పండుగ సీజన్ వచ్చిందంటే చాలు స్మార్ట్ఫోన్ కంపెనీలు వరుసబెట్టి తమ కొత్త ఫోన్లను లాంచ్ చేస్తుంటాయి. గత కొన్నేళ్ళుగా జరుగుతోన్న సాధారణ విషయమే ఇది. కానీ, కొత్త ఫోన్ వస్తుందంటే మొబైల్ ఫోన్ లవర్స్ లో ఉండే ఉత్సాహం అంతా ఇంతా కాదు. ఫోన్ లాంచ్, స్పెసిఫికేషన్స్, రివ్యూలు.. ఇలా అన్నింటి గురించి తెలుసుకోవాలని వారు ఆసక్తి చూపిస్తుంటారు. మరికొందరు తమ డ్రీమ్ ఫోన్ ని ఈ పండుగ సీజన్ లోనే కొనుగోలు చేస్తుంటారు. ఈసారి కూడా పండుగ సీజన్ వచ్చేసింది. ఈ ఆర్టికల్ లో 2023 అక్టోబర్ లో లాంచ్ కాబోయే స్మార్ట్ఫోన్ల జాబితాను తెలుసుకుందాం.
వన్ప్లస్ నుంచి తొలి ఫోల్డబుల్ ఫోన్ OnePlus Open, గూగుల్ నుంచి కొత్త పిక్సెల్ సిరీస్, శాంసంగ్ నుంచి Galaxy S23 FE భారతీయ మార్కెట్ లో లాంచ్ కానున్నాయి. సరే, పూర్తి జాబితాను క్రింద చూడండి.
అక్టోబర్ 2023 లో లాంచ్ అయ్యే స్మార్ట్ఫోన్లు
1. Samsung Galaxy S23 FE
శాంసంగ్ ఫ్యాన్ ఎడిషన్ ఫోన్లకు ఎప్పుడూ ఆదరణ ఉంటుంది. ఈ క్రమంలో Samsung Galaxy S23 FE డివైజ్ త్వరలోనే భారతీయ మార్కెట్ లోకి ఎంట్రీ ఇచ్చేందుకు సిద్ధమవుతోంది. ఈ ఫోన్ కోసం శాంసంగ్ ఫ్యాన్ ఎడిషన్ లవర్స్ ఎంతగానో ఎదురు చూస్తున్నారు. ఈ ఫోన్ అక్టోబర్ 4 వ తేదీన లాంచ్ అవుతుందని సమాచారం.
Samsung Galaxy S23 FE స్పెసిఫికేషన్స్
- డిస్ప్లే: Samsung Galaxy S23 FE లో 6.4-ఇంచ్ డైనమిక్ అమోలెడ్ 2ఎక్స్ డిస్ప్లే, 120 హెర్ట్జ్ రిఫ్రెష్ రేట్, 1450 నిట్స్ బ్రైట్నెస్ ఉంటాయి.
- ప్రాసెసర్: Samsung Galaxy S23 FE లో ఎగ్జినోస్ 2200 చిప్సెట్ ఉంటుంది. అమెరికా, కెనడా మార్కెట్స్ లో స్నాప్ డ్రాగన్ 8 జెన్ 1 చిప్ ఉండవచ్చు.
- ర్యామ్, స్టోరేజీ: Samsung Galaxy S23 FE లో 8జిబి ఎల్పీడీడీఆర్5 ర్యామ్, 128జిబి యూఎఫ్ఎస్ 3.1 స్టోరేజీ ఉంటాయి.
- కెమెరా: Samsung Galaxy S23 FE లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ఓఐఎస్ మెయిన్ కెమెరా, 12ఎంపి అల్ట్రావైడ్ యాంగిల్ లెన్స్, 8ఎంపి ఓఐఎస్ టెలీఫోటో లెన్స్ ఉంటాయి. సెల్ఫీస్, వీడియో కాల్స్ కోసం 10ఎంపి ఫ్రంట్ కెమెరా ఉంటుంది.
- బ్యాటరీ: Samsung Galaxy S23 FE లో పవర్ బ్యాకప్ కోసం 4,500 ఎంఏహెచ్ బ్యాటరీ ఉంటుంది. ఇది 25 వాట్ ఫాస్ట్ చార్జింగ్ కి సపోర్ట్ చేస్తుంది.
- ఇతర ఫీచర్లు: Samsung Galaxy S23 FE లో ఐపీ68 రేటింగ్, గొరిల్లా గ్లాస్ ప్రొటెక్షన్, బ్లూటూత్, వై-ఫై, జీపీఎస్, డ్యూయల్ సిమ్, 5జీ, 4జీ ఉంటాయి.
Vivo V29 సిరీస్
Vivo V29 సిరీస్ కూడా అక్టోబర్ లో ఇండియన్ మార్కెట్ లో లాంచ్ అవుతోంది. అక్టోబర్ 4 వ తేదీన Vivo V29 సిరీస్ ఫోన్లు విడుదలవ్వనున్నాయి. ఈ సిరీస్ లో Vivo V29 మరియు Vivo V29 Pro డివైజెస్ రానున్నాయి. ఈ రెండు కొత్త డివైజెస్ కర్వ్డ్ డిస్ప్లే, ఆరా రింగ్ లైట్, బ్లూ, రెడ్, బ్లాక్ కలర్ ఆప్షన్స్ తో వస్తున్నాయి.
Vivo V29 5G స్పెసిఫికేషన్స్
- డిస్ప్లే: Vivo V29 5G లో 6.78-ఇంచ్ కర్వ్డ్ అమోలెడ్ డిస్ప్లే, 1.5కే (2800*1260 పిక్సెల్స్) రెజుల్యూషన్, 120 హెర్ట్జ్ రిఫ్రెష్ రేట్, 100 పర్సెంట్ డీసీఐ-పీ3 కలర్ గేముత్, హెచ్డీఆర్10+ ఉంటాయి.
- ప్రాసెసర్: Vivo V29 5G లో క్వాల్కమ్ స్నాప్ డ్రాగన్ 778జి చిప్, అడ్రెనో 642ఎల్ జీపీయూ ఉంటాయి.
- మెమొరీ: Vivo V29 5G లో 8జిబి ఎల్పీడీడీఆర్4ఎక్స్ ర్యామ్, 256జిబి స్టోరేజీ ఉంటాయి.
- రియర్ కెమెరా: Vivo V29 5G లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ఓఐఎస్ ప్రైమరీ కెమెరా, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో కెమెరా ఉంటాయి. వీటికి తోడు ఆరా లైట్ ఫ్లాష్ ఉంటుంది.
- ఫ్రంట్ కెమెరా: Vivo V29 5G లో 50ఎంపి సెల్ఫీ కెమెరా, డ్యూయల్ ఎల్ఈడీ ఫ్లాష్ ఉంటాయి.
- బ్యాటరీ, చార్జింగ్: Vivo V29 5G లో 4600 ఎంఏహెచ్ బ్యాటరీ, 80 వాట్ ఫాస్ట్ చార్జింగ్ సపోర్ట్, యూఎస్బీ టైప్-సీ పోర్ట్ ఉంటాయి.
- భద్రత: Vivo V29 5G లో ఇన్-డిస్ప్లే ఫింగర్ ప్రింట్ స్కానర్ అందిస్తున్నారు. ఇంకా ఈ ఫోన్ ఐపీ68 డస్ట్ అండ్ వాటర్ రెసిస్టన్స్ రేటింగ్ తో వస్తోంది.
- కనెక్టివిటీ: Vivo V29 5G లో డ్యూయల్ సిమ్, 5జీ, వై-ఫై, బ్లూటూత్ 5.2, జీపీఎస్ ఉంటాయి.
OnePlus Open
OnePlus సంస్థ యొక్క మొట్టమొదటి ఫోల్డబుల్ ఫోన్ గా OnePlus Open మార్కెట్ లోకి ఎంట్రీ ఇవ్వబోతోంది. అక్టోబర్ 19 న ఈ ఫోన్ లాంచ్ ఉంటుందని అంచనా వేస్తున్నారు. Oppo Find N3 కి రీబ్రాండ్ వర్షన్ గా OnePlus Open వస్తోందని ఊహాగానాలు వినిపిస్తున్నాయి. భారత్ లో OnePlus Open డివైజ్ పరిమిత సంఖ్యలో సేల్ కి అందుబాటులో ఉంటాయని తెలుస్తోంది.
OnePlus Open స్పెసిఫికేషన్స్ (అంచనా)
- డిస్ప్లే: OnePlus Open డివైజ్ లో 7.8-ఇంచ్ అమోలెడ్ డిస్ప్లే, 2కే రెజుల్యూషన్, 120 హెర్ట్జ్ రిఫ్రెష్ రేట్ ఉంటాయి.
- కవర్ స్క్రీన్: OnePlus Open లో 6.3-ఇంచ్ అమోలెడ్ కవర్ డిస్ప్లే, 120 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: OnePlus Open లో క్వాల్కమ్ స్నాప్ డ్రాగన్ 8 జెన్ 2 చిప్ వాడనున్నట్లు సమాచారం. గ్రాఫిక్స్ కోసం ఈ డివైజ్ లో అడ్రెనో జీపీయూ వినియోగించనున్నట్లు తెలుస్తోంది.
- ర్యామ్, స్టోరేజీ: OnePlus Open లో 16జిబి వరకు ర్యామ్, 256జిబి వరకు స్టోరేజీ ఉంటాయి.
- కెమెరా: OnePlus Open లో 48ఎంపి ప్రైమరీ కెమెరా, 48ఎంపి అల్ట్రావైడ్ కెమెరా, 64ఎంపి టెలీఫోటో లెన్స్ ఉంటాయి. కవర్ స్క్రీన్ పై 32ఎంపి ఫ్రంట్ కెమెరా ఉంటుంది. ఇక ఫోన్ లోపల స్క్రీన్ పై 20ఎంపి సెన్సర్ ఉంటుంది.
- బ్యాటరీ: OnePlus Open లో పవర్ బ్యాకప్ కోసం 4800 ఎంఏహెచ్ బ్యాటరీ ఉంటుంది. ఇది 100 వాట్ ఫాస్ట్ చార్జింగ్ కి సపోర్ట్ చేస్తుంది.
- సాఫ్ట్వేర్: OnePlus Open డివైజ్ ఆండ్రాయిడ్ 13 ఓఎస్ ఆధారిత ఆక్సిజన్ఓఎస్ 13.1 కస్టమ్ స్కిన్ పై పని చేస్తుంది.
Google Pixel 8, Pixel 8 Pro
Google Pixel 8, Pixel 8 Pro ఫోన్లు గ్లోబల్ గా అక్టోబర్ 4 న లాంచ్ అవుతున్నాయి. గూగుల్ రూపొందించిన కొత్త Tensor G3 చిప్సెట్ ని ఈ డివైజెస్ లో వాడనున్నారు. దీంతో పాటు టైటాన్ సెక్యూరిటీ ఎమ్2 చిప్ కూడా ఉంటుంది. ఈసారి మెరుగైన కెమెరా మార్పులతో పిక్సెల్ 8 సిరీస్ వస్తోంది. కంపెనీ 7 ఏళ్ళ పాటు సాఫ్ట్వేర్ అప్డేట్స్ ని ప్రామిస్ చేస్తోంది.
Google Pixel 8, Pixel 8 Pro స్పెసిఫికేషన్స్
- డిస్ప్లే: Google Pixel 8, Pixel 8 Pro డివైజెస్ లో 6.2-ఇంచ్, 6.7-ఇంచ్ ఫుల్ హెచ్డీ+ ఓఎల్ఈడీ స్క్రీన్స్, 120 హెర్ట్జ్ రిఫ్రెష్ రేట్ ఉంటాయి. ప్రో మోడల్ లో ఎల్టీపీవో టెక్నాలజీ వాడుతున్నారు.
- మెమొరీ: Google Pixel 8 లో 256జిబి వరకు స్టోరేజీ, Google Pixel 8 Pro లో 512జిబి వరకు స్టోరేజీని అందిస్తున్నారు.
- బ్యాటరీ: Google Pixel 8, Pixel 8 Pro డివైజెస్ 4500 ఎంఏహెచ్ మరియు 5,000 ఎంఏహెచ్ బ్యాటరీలతో వచ్చే అవకాశం ఉంది.
- కెమెరా: Google Pixel 8 లో 50ఎంపి + 12ఎంపి డ్యూయల్ రియర్ కెమెరా సెటప్ ఉంటుంది. Google Pixel 8 Pro లో 50ఎంపి + 48ఎంపి + 48ఎంపి ట్రిపుల్ రియర్ కెమెరా సెటప్ ఉంటుంది. రెండు ఫోన్లలో కూడా 10.5ఎంపి సెల్ఫీ కెమెరా ఉండే అవకాశం ఉంది.