హైలైట్స్:
- నెట్టింట్లో ప్రత్యక్షమైన గూగుల్ పిక్సెల్ ఫోల్డ్ స్పెసిఫికేషన్స్ మరియు బాడీ మెటీరియల్ వివరాలు
- 2కే డిస్ప్లే, టెన్సర్ 2 చిప్, 50 ఎంపి ప్రైమరీ కెమెరా వంటి ఫీచర్లు ఉండే అవకాశం
- సిరామిక్ బ్యాక్ ప్యానెల్ తో రానున్న గూగుల్ పిక్సెల్ ఫోల్డ్
ఇక గూగుల్ పిక్సెల్ ఫోల్డబుల్ స్మార్ట్ ఫోన్ పై ఆశలు వదులుకున్న తరుణంలో, కొత్త లీక్ ఒకటి ఆన్ లైన్లో ప్రత్యక్షమైంది. ఈ లీక్ ద్వారా గూగుల్ పిక్సెల్ ఫోల్డ్ యొక్క స్పెసిఫికేషన్స్ ఏంటో తెలిసాయి. అప్పుడెప్పుడో నవంబర్ 2021 లో గూగుల్ పిక్సెల్ మడతబెట్టే స్మార్ట్ ఫోన్ గురించి వార్తలను విన్నాం. అన్నీ అనుకున్నట్లు జరిగితే, 2022 ప్రథమార్థంలో పిక్సెల్ ఫోల్డ్ లాంచ్ అయ్యుండాల్సింది. కానీ అలా జరగలేదు. అయితే ఇప్పుడు కొన్ని నెలల తర్వాత, ఈ మడతబెట్టే హ్యాండ్సెట్ యొక్క ధర శాంసంగ్ గెలాక్సీ జెడ్ ఫోల్డ్ 3 కంటే తక్కువేనని తెలిసింది.
అయితే, మడతబెట్టే ఫోన్ల విభాగంలో బలంగా పాతుకుపోయిన శాంసంగ్ ముందు గూగుల్ పిక్సెల్ ఫోల్డ్ నిలబడలేదని తొలుత గూగుల్ మేనేజ్మెంట్ ఎగ్జిక్యూటివ్స్ భావించారట. ఆశ్చర్యకరంగా, 2022 ఫిబ్రవరిలో, గూగుల్ సంస్థ మళ్ళీ పిక్సెల్ ఫోల్డ్ పై పని చేయడం మొదలుపెట్టిందని రాస్ యంగ్ ట్వీట్ చేశాడు. ఇక అప్పటి నుంచి ఇంకెప్పుడు పిక్సెల్ ఫోల్డ్ గురించి వినిపించలేదు. ఇప్పుడు వీబో పోస్ట్ ద్వారా ప్రముఖ నమ్మదగిన టిప్ స్టర్ డిజిటల్ చాట్ స్టేషన్ గూగుల్ పిక్సెల్ ఫోల్డ్ యొక్క స్పెసిఫికేషన్స్ ని బయటపెట్టింది. దీంతో గూగుల్ పిక్సెల్ ఫోల్డ్ పై ఆశలు సజీవంగా నిలిచినట్లైంది.
Google Pixel Fold స్పెసిఫికేషన్స్ (లీక్డ్)
టిప్ స్టర్ డిజిటల్ చాట్ స్టేషన్ ప్రకారం, ఫాక్స్కాన్ తో గూగుల్ ఒప్పందం చేసుకున్నట్లు సమాచారం. ఈ ఒప్పందాన్ని బట్టి, ఫాక్స్కాన్ 2022 లో గూగుల్ కి సంబంధించిన స్మార్ట్ ఫోన్స్ ని తయారు చేయాల్సి ఉంటుంది. ఫాక్స్కాన్ కంపెనీ యాపిల్, సోనీ ఉత్పత్తులను తయారు చేస్తుందన్న సంగతి తెలిసిందే. ఇప్పుడు గూగుల్ కూడా ఈ సంస్థతో చేతులు కలిపింది. ఫాక్స్కాన్ రానున్న రోజుల్లో గూగుల్ పిక్సెల్ 7 సిరీస్, గూగుల్ పిక్సెల్ ఫోల్డ్ డివైజెస్ ను తయారు చేయనుంది. 2020 లో గూగుల్ సంస్థ తన ప్రొడక్షన్ ని చైనా నుంచి వియాత్నం కి మార్చిన నేపథ్యంలో తాజా నిర్ణయం ఆశ్చర్యాన్ని కలిగిస్తోంది.
మనకు కొన్ని రకాల సర్ప్రైజ్ లను అందించకపోతే అది గూగుల్ పిక్సెల్ ఫోన్ ఎలా అవుతుంది చెప్పండి? సరే, ఇప్పుడు పిక్సెల్ మడతబెట్టే ఫోన్ గురించి చూద్దాం. పిక్సెల్ ఫోల్డబుల్ ఫోన్ సంప్రదాయ ప్లాస్టిక్, గ్లాస్, మెటల్ బాడీకి బదులు సిరామిక్ బాడీతో రానుంది. ఇదే కనుక నిజమైతే, ఇదే తొలి సిరామిక్ గూగుల్ పిక్సెల్ హ్యాండ్సెట్ అవుతుంది.
ఇప్పుడు హార్డ్వేర్ గురించి తెలుసుకుందాం. లీక్స్టర్ చెబుతున్న దాన్ని బట్టి, పిక్సెల్ ఫోల్డ్ లో 2కే డిస్ప్లే, సెంటర్ పంచ్-హోల్ కటౌట్, ఫ్రంట్ ఫేసింగ్ కెమెరా ఉంటాయి. గూగుల్ సొంత చిప్ అయిన టెన్సర్ 2 ప్రాసెసర్ ను ఇందులో వాడుతున్నారు. పిక్సెల్ ఫోల్డ్ లో 50ఎంపి ప్రైమరీ కెమెరా, సోనీ ఐఎంఎక్స్787 సెకండరీ లెన్స్ ఉంటాయి.
