ర్యామ్ మాత్రమే అందిస్తున్నారు. ఈ సెగ్మెంట్ లో నథింగ్ ఫోన్ 2ఏ ప్లస్, వివో వీ40ఈ కంటే మెరుగ్గా ఉంది.

నథింగ్ ఫోన్ 2ఏ ప్లస్ అంటుటు టెస్ట్ లో 7,71,491 పాయింట్లు సాధించి, వివో వీ40ఈ (అంటుటు 6,70,195) పై విజయం సాధించింది. గీక్‌బెంచ్ లో కూడా ఇదే పరిస్థితి ఉంది. సింగిల్-కోర్ టెస్టులో ఫోన్ 2ఏ 1121 పాయింట్లు సాధించగా, వివో వీ40ఈ 962 పాయింట్లు సాధించింది. అయితే మల్టీ-కోర్ టెస్టులో మాత్రం వివో వీ40ఈ 2,892 పాయింట్లు నమోదు చేయగా, నథింగ్ ఫోన్ 2ఏ ప్లస్ 2,203 పాయింట్లు మాత్రమే సాధించింది.

Vivo V40e vs Nothing Phone (2a) Plus: కెమెరా

కెమెరా విభాగంలో, నథింగ్ ఫోన్ 2ఏ ప్లస్, వివో వీ40ఈ పై కాస్త పైచేయి సాధించింది. రెండు ఫోన్లలో 50ఎంపి ఓఐఎస్ ప్రైమరీ కెమెరా ఉంది. అయితే ఫోన్ 2ఏ లో సెకండరీ కెమెరా వివో వీ40ఈ తో పోల్చితే బెటర్ గా ఉంది. నథింగ్ లో 50ఎంపి అల్ట్రావైడ్ లెన్స్ ఉండగా, వివో వీ40ఈ లో కేవలం 8ఎంపి అల్ట్రావైడ్ లెన్స్ ఉంది. ఇక రెండు ఫోన్లలో కూడా 50ఎంపి ఫ్రంట్ కెమెరా ఉంది.

ఇంకా మేం, వివో వీ40ఈ యొక్క కెమెరా క్వాలిటీని టెస్ట్ చేయలేదు. మీరు, నథింగ్ ఫోన్ 2ఏ యొక్క కెమెరా శాంపిల్స్ ను క్రింద గమనించవచ్చు.

1 of 5

Vivo V40e vs Nothing Phone (2a) Plus: బ్యాటరీ, చార్జింగ్

రెండు ఫోన్లలో 5,000 ఎంఏహెచ్ బ్యాటరీ అందించారు. అయితే పీసీమార్క్ బ్యాటరీ టెస్టులో ఫలితాలు కాస్త వేరుగా ఉన్నాయి. వివో వీ40ఈ బ్యాటరీ 1 గంటా 13 నిమిషాలు ఎక్కువ సమయం నడిచింది. నథింద్ ఫోన్ 2ఏ ప్లస్ ఈ టెస్టులో కాస్త వెనుకబడింది.

రెండు ఫోన్లు కూడా 50 వాట్ ఫాస్ట్ చార్జింగ్ స్పీడ్ కి సపోర్ట్ చేస్తాయి. 20 శాతం నుంచి 100 శాతం చార్జ్ అయ్యేందుకు నథింగ్ ఫోన్ 2ఏ ప్లస్ కంటే 9 నిమిషాలు తక్కువ సమయం వివో వీ40ఈ తీసుకుంది.

Vivo V40e vs Nothing Phone (2a) Plus: సాఫ్ట్‌వేర్

వివో వీ40ఈ స్మార్ట్‌ఫోన్ ఆండ్రాయిడ్ 14ఓఎస్ ఆధారిత ఫన్‌టచ్ఓఎస్ కస్టమ్ స్కిన్ పై పని చేస్తుంది. నథింగ్ ఫోన్ 2ఏ ప్లస్ ఆండ్రాయిడ్ 14 ఓఎస్ ఆధారిత నథింగ్ఓఎస్ కస్టమ్ స్కిన్ పై పని చేస్తుంది. అయితే నథింగ్ లో బ్లోట్ వేర్ ఉండదు. కానీ, వివో వీ40ఈ లో ప్రీ-ఇన్‌స్టాల్డ్ థర్డ్ పార్టీ యాప్స్ ఉంటాయి. అయితే వీటిని మీరు తీసివేయచ్చు. రెండు సంస్థలు కూడా, 3 ఏళ్ళు ఓఎస్, నాలుగేళ్ళు సెక్యూరిటీ అప్డేట్స్ ప్రామిస్ చేస్తున్నాయి.

ఏది బెటర్?

Vivo V40e కంటే Nothing Phone (2a) Plus బెటర్ ఆప్షన్ అని చెప్పవచ్చు. శక్తివంతమైన చిప్సెట్, బెటర్ కెమెరా సెటప్, డిస్ప్లే ప్రొటెక్షన్, క్లీన్ సాఫ్ట్‌వేర్ వంటివి నథింగ్ లో ఉన్నాయి. అంతేకాదు, వివో వీ40ఈ కంటే తక్కువ ధరలో నథింగ్ ఫోన్ 2ఏ ప్లస్ లభిస్తోంది.

అయితే, వివో వీ40ఈ లో బెటర్ ఐపీ రేటింగ్, మంచి బ్యాటరీ బ్యాకప్, ఫాస్ట్ చార్జింగ్ స్పీడ్ వంటి ప్లస్ పాయింట్లు ఉన్నాయి. మీకు బ్యాటరీ లైఫ్ మరియు ఫాస్ట్ చార్జింగ్ కావాలంటే కొంత డబ్బు ఎక్కువ చెల్లించి వివో వీ40ఈ తీసుకోండి. లేదంటే నథింగ్ ఫోన్ 2ఏ ప్లస్ ను ఎంచుకోండి.

The post Vivo V40e vs Nothing Phone (2a) Plus: రూ.30,000 లోపు ఏది బెటర్? first appeared on 91Mobiles Telugu.

స్మార్ట్‌ఫోన్ కొనే ముందు ప్రధానంగా చూసే స్పెసిఫికేషన్స్ లో బ్యాటరీ విభాగం ఒకటి. ఫోన్ ఎక్కువ సేపు వాడుకోవాలంటే, మంచి పవర్ బ్యాకప్ ఉండాలి. అంటే బ్యాటరీ లైఫ్ ఎక్కువగా అందించే ఫోన్‌ని ఎంపిక చేసుకోవాల్సి ఉంటుంది. మార్కెట్ లో చాలా ఫోన్లు ఉంటాయి. అందులో ఏ ఫోన్ బ్యాటరీ లైఫ్ ఎంతా? అనేది వాడితే గానీ తెలియదు. అందుకే మేం ఎప్పటికప్పుడు ఫోన్ల బ్యాటరీ పెర్ఫామెన్స్ ఎలా ఉందో కొన్ని టెస్టులు జరిపి తెలుసుకుంటున్నాం.

Vivo T3 Pro మరియు Infinix GT 20 Pro ఫోన్ల బ్యాటరీ పనితనాన్ని మేం కొన్ని టెస్టులు చేసి పరీక్షించాం. ఆ వివరాలను మీకోసం ఇక్కడ అందిస్తున్నాం. ఓసారి చదివి తెలుసుకోండి.

Vivo T3 Pro లో 5500 ఎంఏహెచ్ బ్యాటరీ, 80 వాట్ ఫాస్ట్ చార్జింగ్ సపోర్ట్ ఇచ్చారు. మరోవైపు Infinix GT 20 Pro లో 5000 ఎంఏహెచ్ బ్యాటరీ ఇచ్చారు. ఇది 45 వాట్ ఫాస్ట్ చార్జింగ్ సపోర్ట్ తో వచ్చింది.

Vivo T3 Pro vs Infinix GT 20 Pro: ప్రస్తుతం వీటి ధరలు

PCMark బ్యాటరీ టెస్ట్

పీసీమార్క్ బ్యాటరీ టెస్ట్ ద్వారా ఫోన్ యొక్క బ్యాటరీ 100 శాతం నుంచి 20 శాతానికి డ్రాప్ అయ్యేందుకు ఎంత సమయం పట్టిందనే విషయం తెలుస్తుంది. ఈ రెండు ఫోన్లలో మేం స్క్రీన్ బ్రైట్నెస్ 80 శాతం పెట్టాం. ఇప్పుడు టెస్టు ఫలితాలను చూద్దాం.

ఈ టెస్టులో వివో టీ3 ప్రో 15 గంటల 52 నిమిషాలు స్కోర్ చేసింది. ఇన్ఫినిక్స్ జీటీ 20 ప్రో 9 గంటల 13 నిమిషాలు స్కోర్ చేసింది. దీంతో వివో ఫోన్‌ది పైచేయి అని అర్థమవుతోంది.

విజేత: Vivo T3 Pro

వీడియో స్ట్రీమింగ్

వివో టీ3 ప్రో మరియు ఇన్ఫినిక్స్ జీటీ 20 ప్రో ఫోన్లలో 30 నిమిషాల పాటు యూట్యూబ్ వీడియోలను ప్లే చేశాం. ఈ టెస్టు కోసం రెండు ఫోన్లలో 50 శాతం బ్రైట్నెస్, వాల్యూమ్ పెట్టాం. వీడియో రెజుల్యూషన్‌ను 1080పి గా సెట్ చేశాం. ఈ టెస్టులో వివో టీ3 ప్రో యొక్క బ్యాటరీ 2 శాతం డ్రాప్ కాగా, ఇన్ఫినిక్స్ జీటీ 20 ప్రో బ్యాటరీ 5 శాతం డ్రాప్ అయ్యింది.

మీరు గనుక నాన్-స్టాప్‌గా వినోద కార్యక్రమాలు, సినిమాలు చూడటం లేదా యూట్యూబ్ ఎక్కువగా వినియోగించడం చేస్తుంటే, మీకు వివో టీ3 ప్రో బాగా సరిపోతుంది. ఇది ఇన్ఫినిక్స్ జీటీ 20 ప్రో కంటే ఎక్కువ సేపు బ్యాటరీ లైఫ్ ఇస్తుంది.

విజేత: Vivo T3 Pro

గేమింగ్ టెస్ట్

ఈ టెస్టు కోసం, మేం వివో టీ3 ప్రో మరియు ఇన్ఫినిక్స్ జీటీ 20 ప్రో ఫోన్లలో బీజీఎంఐ, కాల్ ఆఫ్ డ్యూటీ, రియల్మీ రేసింగ్ 3 గేమ్‌లను ఒక్కోదానిలో 30 నిమిషాల చొప్పున ఆడటం జరిగింది. ఈ టెస్టుకి ముందు రెండు ఫోన్లలో గ్రాఫిక్స్ సెట్టింగ్స్, ఫ్రేమ్ రేట్, బ్రైట్నెస్, వాల్యూమ్ లెవెల్స్ ఒకే విధంగా ఉంచడం జరిగింది.

టెస్టు ఫలితాలను గమనిస్తే, వివో టీ3 ప్రో మరోసారి సత్తా చాటింది. ఒకటిన్నర గంటలు గేమ్ టైమ్ ముగిశాక, వివో టీ3 ప్రో బ్యాటరీ 16 శాతం మాత్రమే ఖర్చయ్యింది. మరోవైపు, ఇన్ఫినిక్స్ జీటీ 20 ప్రో బ్యాటరీ 21 శాతం ఖర్చయ్యింది. ఈ టెస్టు ద్వారా వివో టీ3 ప్రో బెటర్ బ్యాటరీ లైఫ్ అందిస్తుందని అర్థమవుతోంది.

విజేత: Vivo T3 Pro

చార్జింగ్ స్పీడ్

వివో టీ3 ప్రో మరియు ఇన్ఫినిక్స్ జీటీ 20 ప్రో ఫోన్లు రెండు కూడా కంపాటిబుల్ చార్జర్ తో వస్తున్నాయి. వివో టీ3 ప్రో 80 వాట్ ఫాస్ట్ చార్జింగ్ కి సపోర్ట్ చేస్తుంది. ఇన్ఫినిక్స్ జీటీ 20 ప్రో 45 వాట్ ఫాస్ట్ చార్జింగ్ కి సపోర్ట్ చేస్తుంది.

మేం జరిపిన టెస్టులో, వివో టీ3 ప్రో 52 నిమిషాల్లో 20 శాతం నుంచి 100 శాతం చార్జ్ అయ్యింది. మరోవైపు, ఇన్ఫినిక్స్ జీటీ 20 ప్రో కి 48 నిమిషాల సమయం పట్టింది.

ఈ టెస్టులో ఇన్ఫినిక్స్ జీటీ 20 ప్రో విజయం సాధించింది. మీరు గనుక త్వరగా చార్జ్ అయ్యే ఫోన్ కోసం చూస్తుంటే, ఈ రెండు ఫోన్లలో ఇన్ఫినిక్స్ జీటీ 20 ప్రో ప్రయత్నించవచ్చు.

విజేత: Infinix GT 20 Pro

ఏది బెటర్?

ఈ టెస్టు ఫలితాలను బట్టి చూస్తే, Vivo T3 Pro పైచేయి సాధించినట్లు తెలుస్తోంది. బెంచ్‌మార్క్ ఫలితాలే కాకుండా రియల్-వరల్డ్ టెస్టుల్లో కూడా Infinix GT 20 Pro కంటే వివో టీ3 ప్రో బెటర్ గా పెర్ఫామ్ చేసింది. చార్జింగ్ స్పీడ్ మాత్రం ఇన్ఫినిక్స్ జీటీ 20 ప్రో కంటే తక్కువగానే ఉంది. కానీ, బ్యాటరీ సైజ్ ని పరిగణలోకి తీసుకుంటే వివో టీ3 ప్రో చార్జింగ్ స్పీడ్ బాగానే ఉందని చెప్పవచ్చు. సాలిడ్ బ్యాటరీ లైఫ్ కావాలంటే మీకు Vivo T3 Pro బెస్ట్ ఆప్షన్.

The post Vivo T3 Pro vs Infinix GT 20 Pro: ఏది బెటర్ బ్యాటరీ బ్యాకప్ ఇస్తుంది? first appeared on 91Mobiles Telugu.

Samsung Galaxy M55s స్మార్ట్‌ఫోన్ ఎమ్-సిరీస్ లో శాంసంగ్ నుంచి వచ్చిన కొత్త ఫోన్. దీని ప్రారంభ ధర రూ.19,999 గా ఉంది. ఇది రూ.20,000 లోపు సెగ్మెంట్ క్రిందకి వస్తుంది. ధరను బట్టి ఈ ఫోన్ హార్డ్‌వేర్ ఇతర ఫీచర్లు సరిగ్గానే ఉన్నాయనిపిస్తోంది. అయితే, ఇదే ధర శ్రేణిలో, లాంచైన Realme 13 డివైజ్ శాంసంగ్ గెలాక్సీ ఎమ్55ఎస్ కి బెటర్ ఆల్టర్నేటివ్‌గా చెప్పవచ్చు. ఇప్పుడు ఈ రెండు ఫోన్లను పోల్చి ఏది బెటర్ అనే విషయం తెలుసుకుందాం.

Samsung Galaxy M55s vs Realme 13: ధర

ఈ రెండు స్మార్ట్‌ఫోన్ల ధర భారత్‌లో రూ.20,000 లోపు ఉంది. రియల్మీ 13 తో పోల్చితే శాంసంగ్ గెలాక్సీ ఎమ్55ఎస్ ధర కాస్త ఎక్కువగా ఉంది. రెండు ఫోన్లు ఒకే విధమైన ర్యామ్, స్టోరేజీ ఆప్షన్స్ లో లభిస్తున్నాయి. అవి: 8జిబి ర్యామ్, 128జిబి/256జిబి స్టోరేజీ.

Samsung Galaxy M55s vs Realme 13: డిజైన్

శాంసంగ్ గెలాక్సీ ఎమ్55ఎస్ డివైజ్ మూడు డిఫరెంట్ ప్యాటర్న్ డిజైన్స్ లో లభిస్తుంది. అవి: స్ట్రిప్స్, ప్లెయిన్, మరియు టెక్షర్డ్. ఈ ఫోన్ గ్రీన్ మరియు బ్లాక్ మ్యాట్ కలర్ ఆప్షన్స్ లో లభిస్తుంది. రియర్ ప్యానెల్ పై టాప్ లెఫ్ట్ లో ట్రిపుల్ కెమెరా సెటప్ ఉంది. ఇందులో మూడు కెమెరా సెన్సర్స్ ఉన్నాయి. రియల్మీ 13 తో పోల్చితే గెలాక్సీ ఎమ్55 ఎస్ చాలా తక్కువ బరువుంది. ఐపీ రేటింగ్ లేకపోవడంతో ఈ ఫోన్ దుమ్ము, నీటి జల్లుల నుంచి రక్షణ పొందలేదు.

మరోవైపు, రియల్మీ 13 డ్యూయట్-టోన్ ఫినిష్ తో వచ్చింది. బ్యాక్ ప్యానెల్ పై టెక్షర్డ్ ప్యాటర్న్ ఉంది. గ్రీన్ మరియు పర్పుల్ కలర్స్ లో లభిస్తుంది. కెమెరా సెటప్ రింగ్ మాడ్యూల్ లో ఉంటుంది. ఐపీ64 రేటింగ్ వల్లన ఫోన్‌కి దుమ్ము మరియు నీటి జల్లుల నుంచి రక్షణ లభిస్తుంది.

Samsung Galaxy M55s vs Realme 13: డిస్ప్లే

రెండు ఫోన్లలో 6.7-ఇంచ్ ఫుల్‌హెచ్డీ+ (1080*2400) రెజుల్యూషన్, 120 హెర్ట్జ్ రిఫ్రెష్ రేట్ ఉన్నాయి. శాంసంగ్ ఎమ్55ఎస్ లో సూపర్ అమోలెడ్ ప్లస్ ప్యానెల్, ఇన్ఫినిటీ-ఓ ప్యానెల్ ఉండగా, రియల్మీ 13 లో ఐపీఎస్ ఎల్సీడీ ప్యానెల్ ఇచ్చారు.

Samsung Galaxy M55s vs Realme 13: పెర్ఫామెన్స్

శాంసంగ్ గెలాక్సీ ఎమ్55ఎస్ లో క్వాల్కమ్ స్నాప్‌డ్రాగన్ 7 జెన్ 1 చిప్సెట్ వాడారు. రియల్మీ 13 లో మీడియాటెక్ డైమెన్సిటీ 6300 ప్రాసెసర్ ఇచ్చారు. స్నాప్‌డ్రాగన్ 7 జెన్ 1 చిప్సెట్ 4 నానోమీటర్ ఫ్యాబ్రికేషన్స్ పై తయారైంది. డైమెన్సిటీ 6300 చిప్సెట్ 6 నానోమీటర్ ఫ్యాబ్రికేషన్స్ పై తయారైంది. శాంసంగ్ ఫోన్ ఎల్పీడీడీఆర్5 ర్యామ్, యూఎఫ్ఎస్ 3.1 స్టోరేజీతో రాగా, రియల్మీ డివైజ్ ఎల్పీడీడీఆర్4ఎక్స్ ర్యామ్, యూఎఫ్ఎస్ 2.2 స్టోరేజీతో వచ్చింది.

రియల్మీ 13 అంటుటు స్కోర్ 4,45,281 పాయింట్లు స్కోర్ చేసింది. గీక్‌బెంచ్ పై సింగిల్-కోర్ టెస్ట్ లో 782 పాయింట్లు, మల్టీ-కోర్ టెస్ట్ లో 1,978 పాయింట్లు నమోదు చేసింది. శాంసంగ్ గెలాక్సీ ఎమ్55ఎస్ పెర్ఫామెన్స్‌ను మేం ఇంకా టెస్ట్ చేయలేదు.

Samsung Galaxy M55s vs Realme 13: కెమెరాలు

కెమెరా విభాగంలో శాంసంగ్ గెలాక్సీ ఎమ్55ఎస్ క్లియర్ విన్నర్ అని చెప్పవచ్చు. రెండు ఫోన్లలో 50ఎంపి ప్రైమరీ కెమెరా, 2ఎంపి మ్యాక్రో కెమెరా ఉన్నాయి. అయితే శాంసంగ్ లో అదనంగా 8ఎంపి అల్ట్రావైడ్ లెన్స్ కూడా ఉంది. ముందువైపు, శాంసంగ్ గెలాక్సీ ఎమ్55ఎస్ లో 50ఎంపి కెమెరా ఇచ్చారు. రియల్మీ 13 లో 16ఎంపి ఫ్రంట్ కెమెరా ఇచ్చారు.

అయితే, శాంసంగ్ గెలాక్సీ ఎమ్55ఎస్ యొక్క కెమెరా పెర్ఫామెన్స్ ఎలా ఉందో తెలుసుకునేందుకు మీరు పూర్తి రివ్యూ కోసం వేచి చూడాలి. సరే, ఓసారి రియల్మీ 13 యొక్క కెమెరా శాంపిల్స్ క్రింద అందించాం. ఓ లుక్ వేయండి.

1 of 5

Samsung Galaxy M55s vs Realme 13: బ్యాటరీ, చార్జింగ్

రెండు ఫోన్లలో 5,000 ఎంఏహెచ్ బ్యాటరీ ప్రొవైడ్ చేశారు. అలాగే ఈ ఫోన్లు 45 వాట్ ఫాస్ట్ చార్జింగ్ కి సపోర్ట్ చేస్తాయి. మేం జరిపిన పీసీమార్క్ బ్యాటరీ టెస్ట్ లో రియల్మీ 13 స్మార్ట్‌ఫోన్ 11 గంటల 12 నిమిషాలు నడిచింది. అలాగే 20 శాతం నుంచి 100 శాతం చార్జ్ అయ్యేందుకు 57 నిమిషాల సమయం తీసుకుంది. శాంసంగ్ గెలాక్సీ ఎమ్55ఎస్ నుంచి కూడా ఇదే విధమైన ఫలితాలను ఆశించవచ్చు.

Samsung Galaxy M55s vs Realme 13: సాఫ్ట్‌వేర్

శాంసంగ్ గెలాక్సీ ఎమ్55ఎస్ ఆండ్రాయిడ్ 14 ఓఎస్ ఆధారిత వన్‌యూఐ కస్టమ్ స్కిన్ తో లాంచ్ అయ్యింది. రియల్మీ 13 డివైజ్ ఆండ్రాయిడ్ 14 ఓఎస్ ఆధారిత రియల్మీ యూఐ కస్టమ్ స్కిన్ తో వచ్చింది. రెండు ఫోన్లు కూడా కొన్ని థర్డ్-పార్టీ యాప్స్ తో వస్తాయి. కానీ, మీరు వాటిని అన్‌ఇన్‌స్టాల్ చేసుకోవచ్చు. శాంసంగ్ 4 ఏళ్ళు ఓఎస్ అప్డేట్స్, 5 ఏళ్ళు సెక్యూరిటీ ప్యాచెస్ అందిస్తుంది. మరోవైపు, రియల్మీ 13 కి కేవలం రెండు ఆండ్రాయిడ్ అప్డేట్స్, 3 ఏళ్ళు సెక్యూరిటీ ప్యాచెస్ లభిస్తాయి. గెలాక్సీ ఎమ్55ఎస్ లో హార్డ్‌వేర్-బేస్డ్ సెక్యూరిటీ సెల్యూషన్ ‘శాంసంగ్ నాక్స్ వాల్ట్’ ఉంటుంది.

The post Samsung Galaxy M55s vs Realme 13: రూ.20,000 లోపు ఏది బెటర్ ఫోన్? first appeared on 91Mobiles Telugu.

OnePlus Nord 4 స్మార్ట్‌ఫోన్ రూ.30,000 లోపు ఉన్న పాపులర్ ఫోన్లలో ఒకటి. ఈ ఫోన్ లో క్వాల్కమ్ స్నాప్‌డ్రాగన్ 7+ జెన్ 3 చిప్సెట్, 5500 ఎంఏహెచ్ బ్యాటరీ, 100 వాట్ ఫాస్ట్ చార్జింగ్ సపోర్ట్ వంటి ఫీచర్లు ఉన్నాయి. ఇక ఇదే ధర శ్రేణిలో ఉన్న మరొక ఫోన్ OPPO Reno 12 ను వన్‌ప్లస్ నార్డ్ 4 తో పోల్చి రెండింట్లో ఏది బెటర్ అనే విషయాన్ని తెలుసుకుందాం. ఇందుకోసం మేం ఈ రెండు స్మార్ట్‌ఫోన్లపై కొన్ని టెస్టులు జరిపాం. ఆ టెస్టు ఫలితాలను ఓసారి చదివి తెలుసుకోండి.

డేలైట్

రెండు స్మార్ట్‌ఫోన్లలో 50ఎంపి ప్రైమరీ కెమెరా ఇచ్చారు. దీంతో తీసిన డేలైట్ ఇమేజెస్ బాగున్నాయి. రెండు ఫోటోలను గమనిస్తే, కలర్ సైన్స్ లో తేడాను స్పష్టంగా కనిపిస్తోంది. వన్‌ప్లస్ నార్డ్ 4 తో తీసిన ఫోటోలో కలర్స్ బ్యాలన్స్‌డ్ గా ఉన్నాయి. మరోవైపు, ఒప్పో రెనో 12 లో కలర్ ప్రొఫైల్ ఎక్కువ వార్మ్ గా ఉంది. డైనమిక్ రేంజ్ రెండింట్లో సమానంగానే ఉంది.

రెండు ఫోన్లలో డీటెయిల్స్ సమానంగానే ఉన్నాయి. నార్డ్ 4 లో కాస్త ఎక్కువ క్లారిటీ ఉంది. జూమ్ చేసి చూస్తే బిల్డింగ్ పై ఉన్న ఐరన్-లైన్డ్ విండోస్ దగ్గర ఈ విషయాన్ని మనం గమనించవచ్చు. మొదటి రౌండ్ లో రెండు ఫోన్లు కూడా సమానంగా నిలిచాయి.

విజేత: సమానం

అల్ట్రావైడ్

రెండు ఫోన్లలో తీసిన అల్ట్రావైడ్ షాట్స్ ను గమనిస్తే, కలర్స్ బ్యాలన్స్‌డ్ గానే ఉన్నాయి. రెండు ఫోన్లలో 8ఎంపి అల్ట్రావైడ్ లెన్స్ ఉంది. కాబట్టి, డీటెయిల్స్ కూడా ఒకే విధంగా ఉంటాయని చెప్పవచ్చు. జూమ్ చేసినప్పుడు రెనో 12 ఇమేజ్ లో ఎక్కువగా గ్రెయిన్ కనిపించింది. మరోవైపు, నార్డ్ 4 లో జూమ్ చేసినప్పుడు క్లారిటీ ఉంది. క్లారిటీ, ఓవరాల్ ఇమేజ్ విషయంలో నార్డ్ 4 ముందంజలో ఉంది.

విజేత: OnePlus Nord 4

పొట్రెయిట్

రెండు ఫోన్లలో కూడా పొట్రెయిట్ షాట్స్ మెయిన్ కెమెరా ద్వారానే తీయగలం. సాఫ్ట్‌వేర్ ప్రాసెస్ తో పొట్రెయిట్ ఎఫెక్ట్ ఇవ్వబడుతుంది. రెండు ఫోన్లు కూడా ఎడ్జ్ డిటెక్షన్‌ను బాగానే హ్యాండిల్ చేశాయి. బ్యాగ్రౌండ్ నుంచి సబ్జెక్ట్ ను క్లియర్ గా సెపరేట్ చేశాయి. నార్డ్ 4 లో స్కిన్ టోన్ బ్యాలన్స్‌డ్ గా ఉంది. రెనో 12 లో కొంచెం బ్లష్ ఉంది. నార్డ్ 4 ఫేషియల్ డీటెయిల్స్ ను ఎక్కువగా క్యాప్చర్ చేయగా, రెనో 12 వాటిని సాఫ్ట్ చేసింది.

విజేత: OnePlus Nord 4

సెల్ఫీ

ఒప్పో రెనో 12 లో 32ఎంపి హై రెజుల్యూషన్ లెన్స్ ఉంది. మరోవైపు, వన్‌ప్లస్ నార్డ్ 4 లో 16ఎంపి కెమెరా ఉంది. రెండు ఫోన్లు కూడా హ్యూమన్ సబ్జెక్ట్స్ ను బాగా హ్యాండిల్ చేశాయి. రెనో 12 లో స్కిన్ టో బ్రైట్ గా ఉండి, డీటెయిల్స్ మిస్ అయ్యాయి. మరోవైపు, వన్‌ప్లస్ నార్డ్ 4 నేచురల్ స్కిన్ టోన్ అందించింది. అయితే, ఇమేజ్ కాస్త సాఫ్ట్ గా ఉంది.

ఒప్పో రెనో 12 తో పోల్చితే, నార్డ్ 4 స్కిన్ టెక్షర్ ను ఎక్కువగా క్యాప్చర్ చేసింది. వైట్ బ్యాలన్స్ కూడా నార్డ్ 4 లో బాగుంది. మరోవైపు, రెనో 12 ఫోటోలు చూడటానికి మసకగా ఉన్నాయి.

విజేత: OnePlus Nord 4

లో-లైట్ (నైట్ మోడ్ ఆఫ్)

రెండు ఫోన్లలో లో-లైట్ పెర్ఫామెన్స్ టెస్ట్ చేసేందుకు, మేం నైట్ మోడ్ ఆఫ్ చేసి పిక్చర్స్ తీశాం. నైట్ మోడ్ ఆన్ లో లేకపోయినా, వన్‌ప్లస్ నార్డ్ 4 లాంగ్ ఎక్స్‌పోజర్ వాడుతోంది. దీని ద్వారా ఇమేజ్ క్వాలిటీ బాగుంది. రెనో 12 తో పోల్చితే, నార్డ్ 4 ఎక్కువ డీటెయిల్స్ క్యాప్చర్ చేయడంతో పాటు, మంచి క్లారిటీని అందిస్తోంది. నార్డ్ 4 తో తీసిన ఇమేజెస్ లో టెక్స్ట్ చదివేందుకు వీలుగా, కచ్చితత్వంతో ఉంది. మరోవైపు, రెనో 12 కూడా లెన్స్ ఫ్లేర్స్ కంట్రోల్ చేయడంలో నార్డ్ 4 తో పోల్చితే మంచి పనితీరు చూపింది.

విజేత: OnePlus Nord 4

లో-లైట్ (నైట్ మోడ్ ఆన్)

నైట్ మోడ్ ఆన్ చేసినప్పుడు రెనో 12 లో ఇంప్రూవ్మెంట్ కనిపించింది. డీటెయిల్స్ షార్ప్ గా, కలర్స్ రియలిస్టిక్ గా, టెక్స్ట్ చదివేందుకు తేలిగ్గా ఉన్నాయి. మరోవైపు, వన్‌ప్లస్ నార్డ్ 4 లో నైట్ మోడ్ షాట్స్, నాన్-నైట్ మోడ్ షాట్స్ దాదాపుగా మాదిరే ఉన్నాయి. ఇందులో మార్పేమీ లేదు. ఇక్కడ నార్డ్ 4 కి కాస్త పైచేయి ఉంది. నియాన్ సైన్స్ మరియు ఓవరాల్ క్లారిటీ విషయాల్లో నార్డ్ 4 బెటర్ గా ఉంది.

విజేత: OnePlus Nord 4

ఏది బెటర్?

OPPO Reno 12 తో కెమెరా టెస్టులో OnePlus Nord 4 క్లియర్ విన్నర్ అని అర్థమవుతోంది. అన్ని సందర్భాల్లోనూ నార్డ్ 4 బెటర్ కెమెరా ఫోన్ అని చెప్పవచ్చు. పొట్రెయిట్ షాట్స్, లో-లైట్ ఇమేజెస్, సెల్ఫీస్ లేదా అల్ట్రావైడ్ షాట్స్ అన్నీ కూడా నార్డ్ 4 లో బాగున్నాయి. మీరు గనుక, రూ.30,000 లోపు కెమెరా ఫోన్ కోసం చూస్తుంటే, ఈ రెండు ఫోన్లలో OnePlus Nord 4 బెటర్ చాయిస్ అవుతుంది.

The post OnePlus Nord 4 vs OPPO Reno 12: రెండింట్లో ఏది బెటర్ కెమెరా ఫోన్? first appeared on 91Mobiles Telugu.

స్మార్ట్‌ఫోన్ కొనే ముందు ప్రధానంగా చూసే స్పెసిఫికేషన్స్ లో బ్యాటరీ విభాగం ఒకటి. ఫోన్ ఎక్కువ సేపు వాడుకోవాలంటే, మంచి పవర్ బ్యాకప్ ఉండాలి. అంటే బ్యాటరీ లైఫ్ ఎక్కువగా అందించే ఫోన్‌ని ఎంపిక చేసుకోవాల్సి ఉంటుంది. మార్కెట్ లో చాలా ఫోన్లు ఉంటాయి. అందులో ఏ ఫోన్ బ్యాటరీ లైఫ్ ఎంతా? అనేది వాడితే గానీ తెలియదు. అందుకే మేం ఎప్పటికప్పుడు ఫోన్ల బ్యాటరీ పెర్ఫామెన్స్ ఎలా ఉందో కొన్ని టెస్టులు జరిపి తెలుసుకుంటున్నాం.

Realme P2 Pro మరియు Motorola Edge 50 Fusion ఫోన్ల బ్యాటరీ పనితనాన్ని మేం కొన్ని టెస్టులు చేసి పరీక్షించాం. ఆ వివరాలను మీకోసం ఇక్కడ అందిస్తున్నాం. ఓసారి చదివి తెలుసుకోండి.

Realme P2 Pro లో 5200 ఎంఏహెచ్ బ్యాటరీ, 80 వాట్ ఫాస్ట్ చార్జింగ్ సపోర్ట్ ఇచ్చారు. మరోవైపు Motorola Edge 50 Fusion లో 5000 ఎంఏహెచ్ బ్యాటరీ ఇచ్చారు. ఇది 100 వాట్ ఫాస్ట్ చార్జింగ్ సపోర్ట్ తో వచ్చింది.

పీసీమార్క్ బ్యాటరీ టెస్ట్

పీసీమార్క్ బ్యాటరీ టెస్ట్ ద్వారా ఫోన్ యొక్క బ్యాటరీ 100 శాతం నుంచి 20 శాతానికి డ్రాప్ అయ్యేందుకు ఎంత సమయం పట్టిందనే విషయం తెలుస్తుంది. ఈ రెండు ఫోన్లలో మేం స్క్రీన్ బ్రైట్నెస్ 80 శాతం, వాల్యూమ్ 50 శాతం పెట్టాం. ఇప్పుడు టెస్టు ఫలితాలను చూద్దాం.

రియల్మీ పీ2 ప్రో 10 గంటల 25 నిమిషాల పాటు నడిచింది. మరోవైపు, మోటోరోలా ఎడ్జ్ 50 ఫ్యూజన్ 9 గంటల 53 నిమిషాలు నడిచింది. ఈ టెస్టులో రియల్మీ పీ2 ప్రో పైచేయి సాధించింది. ఎడ్జ్ 50 ఫ్యూజన్ తో పోల్చితే, రియల్మీ పీ2 ప్రో బెటర్ బ్యాటరీ మేనేజ్మెంట్ కలిగి ఉంది.

విజేత: Realme P2 Pro

వీడియో స్ట్రీమింగ్

రియల్మీ పీ2 ప్రో మరియు మోటోరోలా ఎడ్జ్ 50 ఫ్యూజన్ ఫోన్లలో 30 నిమిషాల పాటు యూట్యూబ్ వీడియోలను ప్లే చేశాం. ఈ టెస్టు కోసం రెండు ఫోన్లలో 50 శాతం బ్రైట్నెస్, వాల్యూమ్ పెట్టాం. వీడియో రెజుల్యూషన్‌ను 1080పి గా సెట్ చేశాం. ఈ టెస్టులో రెండు స్మార్ట్‌ఫోన్లలో 4 శాతం బ్యాటరీ ఖర్చయ్యింది. అయితే, కచ్చితమైన ఫలితాలను పరిశీలిస్తే, మోటోరోలా ఎడ్జ్ 50 ఫ్యూజన్ 200 ఎంఏహెచ్ బ్యాటరీ, రియల్మీ పీ2 ప్రో 280 ఎంఏహెచ్ బ్యాటరీ పవర్‌ను వాడుకున్నాయి.

విజేత: Motorola Edge 50 Fusion

గేమింగ్

ఈ టెస్టు కోసం, మేం రియల్మీ పీ2 ప్రో మరియు మోటోరోలా ఎడ్జ్ 50 ఫ్యూజన్ ఫోన్లలో బీజీఎంఐ, కాల్ ఆఫ్ డ్యూటీ, రియల్మీ రేసింగ్ 3 గేమ్‌లను ఒక్కోదానిలో 30 నిమిషాల చొప్పున ఆడటం జరిగింది. ఈ టెస్టుకి ముందు రెండు ఫోన్లలో గ్రాఫిక్స్ సెట్టింగ్స్, ఫ్రేమ్ రేట్, బ్రైట్నెస్, వాల్యూమ్ లెవెల్స్ ఒకే విధంగా ఉంచడం జరిగింది. గేమింగ్ కి ముందు రెండు ఫోన్లు కూడా 30 డిగ్రీల టెంపరేచర్ కలిగి ఉన్నాయి. గేమింగ్ తర్వాత ఫలితాలు ఎలా ఉన్నాయో తెలుసుకుందాం.

మోటోరోలా ఎడ్జ్ 50 ఫ్యూజన్ బ్యాటరీ 26 శాతం ఖర్చయ్యింది. అంటే దీన్ని 1,300 ఎంఏహెచ్ గా చెప్పవచ్చు. మరోవైపు, రియల్మీ పీ2 ప్రో బ్యాటరీ 20 శాతం ఖర్చయ్యింది. అంటే 1040 ఎంఏహెచ్ బ్యాటరీ పవర్ వాడుకుంది.

విజేత: Realme P2 Pro

చార్జింగ్ టెస్ట్

రియల్మీ పీ2 ప్రో మరియు మోటోరోలా ఎడ్జ్ 50 ఫ్యూజన్ ఫోన్లు రెండు కూడా కంపాటిబుల్ చార్జర్ తో వస్తున్నాయి. రియల్మీ పీ2 ప్రో 80 వాట్ ఫాస్ట్ చార్జింగ్ కి సపోర్ట్ చేస్తుంది. మోటోరోలా ఎడ్జ్ 50 ఫ్యూజన్ 68 వాట్ ఫాస్ట్ చార్జింగ్ కి సపోర్ట్ చేస్తుంది.

20 శాతం నుంచి 100 శాతం చార్జ్ అయ్యేందుకు రియల్మీ పీ2 ప్రో 36 నిమిషాల సమయం తీసుకుంది. మరోవైపు, మోటోరోలా ఎడ్జ్ 50 ఫ్యూజన్ కి 54 నిమిషాల సమయం పట్టింది. అయితే, చార్జ్ బూస్ట్ ఫీచర్ ను ఆన్ చేసినప్పుడు మోటోరోలా ఎడ్జ్ 50 ఫ్యూజన్ కి 36 నిమిషాల సమయం పట్టింది. అంటే రియల్మీ ఫోన్ మాదిరే ఇది కూడా ఉంది.

విజేత: సమానం

ఏది బెటర్?

రెండు ఫోన్ల మధ్య బ్యాటరీ పెర్ఫామెన్స్ విషయంలో తేడా స్వల్పమే. వీడియో స్ట్రీమింగ్ టెస్ట్ లో మోటోరోలా ఎడ్జ్ 50 ఫ్యూజన్ బాగా పెర్ఫామ్ చేసింది. బూస్ట్ మోడ్ లో చార్జింగ్ స్పీడ్ కూడా రియల్మీ పీ2 ప్రో తో సమానంగా ఉంది. మరోవైపు, రియల్మీ పీ2 ప్రో గేమింగ్ సమయంలో బ్యాటరీ మేనేజ్మెంట్ మరియు పీసీమార్క్ బ్యాటరీ టెస్టులో బాగా పెర్ఫామ్ చేసింది.

భారత్ లో Realme P2 Pro ప్రారంభ ధర రూ.21,999 గా ఉంది. మరోవైపు, Motorola Edge 50 Fusion బేస్ వేరియంట్ ధర రూ.22,999 గా ఉంది. రెండు ఫోన్లు కూడా బ్యాటరీ బ్యాకప్ విషయంలో బాగానే ఉన్నాయి. కాబట్టి, మీరు ఏది ఎంచుకున్నా మంచి ఆప్షనే అవుతుంది.

The post Realme P2 Pro vs Motorola Edge 50 Fusion: ఏ ఫోన్ బ్యాటరీ బెటర్ బ్యాకప్ ఇస్తుంది? first appeared on 91Mobiles Telugu.

మీరు గనుక సన్నని డిజైన్ మరియు వేగవంతమైన పెర్ఫామెన్స్ కోరుకుంటే మీకు Vivo T3 Ultra బాగా సరిపోతుంది. అయితే రూ.33,999 ధరతో ఈ ఫోన్‌కి iQOO Neo 9 Pro నుంచి గట్టి పోటీ ఉంది. ఈ ఫోన్ లో కూడా క్వాల్కమ్ ప్రాసెసర్ ఉంది. గతేడాది లాంచైన ఫ్లాగ్షిప్స్ లో వాడిన స్నాప్‌డ్రాగన్ 8 జెన్ 2 చిప్సెట్ ను ఐకూ లో వాడారు.

ఐకూ నియో 9 ప్రో 5జీ యొక్క 256జిబి స్టోరేజీ వేరియంట్ ధర రూ.36,998 గా ఉంది. అంటే వివో టీ3 అల్ట్రా కంటే రూ.3,000 ఎక్కువ. రాబోవు సేల్స్ లో ఈ ధర మరింత తగ్గవచ్చు. అప్పుడు వివో టీ3 అల్ట్రాకి సమానంగా ఐకూ నియో 9 ప్రో 5జీ ధర కూడా ఉంటుంది. ఇప్పుడు మనం ఈ రెండు ఫోన్లను పోల్చి, ఏ ఫోన్ శక్తివంతమైనదో తెలుసుకుందాం.

గీక్‌బెంచ్

గీక్‌బెంచ్ టెస్టులో వివో టీ3 అల్ట్రాపై, ఐకూ నియో 9 ప్రో 5జీ పైచేయి సాధించింది. అయితే స్కోర్ల మధ్య తేడా చాలా తక్కువగానే ఉంది. ఓసారి ఆ వివరాలను చూద్దాం.

గీక్‌బెంచ్ పై సింగిల్-కోర్ టెస్టులో ఐకూ నియో 9 ప్రో 5జీ 2023 పాయింట్లు, మల్టీ-కోర్ టెస్టులో 5564 పాయింట్లు స్కోర్ చేసింది. మరోవైపు, వివో టీ3 అల్ట్రా సింగిల్-కోర్ టెస్టులో 1854 పాయింట్లు, మల్టీ-కోర్ టెస్టులో 5066 పాయింట్లు స్కోర్ చేసింది. ఫలితాలు దాదాపు దగ్గరగానే ఉన్నాయి. కాబట్టి పెర్ఫామెన్స్ లో తేడా చాలా తక్కువగానే ఉంటుంది. ఈ టెస్టు కోసం మేం రెండు ఫోన్ల యొక్క 12జిబి ర్యామ్ + 256జిబి స్టోరేజీ వేరియంట్స్ ఉపయోగించాం.

విజేత: iQOO Neo 9 Pro

అంటుటు

అంటుటు టెస్టులో కూడా స్నాప్‌డ్రాగన్ 8 జెన్ 2 చిప్సెట్ కల్గిన ఐకూ నియో 9 ప్రో, డైమెన్సిటీ 9200+ ప్రాసెసర్ గల వివో టీ3 అల్ట్రా కంటే మంచి స్కోర్ చేసింది. అంటుటు అనేది జీపీయూ, మెమొరీ మరియు సీపీయూ పెర్ఫామెన్స్‌ను లోతైన పరీక్షలు జరిపి తెలుసుకుంటుంది.

అంటుటు టెస్టులో, స్కోర్లలో తేడాను గమనించవచ్చు. ఐకూ నియో 9 ప్రో బెటర్ పెర్ఫామెన్స్ అందిస్తుంది. అయితే వివో టీ3 అల్ట్రా (45డిగ్రీలు) తో పోల్చితే, ఐకూ నియో 9 ప్రో టెంపరేచర్ (46.2 డిగ్రీలు) కాస్త ఎక్కువగా ఉంది.

విజేత: iQOO Neo 9 Pro

సీపీయూ థ్రాటిల్

సీపీయూ థ్రాటిల్ టెస్టు కోసం మేం బర్నవుట్ యాప్ ను వినియోగించాం. ఈ టెస్టులో వివో టీ3 అల్ట్రా ఫోన్ బెటర్ పెర్ఫామెన్స్ చేసింది. పీక్ పెర్ఫామెన్స్ సమయంలో, వివో టీ3 అల్ట్రా బెటర్ స్టెబిలిటీ కలిగి ఉంటుందని ఈ టెస్టు ద్వారా రుజువైంది. అయితే ఇది రియల్ లైఫ్ కండీషన్స్ లో వేరుగా ఉంటుందని గమనించాలి.

ఏదేమైనా ఈ టెస్టులో ఐకూ నియో 9 ప్రో పై, వివో టీ3 అల్ట్రా పైచేయి సాధించింది. థ్రాట్లింగ్ టెస్టులో వివో టీ3 అల్ట్రా స్కోర్ 54.2 శాతం ఉండగా, ఐకూ నియో 9 ప్రో 53.70 శాతం స్కోర్ చేసింది.

విజేత: Vivo T3 Ultra

గేమింగ్

గేమింగ్ టెస్టు కోసం మేం ఐకూ నియో 9 ప్రో మరియు వివో టీ3 అల్ట్రా ఫోన్లలో ఒకే విధమైన సెట్టింగ్స్ పెట్టాం. ఈ రెండు ఫోన్లో మేం బీజీఎంఐ, కాల్ ఆఫ్ డ్యూటీ గేమ్‌లను ఒక్కో దానిలో 30 నిమిషాల పాటు గేమ్ ఆడాం.

బీజీఎంఐ గేమ్‌ని 30 నిమిషాల ఆడిన తర్వాత, వివో టీ3 అల్ట్రా టెంపరేచర్ 6.7 శాతం పెరిగింది. మరోవైపు, ఐకూ నియో 9 ప్రో యొక్క టెంపరేచర్ 6.5 డిగ్రీలు పెరిగింది. రెండింటి మధ్య పెద్దగా తేడా లేదనిపిస్తోంది.

30 నిమిషాల పాటు కాల్ ఆఫ్ డ్యూటీ ఆడాక, వివో టీ3 అల్ట్రా టెంపరేచర్ 5.6 డిగ్రీలు పెరగగా, ఐకూ నియో 9 ప్రో టెంపరేచర్ 6.2 డిగ్రీలు పెరిగింది. టీ3 అల్ట్రా లో నిజజీవిత పరిస్థితుల్లో హీట్ మేనేజ్మెంట్ బాగుందని దీని ద్వారా రుజువైంది.

ఇతర రియల్-లైఫ్ ఎక్స్‌పీరియన్స్ అనేది రెండు ఫోన్లలో ఒకే విధంగా ఉంది. అయితే టీ3 అల్ట్రాలో కర్వ్డ్ డిస్ప్లే ఉండగా, నియో 9 ప్రో లో ఫ్లాట్ స్క్రీన్ ఉంది. టీ3 అల్ట్రా లోని కర్వ్డ్ డిస్ప్లే వల్లన గేమింగ్ టెస్టు సమయంలో కొన్ని మిస్‌టచెస్‌ను మేం గమనించాం.

హై-ఇంటెన్సిటీ పెర్ఫామెన్స్ విషయంలో రెండు ఫోన్లు సమానంగా ఉన్నాయి. అయితే హీట్ మేనేజ్మెంట్ పరంగా వివో టీ3 అల్ట్రాదే పైచేయి.

విజేత: Vivo T3 Ultra

ఏది బెటర్?

మేం జరిపిన టెస్టుల ప్రకారం, Vivo T3 Ultra మరియు iQOO Neo 9 Pro ఫోన్లు సమానంగా నిలిచాయి. కాబట్టి, గేమింగ్ కోసమే ఫోన్ కావాలంటే రెండూ కూడా బాగుంటాయి.

గమనించాల్సిన విషయం ఏంటంటే, ఐకూ నియో 9 ప్రో ఎక్కువ సంఖ్యలో ప్రీ-ఇన్‌స్టాల్డ్ యాప్స్ (57) తో వస్తుంది. అదే, వివో టీ3 అల్ట్రా (47) ప్రీ-ఇన్‌స్టాల్డ్ యాప్స్ తో వస్తుంది. ఇక్కడ వివో టీ3 అల్ట్రా తక్కువ బ్లోట్‌వేర్ కలిగి ఉందని తెలుస్తోంది. అయితే, వివో టీ3 అల్ట్రాకి రెండేళ్ళు ఓఎస్ అప్డేట్స్ లభించనుండగా, ఐకూ నియో 9 ప్రో కి 3 ఏళ్ళు ఓఎస్ అప్డేట్స్ లభిస్తాయి. ఇక్కడ ఐకూ నియో 9 ప్రో పైచేయి సాధించింది.

The post Vivo T3 Ultra vs iQOO Neo 9 Pro: రూ.40,000 లోపు ఏది బెటర్ పెర్ఫామర్? first appeared on 91Mobiles Telugu.

Realme P2 Pro మరియు Motorola Edge 50 Fusion స్మార్ట్‌ఫోన్లు రెండు కూడా రూ.25,000 లోపు లభించే ఫోన్లు. ఇవి క్వాల్కమ్ స్నాప్‌డ్రాగన్ 7ఎస్ జెన్ 2 చిప్సెట్, 12జిబి వరకు ర్యామ్ తో వచ్చాయి. మరి, సాధారణ మరియు విపరీతమైన వాడకానికి ఈ రెండు ఫోన్లలో ఏది బెటర్ ఆప్షన్ అనే విషయాన్ని మనం తెలుసుకునే ప్రయత్నం చేద్దాం. ఇందుకోసం, మేం రియల్మీ పీ2 ప్రో మరియు మోటోరోలా ఎడ్జ్ 50 ఫ్యూజన్ ఫోన్లపై కొన్ని టెస్టులు చేశాం. ఆ వివరాలను చూద్దాం.

అంటుటు

ఓవరాల్‌గా అంటుటు టెస్టులో, రియల్మీ పీ2 ప్రో డివైజ్ మోటోరోలా ఎడ్జ్ 50 ఫ్యూజన్ కంటే బెటర్ గా ఉంది. అయితే రెండింటి మధ్య తేడా స్వల్పమే. అంటుటు బ్రేక్‌డౌన్‌ని గమనిస్తే, సీపీయూ మరియు యూఎక్స్ పెర్ఫామెన్స్ విషయాల్లో రియల్మీ పీ2 ప్రో కంటే మోటోరోలా ఎడ్జ్ 50 ఫ్యూజన్ బెటర్ గా ఉంది. మరోవైపు, రియల్మీ పీ2 ప్రో గ్రాఫిక్స్, మెమొరీ వంటి విషయాల్లో మెరుగ్గా ఉంది. ఇది గేమింగ్ వంటి టాస్కులకు బాగా సరిపోతుంది.

విజేత: Realme P2 Pro 5G

గీక్‌బెంచ్

గీక్‌బెంచ్ టెస్టులో మోటోరోలా ఎడ్జ్ 50 ఫ్యూజన్ ఉత్తమమైన ప్రదర్శన కనబరిచింది. సింగిల్-కోర్ టెస్ట్ లో ఈ ఫోన్ 1020 పాయింట్లు, మల్టీ-కోర్ టెస్టులో 2945 పాయింట్లు నమోదు చేసింది. మరోవైపు, రియల్మీ పీ2 ప్రో సింగిల్-కోర్ టెస్టులో 866 పాయింట్లు, మల్టీ-కోర్ టెస్టులో 2930 పాయింట్లు స్కోర్ చేసింది. చిన్నపాటి టాస్కులను మోటోరోలా ఎడ్జ్ 50 ఫ్యూజన్ ఎంతో చురగ్గా హ్యాండిల్ చేస్తుందని తెలుస్తోంది. ఇక హెవీ టాస్కుల విషయంలో రెండు ఫోన్లు కూడా సమానంగా పని చేస్తాయి.

విజేత: Motorola Edge 50 Fusion

సీపీయూ థ్రాటిల్

1 of 2

సీపీయూ థ్రాటిల్ టెస్టు కోసం మేం బర్నవుట్ యాప్ వాడాం. ఈ టెస్టులో మోటోరోలా ఎడ్జ్ 50 ఫ్యూజన్, రియల్మీ పీ2 ప్రో ఫోన్లు రెండు కూడా సమానమైన ప్రదర్శనను కనబరిచాయి. టెస్టులో ఈ ఫోన్లు రఫ్ గా 76 శాతం స్కోరు నమోదు చేశాయి. అంటే ఈ ఫోన్లు, గ్రాఫిక్స్ తో కూడుకున్న గేమ్స్‌ను బాగా హ్యాండిల్ చేయగలవని రుజువైంది.

విజేత: సమానం

గేమింగ్

గేమింగ్ టెస్టులో రెండు స్మార్ట్‌ఫోన్ల యొక్క బెంచ్‌మార్క్ స్కోర్లు ఏ విధంగా ఉన్నాయో తెలిసింది. బీజీఎంఐ, కాల్ ఆఫ్ డ్యూటీ, రియల్ రేసింగ్ 3 గేమ్‌లను ఒక్కోదాన్ని 30 నిమిషాల చొప్పున రెండు ఫోన్లలో ఆడటం జరిగింది. ఆడే ముందు రెండు ఫోన్లలో ఒకే విధమైన గ్రాఫిక్స్ మరియు ఫ్రేమ్ రేట్ సెట్టింగ్స్ పెట్టాం.

దురదృష్టవశాత్తు, మేం మోటోరోలా ఎడ్జ్ 50 ఫ్యూజన్ ఫోన్‌ని మా ఫ్రేమ్ రేట్ యాప్ లో రన్ చేయలేక పోయాం. అయితే, ఎడ్జ్ 50 ఫ్యూజన్ లో ఫ్రేమ్ డ్రాప్ సమస్యలైతే లేవు. మూడు గేమ్స్‌ని స్మూథ్ గా హ్యాండిల్ చేసింది. మరోవైపు, రియల్మీ పీ2 ప్రో.. కాల్ ఆఫ్ డ్యూటీపై 53.32 యావరేజీ ఎఫ్‌పీఎస్, బీజీఎంఐ పై 35.74 యావరేజీ ఎఫ్‌పీఎస్ నమోదయ్యాయి. హై మరియు హెచ్డీఆర్ సెట్టింగ్స్ తో రెండు ఫోన్లలో ఆడగా, 60ఎఫ్‌పీఎస్ మార్క్ నుంచి డౌన్ అయ్యాయి.

మొత్తం మీద, రియల్మీ పీ2 ప్రో, ఎడ్జ్ 50 ప్యూజన్ కంటే మంచి థర్మల్ ఎఫిషియన్సీని అందిస్తుంది. ఈ హ్యాండ్సెట్ టెంపరేచర్ 18.9 డిగ్రీలకు పెరగగా, మోటోరోలా ఎడ్జ్ 50 ఫ్యూజన్ ఫోన్‌ని 19.1 డిగ్రీలకు పెరిగింది. రియల్మీ పీ2 ప్రో లో 3డీ వీసీ కూలింగ్ సిస్టమ్ ఉండటం ప్లస్ అయ్యింది. దీని ద్వారా పెర్ఫామెన్స్ బాగుండటంతో పాటు, థర్మల్ థ్రాట్లింగ్ అనేది కంట్రోల్ లో ఉంది.

విజేత: Realme P2 Pro

ఏది బెటర్?

ఫలితాలను గమనిస్తే, రెండు స్మార్ట్‌ఫోన్ల మధ్య పెర్ఫామెన్స్ విషయంలో పెద్దగా తేడా ఉన్నట్లు అనిపించడం లేదు. అయితే, రెండు ఫోన్లు కూడా వివిధ విభాగాల్లో మేటిగా ఉన్నాయి. గ్రాఫిక్స్ మరియు మెమొరీ విషయంలో Realme P2 Pro బాగుంది. దీని ద్వారా గేమింగ్ మరియు ఇతర హెవీ టాస్కులు వేగంగా చేయబడతాయి. అలాగే రియల్మీ పీ2 ప్రోలో ఉన్న థర్మల్ ఎఫిషియన్సీ కూడా ఫోన్ స్థిరంగా పెర్ఫామ్ చేసేందుకు ఉపయోగపడుతుంది.

మరోవైపు, Motorola Edge 50 Fusion రోజువారీ టాస్కులను చకచకా చేసేస్తుంది. దీనికి గీక్‌బెంచ్ స్కోరే రుజువు.

చివరగా, మీ ప్రాధామ్యాలపై ఎంపిక ఆధారపడి ఉంటుంది. మీకు గేమింగ్, మల్టీ-టాస్కింగ్ ముఖ్యమైతే Realme P2 ను ఎంచుకోండి. రోజువారీ టాస్కులను వేగంగా చేసుకోవాలనుకుంటే Motorola Edge 50 Fusion ను ఎంపిక చేసుకోండి.

The post Realme P2 Pro vs Motorola Edge 50 Fusion: రూ.25,000 లోపు బడ్జెట్‌లో రెండింట్లో ఏది బెటర్? first appeared on 91Mobiles Telugu.

స్మార్ట్‌ఫోన్ కొనే ముందు ప్రధానంగా చూసే స్పెసిఫికేషన్స్ లో బ్యాటరీ విభాగం ఒకటి. ఫోన్ ఎక్కువ సేపు వాడుకోవాలంటే, మంచి పవర్ బ్యాకప్ ఉండాలి. అంటే బ్యాటరీ లైఫ్ ఎక్కువగా అందించే ఫోన్‌ని ఎంపిక చేసుకోవాల్సి ఉంటుంది. మార్కెట్ లో చాలా ఫోన్లు ఉంటాయి. అందులో ఏ ఫోన్ బ్యాటరీ లైఫ్ ఎంతా? అనేది వాడితే గానీ తెలియదు. అందుకే మేం ఎప్పటికప్పుడు ఫోన్ల బ్యాటరీ పెర్ఫామెన్స్ ఎలా ఉందో కొన్ని టెస్టులు జరిపి తెలుసుకుంటున్నాం.

Realme 13 మరియు CMF Phone 1 ఫోన్ల బ్యాటరీ పనితనాన్ని మేం కొన్ని టెస్టులు చేసి పరీక్షించాం. ఆ వివరాలను మీకోసం ఇక్కడ అందిస్తున్నాం. ఓసారి చదివి తెలుసుకోండి.

Realme 13 లో 5000 ఎంఏహెచ్ బ్యాటరీ, 45 వాట్ ఫాస్ట్ చార్జింగ్ సపోర్ట్ ఇచ్చారు. మరోవైపు CMF Phone 1 లో 5000 ఎంఏహెచ్ బ్యాటరీ ఇచ్చారు. ఇది 33 వాట్ ఫాస్ట్ చార్జింగ్ సపోర్ట్ తో వచ్చింది.

Realme 13 vs CMF Phone 1: ధరలు (అధికార వెబ్‌సైట్ ప్రకారం)

పీసీమార్క్

పీసీమార్క్ బ్యాటరీ టెస్ట్ ద్వారా ఫోన్ యొక్క బ్యాటరీ 100 శాతం నుంచి 20 శాతానికి డ్రాప్ అయ్యేందుకు ఎంత సమయం పట్టిందనే విషయం తెలుస్తుంది. ఈ రెండు ఫోన్లలో మేం స్క్రీన్ బ్రైట్నెస్ 80 శాతం పెట్టాం. ఇప్పుడు టెస్టు ఫలితాలను చూద్దాం.

రెండు ఫోన్లలో 5000 ఎంఏహెచ్ బ్యాటరీ ఉన్నప్పటికీ సీఎంఎఫ్ ఫోన్ 1 తో పోల్చితే రియల్మీ 13 వెనుకబడింది. సీఎంఎఫ్ ఫోన్ 1 బెటర్ బ్యాటరీ ఆప్టిమైజేషన్ కలిగి ఉన్నట్లు బెంచ్‌మార్క్ ఫలితాలను చూస్తే అర్థమవుతోంది. కాబట్టి, రియల్మీ 13 కంటే సీఎంఎఫ్ ఫోన్ 1 ఎక్కువ బ్యాటరీ లైఫ్ ఇస్తుందని తెలుస్తోంది.

విజేత: CMF Phone 1

వీడియో స్ట్రీమింగ్

రెండు ఫోన్లలో 50 శాతం బ్రైట్నెస్, వాల్యూమ్ లెవెల్ ను పెట్టడం జరిగింది. తర్వాత 30 నిమిషాల పాటు యూట్యూబ్ వీడియోలను ప్లే చేయగా, రెండు స్మార్ట్‌ఫోన్లలో బ్యాటరీ 3 శాతం ఖర్చయ్యింది. మీరు తరచూ, ఓటీటీ ప్లాట్ఫామ్స్ లో వీడియోలను చూసే వారైతే, రెండు ఫోన్లు కూడా ఒకే విధమైన వీడియో ప్లేబ్యాక్ టైమ్ అందిస్తాయి.

విజేత: సమానం

గేమింగ్

రెండు స్మార్ట్‌ఫోన్లలో కాల్ ఆఫ్ డ్యూటీ: మొబైల్, రియల్ రేసింగ్ 3, బీజీఎంఐ గేమ్‌లను ఒక్కొక్క దాన్ని 30 నిమిషాల చొప్పున ఆడటం జరిగింది. ఫలితాలు చాలా ఆసక్తికరంగా వచ్చాయి. రియల్మీ 13 కొంచెమే బ్యాటరీని వాడుకుని లీడ్ లో నిలిచింది. ఈ ఫోన్ బ్యాటరీ 5.6 శాతం మాత్రమే డ్రాప్ కాగా, సీఎంఎఫ్ ఫోన్ 1 డివైజ్ 7 శాతం బ్యాటరీ శక్తిని వాడుకుంది. మీరు గనుక, ఎక్కువగా గేమ్స్ ఆడే వారైతే, రియల్మీ 13 బెటర్ చాయిస్ అవుతుంది.

విజేత: Realme 13

చార్జింగ్ స్పీడ్

బ్యాటరీ లైఫ్ తో పాటు, చార్జింగ్ స్పీడ్ కూడా ముఖ్యమైన విషయమే. రియల్మీ 13 45 వాట్ ఫాస్ట్ చార్జింగ్ తో రాగా, సీఎంఎఫ్ ఫోన్ 1 33 వాట్ ఫాస్ట్ చార్జింగ్ సపోర్ట్ తో వచ్చింది. రెండు ఫోన్లు కూడా 20 శాతం బ్యాటరీ పవర్ తో ఉండగా, చార్జింగ్ పెట్టడం జరిగింది. మరి 100 శాతం చేరేందుకు ఏ ఫోన్ కి ఎంత సమయం పట్టిందో తెలుసుకుందాం.

ఈ టెస్టులో రియల్మీ 13 తన సత్తా చాటింది. సీఎంఎఫ్ ఫోన్ 1 పై రియల్మీ 13 పైచేయి సాధించింది. సీఎంఎఫ్ ఫోన్ 1 తక్కువ చార్జింగ్ స్పీడ్ తో రావడం తెలిసిన విషయమే. అయినప్పటికీ, సాధ్యమైనంత త్వరగానే ఫుల్ చార్జ్ చేయగలిగింది.

విజేత: Realme 13

ఏది బెటర్?

ఈ బ్యాటరీ కంపేరిజన్ ట్విస్టులతో కూడుకున్నట్లు అనిపించింది. తొలుత బెంచ్‌మార్క్ ఫలితాల్లో సీఎంఎఫ్ ఫోన్ 1 విజయం సాధించింది. కానీ, చివర్లో, రియల్మీ 13 రియల్-వరల్డ్ టెస్టులో విక్టరీ కొట్టింది. గేమింగ్ వంటి హెవీ టాస్కుల సమయంలో Realme 13 బ్యాటరీని తక్కువ వాడుకుంది. అలాగే CMF Phone 1 కంటే త్వరగా బ్యాటరీని చార్జ్ చేసింది.

మీరు క్విక్ చార్జింగ్, స్ట్రాంగ్ బ్యాటరీ లైఫ్ కోరుకుంటే Realme 13 బెటర్ ఆప్షన్ అవుతుంది.

స్మార్ట్‌ఫోన్లను టెస్ట్ చేసిన వారు: గౌరవ్ శర్మ

The post Realme 13 vs CMF Phone 1: ఏది ఎక్కువ బ్యాటరీ లైఫ్ ఇస్తుంది? first appeared on 91Mobiles Telugu.

Vivo T3 Ultra ఇటీవలె భారతీయ మార్కెట్ లో లాంచ్ అయ్యింది. దీని ప్రారంభ ధర రూ.31,999 గా ఉంది. ఈ ధర శ్రేణిలో Motorola Edge 50 Pro కూడా లాంచ్ అయ్యింది. వివో టీ3 అల్ట్రా కి ఇది ఆల్టర్నేటివ్ ఫోన్ అని చెప్పుకోవచ్చు. ఈ ఆర్టికల్ లో మనం వివో టీ3 అల్ట్రా మరియు మోటోరోలా ఎడ్జ్ 50 ప్రో ఫోన్లను పోల్చి చూసి ఏది బెటర్ ప్రీమియమ్ మిడ్-రేంజ్ ఫోన్ అనే విషయాన్ని తెలుసుకుందాం.

Vivo T3 Ultra vs Motorola Edge 50 Pro: స్పెసిఫికేషన్స్

Vivo T3 Ultra vs Motorola Edge 50 Pro: ధర

Vivo T3 Ultra vs Motorola Edge 50 Pro: డిజైన్

రెండు ఫోన్లు కూడా ప్రీమియమ్ లుక్ తో ఉన్నాయి. అయితే, వివో టీ3 అల్ట్రా డిజైన్ ను గమనిస్తే.. మినిమలిజమ్, ఎర్గనామిక్స్, సాలిడ్ ఇన్-హ్యాండ్ ఫీల్ పై ఫోకస్ పెట్టినట్లు తెలుస్తోంది. మరోవైపు, మోటోరోలా ఎడ్జ్ 50 ప్రో కర్వ్డ్ డిజైన్, మంచి బిల్డ్ క్వాలిటీ, స్టైలిష్ లుక్ తో ఉంది.

వివో టీ3 అల్ట్రా చూడటానికి స్లిమ్ గా ఉంది. ఎడ్జ్ 50 ప్రో లగ్జరియస్ లుక్ తో ఉంది. రెండు ఫోన్లు కూడా ఐపీ68 రేటింగ్ తో వచ్చాయి. దీని ద్వారా వాటర్ అండ్ డస్ట్ నుంచి ఫోన్లకు రక్షణ లభిస్తుంది. వర్షంలో, నీటి లోపల 1.5 మీటర్ల వరకు అరగంట సేపు ఉన్నా ఈ ఫోన్లకు ఏమీ కాదు.

Vivo T3 Ultra vs Motorola Edge 50 Pro: డిస్ప్లే

వివో టీ3 అల్ట్రా లో 6.78-ఇంచ్ 3డీ కర్వ్డ్ 1.2కే అమోలెడ్ డిస్ప్లే ఉంది. మరోవైపు, మోటోరోలా ఎడ్జ్ 50 ప్రో లో 10-బిట్ 6.7-ఇంచ్ పీఓఎల్ఈడీ 3డీ కర్వ్డ్ స్క్రీన్ ఉంది. అయితే, మోటోరోలా ఎడ్జ్ 50 ప్రో 144 హెర్ట్జ్ రిఫ్రెష్ రేట్ కి సపోర్ట్ చేస్తుంది. వివో టీ3 అల్ట్రా 120 హెర్ట్జ్ రిఫ్రెష్ రేట్ తో వచ్చింది.

వివో టీ3 అల్ట్రా షాట్ జెన్సేషన్ ఆల్ఫా ప్రొటెక్షన్ తో వచ్చింది. దీని వ్లలన స్క్రాచెస్ నుంచి డిస్ప్లేకి రక్షణ లభిస్తుంది. ఓవరాల్ గా రెండు ఫోన్లు కూడా రిచ్ అండ్ స్మూథ్ ఎక్స్‌పీరియన్స్ అందిస్తాయి.

Vivo T3 Ultra vs Motorola Edge 50 Pro: పెర్ఫామెన్స్

వివో టీ3 అల్ట్రా లో మీడియాటెక్ డైమెన్సిటీ 9200+ చిప్సెట్ అందించారు. ఈ చిప్సెట్ ఎంతో శక్తివంతమైంది. అన్ని రకాల టాస్కులను స్మూథ్ గా చేస్తుంది. అయితే, మేం జరిపిన టెస్టుల సమయంలో, హెవీ లోడ్ ఉన్నప్పుడు పెర్ఫామెన్స్ తగ్గినట్లు అనిపించింది. ఏదేమైనా, జనరల్ యూజ్ విషయంలో డివైజ్ బాగా పెర్ఫామ్ చేస్తుంది.

మోటోరోలా ఎడ్జ్ 50 ప్రో లో స్నాప్‌డ్రాగన్ 7 జెన్ 3 చిప్సెట్ అందించారు. ఇది డెయిలీ టాస్కులు, గేమింగ్ వంటి వాటికి బాగా సరిపోతుంది. ఎక్కువ ఒత్తిడితో కూడిన టాస్కులను హ్యాండిల్ చేసేటప్పుడు వేడెక్కడం, పనితీరు మందగించడం వంటివి మేం గమనించాం. దీంతో, వివో టీ3 అల్ట్రా, మోటో ఎడ్జ్ 50 ప్రో పై పైచేయి సాధించింది.

Vivo T3 Ultra vs Motorola Edge 50 Pro: కెమెరాలు

మోటోరోలా ఎడ్జ్ 50 ప్రో లో విలక్షణమైన కెమెరా సెటప్ ఉంది. ఇది వివో టీ3 అల్ట్రాతో పోల్చితే ఎంతో బాగుంది. రెండు ఫోన్లలో 50ఎంపి ఓఐఎస్ ప్రైమరీ సెన్సర్ ఉంది. మోటోరోలా ఎడ్జ్ 50 ప్రో లో ఉన్న ట్రిపుల్ కెమెరా సెటప్ లో 13ఎంపి అల్ట్రావైడ్ కెమెరా, 10ఎంపి టెలీఫోటో/మ్యాక్రో లెన్స్ ఉన్నాయి. వివో టీ3 అల్ట్రా లో 8ఎంపి అల్ట్రావైడ్ లెన్స్ ఉంది. రెండు ఫోన్లలో 50ఎంపి ఫ్రంట్ కెమెరా ఉంది.

Vivo T3 Ultra

1 of 7

మేం జరిపిన టెస్టులో, వివో టీ3 అల్ట్రా పొట్రెయిట్ ఫోటోగ్రఫీ, లో-లైట్ కండిషన్స్ లో బాగా పెర్ఫామ్ చేసింది. ఇక్కడ ఆరా లైట్ కి థ్యాంక్స్ చెప్పుకోవల్సిందే. కానీ, ఇండోర్ వీడియో ఫ్లికరింగ్ అనేది సమస్యగా మారింది. అలాగే, అప్పుడప్పుడు ఇమేజ్‌ని ఓవర్-ప్రాసెసర్ చేస్తోంది.

Moto Edge 50 Pro

1 of 7

మరోవైపు, మోటోరోలా ఎడ్జ్ 50 ప్రో లో-లైట్ షాట్స్ బాగా తీస్తోంది. డీటెయిల్డ్ పొట్రెయిట్స్ కూడా వివిధ రకాల ఫోకల్ లెంగ్త్స్‌లో బాగా కనిపించాయి. అయితే, సెల్ఫీలు ఓవర్‌ఎక్స్‌పోజ్ అవ్వడం మరియు టెలీఫోటో లెన్స్ తో తీసిన ఇమేజెస్ కలర్ షిఫ్ట్ అవ్వడం మైనస్‌గా కనిపిస్తోంది.

Vivo T3 Ultra vs Motorola Edge 50 Pro: బ్యాటరీ, చార్జింగ్

వివో టీ3 అల్ట్రా లో 5500 ఎంఏహెచ్ బ్యాటరీ ఇచ్చారు. మోటోరోలా ఎడ్జ్ 50 ప్రో లో 4500 ఎంఏహెచ్ బ్యాటరీ అందించారు. మేం జరిపిన పీసీమార్క్ బ్యాటరీ టెస్ట్ లో మోటోరోలా ఎడ్జ్ 50 ప్రో మంచి ప్రదర్శన కనబరిచింది. టెస్టు ఫలితాలను చూస్తే, మోటో ఎడ్జ్ 50 ప్రో 12 గంటల 30 నిమిషాలు నడవగా, వివో టీ3 అల్ట్రా 12 గంటల 14 నిమిషాల పాటు నడిచింది.

మోటో ఎడ్జ్ 50 ప్రో ను 125 వాట్ ఫాస్ట్ చార్జర్ తో చార్జ్ చేయగా, కేవలం 30 నిమిషాల్లో 100 శాతం చార్జ్ అయ్యింది. మరోవైపు, వివో టీ3 అల్ట్రా ను 80 వాట్ ఫాస్ట్ చార్జర్ తో చార్జ్ చేయగా, పూర్తిగా చార్జ్ అయ్యేందుకు 38 నిమిషాల సమయం పట్టింది. ఫాస్ట్ చార్జింగ్ మోడ్ తీసేసి, చార్జ్ చేయగా, వివో టీ3 అల్ట్రా కి 100 శాతం చార్జ్ అయ్యేందుకు 47 నిమిషాలు సమయం పట్టింది.

Vivo T3 Ultra vs Motorola Edge 50 Pro: సాఫ్ట్‌వేర్

వివో టీ3 అల్ట్రా ఆండ్రాయిడ్ 14 ఓఎస్ ఆధారిత ఫన్‌టచ్ఓఎస్ కస్టమ్ స్కిన్ తో లాంచ్ అయ్యింది. మోటోరోలా ఎడ్జ్ 50 ప్రో ఆండ్రాయిడ్ 14 ఓఎస్ తో లాంచ్ అయ్యింది. ఎడ్జ్ 50 ప్రో క్లీన్ ఆండ్రాయిడ్ ఎక్స్‌పీరియన్స్ అందిస్తుంది. రెండు ఫోన్లకు ఆయా కంపెనీలు, 3 ఏళ్ళు మేజర్ ఓఎస్ అప్డేట్స్, 4 ఏళ్ళు సెక్యూరిటీ ప్యాచెస్ అందించనున్నాయి.

పరిమితమైన ఏఐ ఫీచర్లు, స్మూథ్ యానిమేషన్స్ తో వివో టీ3 అల్ట్రా ఎఫిషియంట్ సాఫ్ట్‌వేర్ ఎక్స్‌పీరియన్స్ ను అందిస్తుంది. మరోవైపు, మోటోరోలా ఎడ్జ్ 50 ప్రో ఎన్నో కనెక్టివిటీ ఆప్షన్స్, కస్టమైజేషన్, మోటో కనెక్ట్, మోటో సెక్యూర్ వంటి సెక్యూరిటీ టూల్స్ తో ఫీచర్-రిచ్ ఎక్స్ అనుభూతిని అందిస్తుంది.

ఏది బెటర్?

ఓవరాల్ గా రెండు ఫోన్లు కూడా చెప్పుకోదగిన పెర్ఫామెన్స్ ను అందిస్తాయి. వివో టీ3 అల్ట్రా బెటర్ డిస్ప్లే ప్యానెల్, ప్రొటెక్షన్, సూపీరియర్ చిప్సెట్, లో-లైట్ పెర్ఫామెన్స్ వంటి విషయాల్లో మోటోరోలా ఎడ్జ్ 50 ప్రో కంటే మెరుగ్గా ఉంది.

మరోవైపు, మోటోరోలా ఎడ్జ్ 50 ప్రో.. స్మూథ్ డిస్ప్లే, బెటర్ బ్యాటరీ బ్యాకప్, ఫాస్టర్ చార్జింగ్ స్పీడ్, విలక్షణమైన కెమెరా సెటప్, క్లీన్ సాఫ్ట్‌వేర్ వంటి విషయాల్లో వివో టీ3 అల్ట్రా కంటే బాగుంది.

The post Vivo T3 Ultra vs Motorola Edge 50 Pro: ఏది బెటర్ ప్రీమియమ్ మిడ్-రేంజ్ ఫోన్? first appeared on 91Mobiles Telugu.