హైలైట్స్
- చైనాలో లాంచైన OnePlus 11 స్మార్ట్ ఫోన్
- 6.7-ఇంచ్ ఈ4 క్యూహెచ్డీ+ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్, 50ఎంపి ప్రైమరీ కెమెరాతో లాంచైన OnePlus 11
- OnePlus 11 ప్రారంభ ధర 3,999 యువాన్లు (సుమారు రూ.48,000)
అందరూ ఎంతగానో ఎదురు చూస్తోన్న OnePlus 11 స్మార్ట్ ఫోన్ చైనాలో లాంచైంది. దీంతో ఫోన్ యొక్క పూర్తి స్పెసిఫికేషన్స్ బయటకు వచ్చాయి. క్వాల్కమ్ స్నాప్ డ్రాగన్ 8 జెన్ 2 చిప్సెట్, క్యూహెచ్డీ+ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్, 100 వాట్ ఫాస్ట్ చార్జింగ్ సపోర్ట్, 16జిబి ర్యామ్, అలర్ట్ స్లైడర్, ఆండ్రాయిడ్ 13 ఓఎస్ తో ఈ ఫోన్ లాంచైంది.
OnePlus 11 స్మార్ట్ ఫోన్ ఫ్లాట్ ఎడ్జెస్, న్యారో బెజెల్స్, కార్నర్ పొజిషన్డ్ పంచ్ హోల్ కటౌట్, హాజెల్బ్లడ్ కెమెరాస్ తో వచ్చింది. ఈసారి వన్ ప్లస్ 11 లో అలర్ట్ స్లైడర్ ఉంది. దీంతో అలర్ట్ స్లైడర్ ఫ్యాన్స్ సంతోషం వ్యక్తం చేస్తున్నారు.
OnePlus 11 స్మార్ట్ ఫోన్ 6.7-ఇంచ్ క్యూహెచ్డీ+ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్, 50ఎంపి ప్రైమరీ కెమెరా, 512జిబి వరకు స్టోరేజీ, 5000 ఎంఏహెచ్ బ్యాటరీ తో వచ్చింది. సరే, ఓసారి OnePlus 11 యొక్క పూర్తి స్పెసిఫికేషన్స్, ధర వివరాలు తెలుసుకుందాం.
OnePlus 11 ధర
OnePlus 11 స్మార్ట్ ఫోన్ 12జిబి ర్యామ్ + 256జిబి స్టోరేజీ వేరియంట్ ధర 3,999 యువాన్లు (సుమారు రూ.48,000) గా ఉంది. 16జిబి ర్యామ్ + 256జిబి స్టోరేజీ వేరియంట్ ధర 4399 యువాన్లు (సుమారు రూ.52,900) గా నిర్ణయించారు. 16జిబి ర్యామ్ + 512జిబి స్టోరేజీ యూనిట్ ధర 4899 యువాన్లు (సుమారు రూ.59,000) గా ఉంది. చైనాలో జనవరి 9 నుంచి OnePlus 11 అమ్మకాలు మొదలు కానున్నాయి.
OnePlus 11 స్పెసిఫికేషన్స్
- 6.7-inch క్యూహెచ్డీ+ ఈ4 అమోలెడ్ డిస్ప్లే
- 120 హెర్ట్జ్ రిఫ్రెష్ రేట్
- క్వాల్కమ్ స్నాప్ డ్రాగన్ 8 జెన్ 2 చిప్సెట్
- 16జిబి వరకు ర్యామ్, 512జిబి వరకు స్టోరేజీ
- ఆండ్రాయిడ్ 13 ఓఎస్
- 50ఎంపి+48ఎంపి+32ఎంపి ట్రిపుల్ రియర్ కెమెరా
- 16ఎంపి ఫ్రంట్ కెమెరా
- అలర్ట్ స్లైడర్
OnePlus 11 స్మార్ట్ ఫోన్ లో 6.7-ఇంచ్ క్యూహెచ్డీ+ ఈ4 ఓఎల్ఈడీ ఎల్టీపీవో 3.0 డిస్ప్లే, 120 హెర్ట్జ్ రిఫ్రెష్ రేట్, 3216*1440 పిక్సెల్స్ రెజుల్యూషన్, పంచ్-హోల్ కటౌట్, హెచ్డీఆర్10+ సపోర్ట్ ఉన్నాయి. ఈ ఫోన్ లో క్వాల్కమ్ స్నాప్ డ్రాగన్ 8 జెన్ 2 చిప్సెట్ వాడారు. గ్రాఫిక్స్ కోసం అడ్రెనో జీపీయూ ఉపయోగించారు. ఈ ఫోన్ లో 16జిబి వరకు ఎల్పీడీడీఆర్5 ర్యామ్, 512జిబి వరకు యూఎఫ్ఎస్ 4.0 స్టోరేజీ అందించారు. ఈ హ్యాండ్సెట్ ఆండ్రాయిడ్ 13 ఓఎస్ ఆధారిత ఆక్సిజన్ఓఎస్ కస్టమ్ స్కిన్ పై పని చేయనుంది.
OnePlus 11 స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇది 100 వాట్ ఫాస్ట్ చార్జింగ్ కి సపోర్ట్ చేస్తుంది. 5జీ, వై-ఫై 6ఈ, బ్లూటూత్ 5.2, జీపీఎస్, యూఎస్బీ టైప్-సీ పోర్ట్ వంటి కనెక్టివిటీ ఆప్షన్స్ ఈ ఫోన్ లో ఉన్నాయి. OnePlus 11 డివైజ్ 163.1 మిల్లీ మీటర్ల పొడవు, 74.1 మిల్లీ మీటర్ల వెడల్పు, 8.53 మిల్లీ మీటర్ల మందం, 205 గ్రాముల బరువు ఉంటుంది. భద్రత కోసం ఇందులో ఇన్-డిస్ప్లే ఫింగర్ ప్రింట్ స్కానర్ అందించారు. ఐపీ54 రేటింగ్ తో ఈ ఫోన్ వస్తోంది. అలర్ట్ స్లైడర్ కూడా ఈ ఫోన్ లో ఉంటుంది.
ఇప్పుడు OnePlus 11 యొక్క కెమెరా విభాగం గురించి తెలుసుకుందాం. ఇందులో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి సోని ఐఎంఎక్స్890 ఓఐఎస్ సెన్సర్, 48ఎంపి సోని ఐఎంఎక్స్581 అల్ట్రావైడ్ సెన్సర్, 32ఎంపి సోని ఐఎంఎక్స్709 2ఎక్స్ టెలీఫోటో లెన్స్ ఉన్నాయి. సెల్ఫీలు, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
