ప్రముఖ చైనీస్ స్మార్ట్ఫోన్ మేకర్ Xiaomi ఈ ఏడాది అక్టోబర్ నెలలో Xiaomi 14 సిరీస్ ని లాంచ్ చేసింది. క్వాల్కమ్ స్నాప్ డ్రాగన్ 8 జెన్ 3 చిప్సెట్ తో వచ్చిన ఈ సిరీస్ కేవలం చైనా మార్కెట్ లో మాత్రమే లాంచ్ అయ్యింది. ఈ తరుణంలో, యూజర్లు Xiaomi 14 గ్లోబల్ మరియు ఇండియా లాంచ్ కోసం ఎదురు చూస్తున్నారు. తాజాగా Xiaomi 14 గ్లోబల్ మరియు ఇండియా లాంచ్ కి సంబంధించిన సమాచారం 91మొబైల్స్ కి అందింది. ఆ విశేషాలేంటో తెలుసుకుందాం పదండి.
MWC 2024 లో అనౌన్స్ కానున్న Xiaomi 14
- టిప్స్టర్ యోగేశ్ బ్రార్ ప్రకారం, Xiaomi 14 మొబైల్ వరల్డ్ కాంగ్రెస్ 2024 ఈవెంట్ లో లాంచ్ కానుందని సమాచారం.
- MWC 2024 ఫిబ్రవరి 26, 29 తేదీల్లో జరిగే అవకాశం ఉంది. ఫిబ్రవరి 25 న లాంచ్ ఈవెంట్ జరగుతుందని భావిస్తున్నారు.
- అదే రోజున భారత్ లో కూడా Xiaomi 14 సిరీస్ ఫోన్లు లాంచ్ అవుతాయని టిప్స్టర్ తెలిపారు.
- Xiaomi 14 ఇటీవలె బీఐఎస్ (బ్యూరో ఆఫ్ ఇండియన్ స్టాండర్డ్స్) వెబ్సైట్ పై కనిపించింది.
Xiaomi 14 స్పెసిఫికేషన్స్
- డిస్ప్లే: Xiaomi 14 లో 6.36-ఇంచ్ సీ8 1.5కే ఓఎల్ఈడీ 12-బిట్ డిస్ప్లే, 120 హెర్ట్జ్ రిఫ్రెష్ రేట్, 3,000 నిట్స్ పీక్ బ్రైట్నెస్, హెచ్డీఆర్10+ సపోర్ట్ ఉన్నాయి.
- ప్రాసెసర్: Xiaomi 14 లో లో క్వాల్కమ్ స్నాప్ డ్రాగన్ 8 జెన్ 3 చిప్ వాడారు. ఇది 4 నానో మీటర్ ప్రాసెస్ పై తయారైంది.
- మెమొరీ: Xiaomi 14 లో 16జిబి వరకు ఎల్పీడీడీఆర్5 ర్యామ్, 1టిబి వరకు యూఎఫ్ఎస్ 4.0 స్టోరేజీ ఉన్నాయి.
- కెమెరా: Xiaomi 14 లో 50ఎంపి ఓఐఎస్ ప్రైమరీ లెన్స్, 50ఎంపి జెఎన్1 అల్ట్రావైడ్ లెన్స్, 50ఎంపి టెలీఫోటో లెన్స్ ఉన్నాయి. సెల్ఫీస్, వీడియో కాల్స్ కోసం 32ఎంపి ఒవి32బి ఫ్రంట్ కెమెరా ఉంది.
- బ్యాటరీ: Xiaomi 14 లో పవర్ బ్యాకప్ కోసం 4,160 ఎంఏహెచ్ బ్యాటరీ ఉంది. ఇది 90 వాట్ ఫాస్ట్ చార్జింగ్, 50 వాట్ వైర్లెస్ చార్జింగ్ కి సపోర్ట్ చేస్తుంది.
- ఓఎస్: Xiaomi 14 డివైజ్ ఆండ్రాయిడ్ 14 ఓఎస్ ఆధారిత హైపర్ఓఎస్ పై పని చేస్తుంది.
- ఇతర ఫీచర్లు: Xiaomi 14 లో యూఎస్బీ 3.2 జెన్ 1 పోర్ట్, ఐపీ68 రేటింగ్, వై-ఫై 7, ఎన్ఎఫ్సీ, బ్లూటూత్ 5.4, ఎక్స్-యాక్సిస్ లీనియర్ మోటర్ ఉన్నాయి.
