ప్రముఖ స్మార్ట్ ఫోన్ బ్రాండ్ షావోమికి సబ్-బ్రాండ్ అయిన రెడ్మీ త్వరలోనే భారతీయ మార్కెట్ లో ఒక బడ్జెట్ సెగ్మెంట్ ఫోన్ ని లాంచ్ చేసేందుకు సిద్ధమవుతోంది. Redmi 12 పేరుతో వచ్చే ఈ ఫోన్ ఆగస్టు 1 న భారత్ లో లాంచ్ కానుందని కంపెనీ వెల్లడించింది. ఇప్పటికే ఈ ఫోన్ థాయిలాండ్ మార్కెట్ లో లాంచ్ అయ్యింది.
Redmi 12 స్మార్ట్ ఫోన్ మీడియాటెక్ హీలియో జీ88 చిప్, 50ఎంపి ట్రిపుల్ రియర్ కెమెరా సెటప్ తో వస్తున్నట్లు సమాచారం. డిజైన్ విషయానికి వస్తే, Redmi 12 క్రిస్టల్-గ్లాస్ డిజైన్ తో వస్తోంది. రెడ్మీ ఇండియా తన ట్విట్టర్ ఖాతా ద్వారా Redmi 12 డివైజ్ కి సంబంధించిన టీజర్ ని రిలీజ్ చేసింది. దీంతో రియర్ ప్యానెల్ డిజైన్ కనిపించింది. భారత్ లో Redmi 12 ధర రూ.12,000 గా ఉంటుందని భావిస్తున్నారు. సరే, ఓసారి Redmi 12 ధర, స్పెసిఫికేషన్స్ తదితర వివరాలు తెలుసుకుందాం.
A style revolution is coming and we have the perfect person to ring this in.
Any guesses, #XiaomiFans?#StayTuned. pic.twitter.com/z1H5UMwm9h— Redmi India (@RedmiIndia) July 9, 2023
భారత్ లో Redmi 12 ధర
భారత్ లో 4జిబి ర్యామ్ + 64జిబి స్టోరేజీ, 6జిబి ర్యామ్ + 128జిబి స్టోరేజీ వేరియంట్స్ లో Redmi 12 లభిస్తుందని భావిస్తున్నారు. మైక్రోఎస్డీ కార్డ్ ద్వారా 1టిబి వరకు మెమొరీని పెంచుకునే వీలుంటుందని అంచనా. థాయిలాండ్ లో ఈ ఫోన్ TBH 5,299 (సుమారు రూ.12,400) ధరతో లాంచ్ అయ్యింది. భారత్ లో దాదాపుగా ఇదే రేంజ్ లో రెడ్మీ 12 డివైజ్ ధర ఉంటుందని భావించవచ్చు. త్వరలోనే ధరకు సంబంధించి ఏదైనా సమాచారం కంపెనీ నుంచి బయటకు రావొచ్చు.
Redmi 12 స్పెసిఫికేషన్స్
- డిస్ప్లే: Redmi 12 లో 6.79-ఇంచ్ ఫుల్ హెచ్డీ+ డిస్ప్లే, 2460*1080 పిక్సెల్స్ రెజుల్యూషన్, 396 పీపీఐ పిక్సెల్ డెన్సిటీ, 550 నిట్స్ బ్రైట్నెస్, 70 పర్సెంట్ కలర్ గేముత్, 90 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Redmi 12 లో మీడియాటెక్ హీలియో జీ88 చిప్, మాలి-జీ52 జీపీయూ ఉండే అవకాశం ఉంది.
- ర్యామ్, స్టోరేజీ: Redmi 12 డివైజ్ 8జిబి వరకు ర్యామ్, 256జిబి వరకు స్టోరేజీ ఆప్షన్స్ కలిగి ఉంటుందని అంచనా.
- బ్యాటరీ, ఫాస్ట్ చార్జింగ్: Redmi 12 లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
- రియర్ కెమెరా: Redmi 12 లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, 8ఎంపి అల్ట్రావైడ్ కెమెరా, 2ఎంపి మ్యాక్రో లెన్స్ ఉంటాయి.
- ఫ్రంట్ కెమెరా: Redmi 12 లో సెల్ఫీస్, వీడియో కాల్స్ కోసం 8ఎంపి కెమెరా అందించనున్నారు.
- సాఫ్ట్వేర్: Redmi 12 డివైజ్ ఆండ్రాయిడ్ 13 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేస్తుంది.
- ఇతర ఫీచర్లు: Redmi 12 స్మార్ట్ ఫోన్ లో భద్రత కోసం సైడ్-మౌంటెడ్ ఫింగర్ ప్రింట్ స్కానర్, ఐపీ53 రేటింగ్, ఏఐ ఫేస్ అన్లాక్, 3.5మి.మీ హెడ్ఫోన్ జాక్ ఉంటాయి.
