ప్రముఖ స్మార్ట్ఫోన్ బ్రాండ్ Vivo నుంచి త్వరలో వై-సిరీస్ లో ఒక ఫోన్ లాంచ్ కానుంది. Vivo Y28 4G పేరుతో ఈ ఫోన్ మార్కెట్ లోకి వస్తోంది. తాజాగా ఈ ఫోన్ సర్టిఫికేషన్ వెబ్సైట్ బ్లూటూత్ ఎస్ఐజీ పై లిస్ట్ అయ్యింది. దీంతో వివో వై28 4జీ ఫోన్ లాంచ్ త్వరలోనే ఉంటుందని భావిస్తున్నారు. ఓసారి ఈ ఫోన్ బ్లూటూత్ ఎస్ఐజీ లిస్టింగ్ వివరాలు మరియు అంచనా స్పెసిఫికేషన్స్ ఎలా ఉన్నాయో తెలుసుకుందాం.
Vivo Y28 4G బ్లూటూత్ ఎస్ఐజీ లిస్టింగ్
Vivo Y28 4G స్మార్ట్ఫోన్ బ్లూటూత్ ఎస్ఐజీ సర్టిఫికేషన్ వెబ్సైట్ పై V2352 మరియు V2353 అనే మోడల్ నంబర్లతో లిస్ట్ అయ్యింది. రెండు మోడల్ నంబర్లు, వివిధ గ్లోబల్ మార్కెట్లను సూచిస్తున్నాయని చెప్పవచ్చు.
Vivo Y28 4G స్మార్ట్ఫోన్ బ్లూటూత్ 5.0 కనెక్టివిటీతో లిస్టింగ్ పై కనిపించింది.
బ్లూటూత్ ఎస్ఐజీ సర్టిఫికేషన్ ద్వారా Vivo Y28 4G యొక్క ఫీచర్లు ఏవీ బయటకు రాలేదు.
Vivo Y28 5G స్పెసిఫికేషన్స్
Vivo Y28 5G స్మార్ట్ఫోన్ 2024 జనవరి నెలలో లాంచ్ అయ్యింది. ఓసారి ఈ డివైజ్ స్పెసిఫికేషన్స్ ఎలా ఉన్నాయో తెలుసుకుందాం.
డిస్ప్లే: Vivo Y28 5G లో 6.56-ఇంచ్ హెచ్డీ+ స్క్రీన్, ఎల్సీడీ ప్యానెల్, 1612*720 పిక్సెల్స్ రెజుల్యూషన్, వాటర్డ్రాప్ నాచ్, 90 హెర్ట్జ్ రిఫ్రెష్ రేట్, 840 నిట్స్ బ్రైట్నెస్ ఉన్నాయి.
చిప్సెట్: Vivo Y28 5G డివైజ్ లో మీడియాటెక్ డైమెన్సిటీ 6020 ఆక్టా-కోర్ ప్రాసెసర్ వాడారు. ఇది 7 నానోమీటర్ ఫ్యాబ్రికేషన్ పై తయారైంది. దీని హయ్యస్ట్ క్లాక్ స్పీడ్ 2.2GHz.
ర్యామ్, స్టోరేజీ: Vivo Y28 5G డివైజ్ 8జిబి ర్యామ్, 8జిబి ఎక్స్టెండెడ్ ర్యామ్, 128జిబి స్టోరేజీని కలిగి ఉంది.
కెమెరా: Vivo Y28 5G లో డ్యూయల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 2ఎంపి సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా అందించారు.
బ్యాటరీ: Vivo Y28 5G లో 5000 ఎంఏహెచ్ బ్యాటరీ ఇచ్చారు. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది.
