Xiaomi సబ్-బ్రాండ్ Redmi నుంచి త్వరలో K80 సిరీస్ లాంచ్ కానుంది. ఈ లైనప్ లో Redmi K80 మరియు Redmi K80 Pro మోడల్స్ లాంచ్ కానున్నాయి. తాజాగా ఓ టిప్స్టర్ ద్వారా రెడ్మీ కే80 సిరీస్ యొక్క చిప్సెట్ వివరాలు లీక్ అయ్యాయి. క్వాల్కమ్ స్నాప్డ్రాగన్ 8 జెన్ 4 చిప్సెట్ ని ముందుగా షావోమి తన ఫోన్లలో వాడనుందని రూమర్లు వినిపిస్తున్నాయి. Xiaomi 15 సిరీస్ లో ఈ చిప్సెట్ ఉండే అవకాశం ఉంది.
Redmi K80 చిప్సెట్ వివరాలు (లీక్)
Redmi K80 సిరీస్ కాస్త తక్కువ ధరలో ఫ్లాగ్షిప్ ప్రాసెసర్ తో లాంచ్ అవ్వనుందని ప్రముఖ టిప్స్టర్ Smart Pikachu చైనీస్ సామాజిక మాధ్యమం Weibo ద్వారా తెలిపారు.
Redmi K80 లాంచ్ టైమ్లైన్ వివరాలను కూడా టిప్స్టర్ షేర్ చేశారు. దాని ప్రకారం, రెడ్మీ కే80 సిరీస్ నవంబర్ నెలలో లాంచ్ కానుందని తెలుస్తోంది.
Redmi K80 సిరీస్ స్నాప్డ్రాగన్ 8 జెన్ 4 చిప్సెట్, 2కే రెజుల్యూషన్ గల డిస్ప్లే, పెరిస్కోప్ టెలీఫోటో వంటి స్పెసిఫికేషన్స్ తో రానుందని టిప్స్టర్ తెలిపారు.
Redmi K80 సిరీస్ లోని టాప్ వేరియంట్ స్నాప్డ్రాగన్ 8 జెన్ 4 చిప్సెట్ తో రానుండగా, బేస్ మోడల్ స్నాప్డ్రాగన్ 8 జెన్ 3 చిప్సెట్ తో వస్తోంది.
Redmi K70 మరియు Redmi K70 Pro ఫోన్లలో ఉన్నట్లుగా Redmi K80 సిరీస్ ఫోన్లు కూడా 2కే డిస్ప్లేతో లాంచ్ కానున్నాయి.
అయితే Redmi K80E మోడల్ లాంచ్ కాదని టిప్స్టర్ స్మార్ట్ పికాచు తెలిపారు. అంటే గతేడాది వచ్చిన Redmi K70E కి సక్సెసర్ ఈసారి ఉండబోదని అర్థమవుతోంది. దీన్ని బట్టి, షావోమి Redmi K సిరీస్ ని కేవలం ప్రీమియమ్ డివైజెస్కే పరిమితం చేయాలని భావిస్తున్నట్లు స్పష్టమవుతోంది.
రానున్న రోజుల్లో Redmi K80 సిరీస్ కి సంబంధించిన మరిన్ని వివరాలు తెలిసే అవకాశం ఉంది.
