भारतीय मोबाईल कंपनी लावा लवकरच एक नवीन आणि शक्तिशाली 5G स्मार्टफोन बाजारात आणणार आहे. कंपनीने 4 ऑक्टोबर रोजी Lava Agni 3 भारतात लाँच करणार असल्याची घोषणा केली आहे. हा एक मध्यम-बजेट डिव्हाईस असेल जो शक्तिशाली प्रोसेसर सोबत उत्कृष्ट फिचर्स ने सुसज्ज असेल. फोन लाँच सह आगामी लावा अग्नी 3 ची किंमत आणि स्पेसिफिकेशन यांची लीक झालेली माहिती तुम्ही पुढे वाचू शकता.
Lava Agni 3 ची भारतातील लाँच तारीख
Lava Agni 3 5G फोन भारतात 4 ऑक्टोबर रोजी लाँच होईल. या दिवशी कंपनी राष्ट्रीय राजधानी दिल्लीत एका मोठ्या कार्यक्रमाचे आयोजन करणार आहे. या कार्यक्रमाच्या व्यासपीठावरून Lava Agni 3 ची किंमत, विक्री आणि स्पेसिफिकेशन बद्दलची अधिकृत माहिती दिली जाईल. Lava Agni 3 चा लाँच इव्हेंट 4 ऑक्टोबर रोजी सकाळी 11 वाजता सुरू होईल, जो कंपनीच्या वेबसाईटसह लावा च्या सर्व सोशल मीडिया प्लॅटफॉर्म आणि यूट्यूब वर थेट पाहता येईल.
Lava Agni 3 ची भारतातील किंमत
कंपनीकडून आगामी लावा मोबाईलच्या किंमतीबद्दल अद्याप माहिती देण्यात आलेली नाही, परंतु असा अंदाज लावला जात आहे की हा ब्रँडचा प्रीमियम मिड-रेंज स्मार्टफोन असेल. विविध लीक्सनुसार Lava Agni 3 ची किंमत 21,990 रुपये असू शकते. ही फोनची सुरूवातीची किंमत असू शकते. असा अंदाज आहे की डिस्काऊंट स्कीम आणि बँक कार्ड ऑफर्ससह या मोबाईलला 19,999 रुपयांना खरेदी केला जाऊ शकतो.
Lava Agni 3 चे स्पेसिफिकेशन
- मीडियाटेक डायमेंसिटी 7200 प्रोसेसर
- 8 जीबी रॅम + 256 जीबी स्टोरेज
- 6.78″ 1.5K कर्व्ह ओएलईडी डिस्प्ले
- 50 मेगापिक्सेल ओआयएस कॅमेरा
- 16 मेगापिक्सेल सेल्फी कॅमेरा
- 67 वॉट फास्ट चार्जिंग तंत्रज्ञान
- 5,000 एमएएच बॅटरी
प्रोसेसर
सर्वप्रथम Lava Agni 3 च्या परफॉर्मन्स शक्तीबद्दल बोलायचे झाल्यास हा मोबाईल फोन मीडियाटेक डायमेंसिटी 7200 चिपसेटवर लाँच केला जाऊ शकतो. हा 4नॅनोमीटर फॅब्रिकेशनवर तयार केलेला 8-कोर सीपीयू आहे जो 2.5 गिगाहर्ट्झ पर्यंतच्या क्लॉक स्पीडने रन करण्याची क्षमता ठेवतो. तुम्हाला सांगतो की काल (25 सप्टेंबर) भारतात लाँच झालेला Vivo V40e देखील त्याच चिपसेटसह येतो ज्याची किंमत 28,999 रुपये आहे.
मेमरी
Lava Agni 3 स्मार्टफोन 8 जीबी रॅम वर लाँच केला जाऊ शकतो. या फोनमध्ये 8 जीबी व्हर्च्युअल रॅम तंत्रज्ञान देखील दिले जाऊ शकते, जे फिजिकल रॅम सोबत मिळून 16 जीबी रॅमची शक्ती देऊ शकेल. ही LPDDR4x रॅम असू शकते. तर नवीन लावा स्मार्टफोनला 256 जीबी युएफएस 3.1 स्टोरेजसह भारतीय बाजारात उपलब्ध करून दिले जाऊ शकते.
स्क्रीन
Lava Agni 2 स्मार्टफोन एफएचडी+ कर्व्ह ॲमोलेड डिस्प्ले वर लाँच झाला होता. आता Lava Agni 3 मध्ये देखील प्रगत कर्व्ह ओएलईडी स्क्रीन पहायला मिळेल. समोर आलेल्या तपशील आणि लीकनुसार नवीन लावा मोबाईल 6.78 इंचाच्या पंच-होल डिस्प्लेवर लाँच केला जाईल ज्यामध्ये 1.5K पिक्सेल रिझोल्यूशन असेल आणि तो 120Hz रिफ्रेश रेट वर काम करेल. तर स्क्रीनच्या संरक्षणासाठी त्यावर कॉर्निंग गोरिल्ला ग्लास 5 चा एक थर देखील मिळू शकतो.
कॅमेरा
फोटोग्राफीसाठी Lava Agni 3 मध्ये ट्रिपल रिअर कॅमेरा सेटअप दिला जाऊ शकतो. लीकवर विश्वास ठेवला तर हा स्मार्टफोन 50 मेगापिक्सेलच्या सोनी सेन्सरला सपोर्ट करेल जो ऑप्टिकल इमेज स्टॅबिलायझेशन (ओआयएस) तंत्रज्ञानाने सुसज्ज असेल. यासोबतच बॅक पॅनलवर 8 मेगापिक्सेल आणि 2 मेगापिक्सेलच्या इतर लेन्सही मिळू शकतात. त्याचप्रमाणे सेल्फी आणि व्हिडिओ कॉलिंगसाठी Lava Agni 3 हा 16 मेगापिक्सेलच्या सेल्फी कॅमेरासह लाँच केला जाऊ शकतो.
बॅटरी चार्जिंग
Lava Agni 3 हा स्मार्टफोन 67 वॉट फास्ट चार्जिंग तंत्रज्ञानाने सुसज्ज करून बाजारात लाँच केला जाऊ शकतो. हे लक्षात घेण्यासारखे आहे की Lava Agni 2 मध्ये 66 वॉट चार्जिंग देण्यात आले होते. हा मोबाईल 4,700 एमएएच बॅटरीसह आला होता परंतु आता नवीन आणि अपग्रेडेड Lava Agni 3 मध्ये पॉवर बॅकअपसाठी 5,000 एमएएच ची बॅटरी दिली जाऊ शकते.
हे लक्षात घेण्यासारखे आहे की वर नमूद केलेली सर्व स्पेसिफिकेशन आणि किंमत तपशील लीकच्या आधारावर सांगितली आहेत. फोनची ठोस माहिती 4 ऑक्टोबर रोजी लाँच झाल्यानंतरच समोर येईल. यादरम्यान जर कंपनीकडून आणखी काही अधिकृत माहिती देण्यात आली तर ही बातमी देखील अपडेट केली जाईल.
