వివో సబ్-బ్రాండ్ అయిన iQOO నేడు భారత్ లో iQOO Z7 Pro 5G స్మార్ట్ ఫోన్ ని లాంచ్ చేసింది. మిడ్-రేంజ్ సెగ్మెంట్ లో వచ్చిన ఈ ఫోన్ లో 3డీ కర్వ్డ్ స్క్రీన్, గ్రేడియంట్ డిజైన్ తో వచ్చింది. iQOO Z7 Pro 5G డివైజ్ మీడియాటెక్ డైమెన్సిటీ 7200 చిప్, 120 హెర్ట్జ్ రిఫ్రెష్ రేట్, అమోలెడ్ ప్యానెల్, 66 వాట్ ఫాస్ట్ చార్జింగ్ సపోర్ట్ వంటి స్పెసిఫికేషన్స్ కలిగి ఉంది. సరే, ఓసారి iQOO Z7 Pro 5G యొక్క భారత మార్కెట్ ధర, పూర్తి స్పెసిఫికేషన్స్ తెలుసుకుందాం పదండి.
భారత్ లో iQOO Z7 Pro 5G ధర, సేల్ వివరాలు
iQOO Z7 Pro 5G డివైజ్ 8జిబి ర్యామ్, 128జిబి స్టోరేజీ వేరియంట్ ధరను రూ.23,999 గా నిర్ణయించారు. 256జిబి వేరియంట్ ధర రూ.24,999 గా ఉంది. సెప్టెంబర్ 5 వ తేదీన మధ్యాహ్నం 12 గంటల నుంచి iQOO Z7 Pro 5G డివైజ్ సేల్ కి రానుంది. అమెజాన్ ఇండియా, ఐకూ ఆన్లైన్ స్టోర్స్ ద్వారా ఫోన్ ని కొనుగోలు చేయవచ్చు. ఎస్బీఐ బ్యాంక్, హెచ్డీఎఫ్సీ బ్యాంక్ కార్డ్ హోల్డర్స్ రూ.2,000 డిస్కౌంట్ లభిస్తుంది. పాత ఫోన్ ఎక్స్చేంజ్ పై అదనంగా రూ.2,000 తగ్గింపు ఉంటుంది.
iQOO Z7 Pro 5G స్పెసిఫికేషన్స్
- స్క్రీన్: iQOO Z7 Pro 5G డివైజ్ లో 6.78-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 400 హెర్ట్జ్ టచ్ శాంప్లింగ్ రేట్, 1300 నిట్స్ పీక్ బ్రైట్నెస్ ఉన్నాయి.
- ప్రాసెసర్: iQOO Z7 Pro 5G స్మార్ట్ ఫోన్ లో మీడియాటెక్ డైమెన్సిటీ 7200 5జీ చిప్సెట్ వాడారు. గ్రాఫిక్స్ కోసం ఏఆర్ఎమ్ మాలి-జీ610 జీపీయూ వినియోగించారు.
- ర్యామ్, స్టోరేజీ: iQOO Z7 Pro 5G డివైజ్ 8జిబి + 128జిబి మరియు 8జిబి + 256జిబి వేరియంట్స్ లో లభిస్తుంది.
- కెమెరా: iQOO Z7 Pro 5G లో డ్యూయల్ రియర్ కెమెరా సెటప్ ఉంది. ఇందులో 64ఎంపి ఓఐఎస్ ప్రైమరీ కెమెరా, 2ఎంపి బొకే లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
- బ్యాటరీ, చార్జింగ్: iQOO Z7 Pro 5G లో పవర్ బ్యాకప్ కోసం 4,600 ఎంఏహెచ్ బ్యాటరీ అందించారు. ఇది 66 వాట్ ఫాస్ట్ చార్జింగ్ కి సపోర్ట్ చేస్తుంది.
- సాఫ్ట్వేర్: iQOO Z7 Pro 5G డివైజ్ ఆండ్రాయిడ్ 13 ఓఎస్ ఆధారిత ఫన్టచ్ఓఎస్ 13 కస్టమ్ స్కిన్ పై పని చేస్తుంది.
- కలర్స్: iQOO Z7 Pro 5G డివైజ్ గ్రాఫైట్ మ్యాట్, బ్లూ లగూన్ కలర్ ఆప్షన్స్ లో లభిస్తుంది.
- ఇతర ఫీచర్లు: iQOO Z7 Pro 5G డివైజ్ లో వై-ఫై 6, యూఎస్బీ టైప్-సీ పోర్ట్, ఐపీ52 రేటింగ్, బ్లూటూత్, డ్యూయల్ సిమ్, 5జీ, 4జీ, జీపీఎస్ వంటి ఫీచర్లు ఉన్నాయి.
