Geekbench పై కనిపించిన iQOO 11 స్పెసిఫికేషన్స్

హైలైట్స్

• త్వరలోనే లాంచ్ కానున్న iQOO 11 సిరీస్
• iQOO 11 సిరీస్ లో ఉండే మోడల్స్: iQOO 11, iQOO 11 Pro
• స్నాప్ డ్రాగన్ 8 జెన్ 2 చిప్సెట్, 12జిబి ర్యామ్ తో వస్తోన్న iQOO 11 స్మార్ట్ ఫోన్

iQOO 11 త్వరలో లాంచ్ అయ్యేందుకు సిద్ధమవుతోంది. ఈ ఫ్లాగ్షిప్ డివైజ్ 2022 డిసెంబర్ లో ఎంట్రీ ఇవ్వనుంది. ఈ లైనప్ లో స్టాండర్డ్ వేరియంట్ iQOO 11 మరియు హై-ఎండ్ ఫోన్ iQOO 11 Pro ఉంటాయి. ఈ రెండు డివైజెస్ యొక్క స్పెసిఫికేషన్స్ ని ఐకూ ఇంకా అధికారికంగా వెల్లడించాల్సి ఉంది. ఈలోపు iQOO 11 గీక్‌బెంచ్ వెబ్‌సైట్ పై కనిపించింది. గీక్‌బెంచ్ లిస్టింగ్ ద్వారా iQOO 11 యొక్క స్పెసిఫికేషన్స్ రివీల్ అయ్యాయి. ఆ విశేషాలేంటో ఇక్కడ తెలుసుకుందాం పదండి.

Geekbench ద్వారా రివీల్ అయిన iQOO 11 స్పెసిఫికేషన్స్

పైన గీక్ బెంచ్ డేటాబేస్ ఇమేజ్ లో చూపిన విధంగా, iQOO 11 v2243A అనే మోడల్ నంబర్ ని కలిగి ఉంది. ఈ డివైజ్ సింగిల్ కోర్ టెస్ట్ లో 1453 పాయింట్లు, మల్టీ-కోర్ టెస్ట్ లో 4660 పాయింట్లు సాధించింది.

గీక్‌బెంచ్ లిస్టింగ్ ద్వారా iQOO 11 స్పెసిఫికేషన్స్ ఎలా ఉండనున్నాయో తెలిసింది. లిస్టింగ్ ప్రకారం, iQOO 11 స్నాప్ డ్రాగన్ 8 జెన్ 2 చిప్సెట్ తో వస్తోంది. ఇందులో 12జిబి ర్యామ్ ఉంటుందని లిస్టింగ్ లో పేర్కొనబడింది. అయితే ఇతర ర్యామ్ వేరియంట్స్ లో కూడా ఈ ఫోన్ లభించనుంది. iQOO 11 ఆండ్రాయిడ్ 13 ఓఎస్ పై పని చేయనుంది.

iQOO 11 ఫోన్ భారత్ లో iQOO 10 పేరుతో లాంచ్ అవుతుందని అంచనా వేస్తున్నారు. ఈ డివైజ్ రీసెంట్ గా IMEI డేటాబేస్ పై iQOO 10 పేరుతో కనిపించింది. దీంతో ఇది నిజమేనని అంతా బావిస్తున్నారు. మరోవైపు iQOO 11 Pro అదే పేరుతో లాంచ్ అయ్యే అవకాశం ఉన్నట్లు తెలుస్తోంది.

iQOO 11 స్పెసిఫికేషన్స్ (అంచనా)

iQOO 11 లో 6.78-ఇంచ్ ఫుల్ హెచ్డీ+ డిస్ప్లే, 144 హెర్ట్జ్ రిఫ్రెష్ రేట్, అమోలెడ్ డిస్ప్లే ఉండనున్నాయి. స్నాప్ డ్రాగన్ 8 జెన్ 2 ప్రాసెసర్ ని ఈ ఫోన్ లో వినియోగించనున్నారు. ఇప్పుడు iQOO 11 కెమెరా విభాగం గురించి తెలుసుకుందాం. iQOO 11 లో 50 మెగా పిక్సెల్ మెయిన్ కెమెరా, 13 మెగా పిక్సెల్ అల్ట్రావైడ్ యాంగిల్ కెమెరా, 12 మెగా పిక్సెల్ టెలీఫోటో లెన్స్ ఉంటాయి. సెల్ఫీలు, వీడియో కాల్స్ కోసం ఇందులో 16 మెగా పిక్సెల్ ఫ్రంట్ కెమెరా అందించనున్నారు.

iQOO 11 యొక్క బ్యాటరీ విషయానికి వస్తే, ఇందులో 5000 ఎంఏహెచ్ బ్యాటరీ ఉంటుంది. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. చార్జింగ్ కోసం ఇందులో యూఎస్బీ టైప్-సీ పోర్ట్ ఉంటుంది. 5g, 4g, బ్లూటూత్, వై-ఫై, ఎన్ఎఫ్‌సీ తదితర కనెక్టివిటీ ఆప్షన్స్ ఈ ఫోన్ లో ఉంటాయి. ఆడియో టెక్నాలజీ మరియు స్పీకర్ కి సంబంధించిన స్పెసిఫికేషన్స్ ఇంకా తెలియాల్సి ఉంది. త్వరలోనే కచ్చితమైన స్పెసిఫికేషన్స్ బయటకు రానున్నాయి.