ప్రముఖ స్మార్ట్ఫోన్ బ్రాండ్ Samsung గెలాక్సీ ఎఫ్ఈ సిరీస్ లో కొత్త ఫోన్ లాంచ్ చేసింది. Samsung Galaxy S24 FE పేరుతో ఈ డివైజ్ భారత్ లో లాంచ్ అయ్యింది. ఈ ఫోన్ లో డైనమిక్ ఐల్యాండ్, ఎగ్జినోస్ 2400ఈ చిప్సెట్, 8జిబి ర్యామ్, 256జిబి స్టోరేజీ, 60/120 హెర్ట్జ్ అడాప్టివ్ రిఫ్రెష్ రేట్, 1900 నిట్స్ పీక్ బ్రైట్నెస్ వంటి ఫీచర్లు ఉన్నాయి. తాజాగా శాంసంగ్ సంస్థ, ఈ ఫోన్ యొక్క భారతీయ మార్కెట్ ధరలను ప్రకటించింది. ఓసారి ఆ వివరాలు తెలుసుకుందాం.
Samsung Galaxy S24 FE ధర, లభ్యత
Samsung Galaxy S24 FE స్మార్ట్ఫోన్ ప్రస్తుతం శాంసంగ్ ఇండియా ఈ-స్టోర్ మరియు ప్రముఖ ఆఫ్లైన్ రిటైల్ స్టోర్స్ ద్వారా ప్రీ-బుకింగ్కి అందుబాటులో ఉంది. ధర వివరాలు ఇప్పుడు చూద్దాం.
Samsung Galaxy S24 FE 8జిబి ర్యామ్ + 128జిబి స్టోరేజీ వేరియంట్ ధరను రూ.59,999 గా పెట్టారు.
Samsung Galaxy S24 FE 8జిబి ర్యామ్ + 256జిబి స్టోరేజీ మోడల్ ధరను రూ.65,999 గా నిర్ణయించారు.
ప్రీ-బుకింగ్ ఆఫర్ లో భాగంగా, 8జిబి+256జిబి వేరియంట్ను రూ.59,999 కి కొనుగోలు చేయవచ్చు. ఎవరైతే, ప్రీ-బుక్ చేసుకుంటారో ఆ కస్టమర్లకు, రూ.4,799 విలువగల డివైజ్ ప్రొటెక్షన్ కేవలం రూ.999 కే లభిస్తుంది.
Samsung Galaxy S24 FE స్మార్ట్ఫోన్ని 12 నెలల కాలపరిమితితో నో-కాస్ట్ ఈఎంఐ ద్వారా కొనుగోలు చేయవచ్చు. శాంసంగ్ ఫైనాన్స్, బజాజ్ ఫిన్సర్వ్, హెచ్డీఎఫ్సీ బ్యాంక్ ద్వారా ఈ సౌకర్యం ఉంది. రూ.1,499 కి కచ్చితమైన బైబ్యాక్ ను శాంసంగ్ ఆఫర్ చేస్తోంది. కస్టమర్లు ఈ బైబ్యాక్ ప్రొగ్రామ్ ద్వారా 70 శాతం వరకు రీసేల్ వాల్యూకి ఎలిజిబుల్ అవుతారు.
Samsung Galaxy S24 FE స్పెసిఫికేషన్స్
డిస్ప్లే: Samsung Galaxy S24 FE లో 6.7-ఇంచ్ డైనమిక్ అమోలెడ్ 2ఎక్స్ స్క్రీన్, ఫుల్హెచ్డీ+ రెజుల్యూషన్, 120 హెర్ట్జ్ అడాప్టివ్ రిఫ్రెష్ రేట్ (60/120 హెర్ట్జ్), 1900 నిట్స్ పీక్ బ్రైట్నెస్, కార్నింగ్ గొరిల్లా గ్లాస్ విక్టస్+ ప్రొటెక్షన్ ఉన్నాయి.
ప్రాసెసర్: Samsung Galaxy S24 FE లో శాంసంగ్ ఎగ్జినోస్ 2400ఈ చిప్సెట్ వాడారు. గ్రాఫిక్స్ కోసం ఎక్స్క్లిప్స్ 940 జీపీయూ ఇచ్చారు.
ర్యామ్, స్టోరేజీ: Samsung Galaxy S24 FE డివైజ్ 8జిబి ర్యామ్, 128జిబి/256జిబి స్టోరేజీ ఆప్షన్స్ లో లభిస్తుంది.
సాఫ్ట్వేర్: Samsung Galaxy S24 FE డివైజ్ ఆండ్రాయిడ్ 14 ఓఎస్ ఆధారిత వన్యూఐ 6.1.1 కస్టమ్ స్కిన్ తో లాంచ్ అయ్యింది.
కెమెరా: Samsung Galaxy S24 FE లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ఓఐఎస్ మెయిన్ కెమెరా, 10ఎంపి టెలీఫోటో ఓఐఎస్ 3ఎక్స్ ఆప్టికల్ జూమ్ లెన్స్, 12ఎంపి 123-డిగ్రీ అల్ట్రావైడ్ కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 10ఎంపి (ఎఫ్/2.2 అపర్చర్) ఫ్రంట్ కెమెరా ఇచ్చారు.
బ్యాటరీ, చార్జింగ్: Samsung Galaxy S24 FE లో పవర్ బ్యాకప్ కోసం 4,700 ఎంఏహెచ్ బ్యాటరీ ఇచ్చారు. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది. క్యూఐ వైర్లెస్ చార్జింగ్, వైర్లెస్ పవర్షేర్ సపోర్ట్ ఉన్నాయి.
సెక్యూరిటీ: Samsung Galaxy S24 FE లో ఇన్-డిస్ప్లే ఫింగర్ప్రింట్ స్కానర్, ఫేస్ అన్లాక్, ఆటో బ్లాకర్, శాంసంగ్ నాక్స్, శాంసంగ్ నాక్స్ వాల్ట్, శాంసంగ్ నాక్స్ మ్యాట్రిక్స్, పాస్కీ ఉన్నాయి.
ఆడియో: Samsung Galaxy S24 FE లో స్టీరియో స్పీకర్, డాల్బీ అట్మాస్, యూఎస్బీ టైప్ సీ ఆడియో ఉన్నాయి.
కనెక్టివిటీ: Samsung Galaxy S24 FE లో డ్యూయల్ సిమ్, 5జీ, 4జీ, వై-ఫై 6ఈ, బ్లూటూత్ 5.3, ఎన్ఎఫ్సీ, జీపీఎస్, గ్లొనాస్, గెలీలియో, బైడూ వంటి ఆప్షన్స్ ఉన్నాయి.
ఇతర ఫీచర్లు: Samsung Galaxy S24 FE లో ఏఐ ఫీచర్లతో పాటు, ఐపీ68 వాటర్ అండ్ డస్ట్ రెసిస్టన్స్ రేటింగ్ ఉన్నాయి.
