Vivo ने अखेरीस आज भारतीय मार्केटमध्ये आपल्या V21 series अंतर्गत नवीन फोन Vivo V21 5G लॉन्च केला आहे. या फोनबद्दल गेल्यावर्षीपासून लीक बातम्या समोर येत होत्या. 91मोबाईल्सनेच सर्वप्रथम एक्सक्लूसिवली अशी माहिती दिली होती कि कंपनी आपल्या वीवो वी21 सीरीजवर काम करत आहे आणि लवकरच या सीरीजमध्ये नवीन फोन्स सादर करेल. भारतापूर्वी मलेशियाच्या मार्केटमध्ये या सिरीजमध्ये Vivo V21, आणि Vivo V21e सादर करण्यात आले आहेत. भारतात फक्त वीवो वी21 5G सादर केला गेला आहे. जर वीवो वी21 5जी फोनची खासियत पाहता यात ट्रिपल रियर कॅमेरा आणि 33W फास्ट चार्जिंग सपोर्ट आहे. (Vivo V21 5G launched in India check price specifications and features)
Vivo V21 5G लुक आणि डिस्प्ले
वीवोचा लेटेस्ट Vivo V21 5G स्मार्टफोन शानदार स्लीक आणि कटिंग एज डिजाइनसह सादर केला गेला आहे. हा वीवोचा सर्वात पातळ 5G स्मार्टफोन आहे. वीवोच्या या फोनची जाडी फक्त 7.29mm आहे. बॅक पॅनलबद्दल बोलायचे तर हा वेगवेगळ्या कलर फिनिशसह सादर केला गेला आहे. ज्यात मागे आयताकृती कॅमेरा मॉड्यूल देण्यात आला आहे, ज्यात तीन कॅमेरा सेंसर आणि एक LED फ्लॅश देण्यात आला आहे. फोन स्लीक असल्यामुळे या फोनचा कॅमेरा बंप थोडा जास्त दिसतो. सेल्फीसाठी या फोनमध्ये वाटरड्रॉप स्टायल नॉच देण्यात आली आहे. वीवोच्या या फोनमध्ये 6.44 इंचाचा AMOLED डिस्प्ले देण्यात आला आहे, ज्याचा रिफ्रेश रेट 90Hz आहे. तसेच डिस्प्लेचा रिजोल्यूशन 1080p आहे. या फोनमध्ये सॅमसंगचा E3 इमिसिव डिस्प्ले देण्यात आला आहे.
हे देखील वाचा : 8GB रॅमसह Samsung घेऊन येत आहे एक नवीन 5G फोन Samsung Galaxy F52, लॉन्चच्या आधी वेबसाइटवर झाला लिस्ट
Vivo V21 5G परफॉर्मन्स
Vivo V21 5G स्मार्टफोनमध्ये कंपनीने MediaTek Dimensity 800U प्रोसेसर दिला आहे. वीवोने हा स्मार्टफोन 11GB पर्यंतच्या रॅमसह सादर केला आहे, ज्यात 8GB ऑरिजन RAM आणि 3GB एक्सटेंड RAM देण्यात आला आहे. फोनमध्ये 128GB UFS 2.2 इंटरनल स्टोरेज देण्यात आली आहे. वीवोच्या या स्मार्टफोनमध्ये 4,000mAh ची बॅटरी आणि 33W फ्लॅश चार्जसह सादर केला गेला आहे. वीवोच्या या स्मार्टफोनमध्ये Android 11 वर आधारित Funtouch OS 11.1 वर चालतो.
Vivo V21 5G कॅमेरा
कॅमेरा स्पेसिफिकेशन्स पाहता Vivo V21 5G स्मार्टफोनच्या मागील बाजूस ट्रिपल रियर कॅमेरा सेटअप आणि LED फ्लॅश देण्यात आला आहे. या फोनचा प्राइमेरी कॅमेरा 64MP OIS आहे, तसेच 8MP चा अल्ट्रा वाइड सेंसर आणि 2 मेगापिक्सलचा मॅक्रो कॅमेरा सेंसर देण्यात आला आहे. त्याचबरोबर Vivo V21 5G स्मार्टफोनमध्ये सेल्फी आणि व्हिडीओ कॉलिंगसाठी 44 मेगापिक्सलचा कॅमेरा देण्यात आला आहे, जो OIS (ऑप्टिकल इमेज स्टेबलाइजेशन) आणि डुअल LED फ्रंट फ्लॅशसह येतो. म्हणजे या स्मार्टफोनच्या फ्रंट आणि बॅक दोन्ही कॅमेरा सेंसरमध्ये OIS सपोर्ट मिळतो.
हे देखील वाचा : Apple iPhone 11 वर मिळत आतापर्यंतचा सर्वात मोठा डिस्काउंट, तरीही आहे हा तोट्याचा सौदा
Vivo V21 5G किंमत
Vivo V21 5G स्मार्टफोन भारतात सिंगल वेरिएंटमध्ये सादर केला गेला आहे. हा फोन भारतात 8+3GB रॅम आणि 128GB स्टोरेजसह 29,990 रुपयांच्या सुरुवाती किंमतीत सादर केला गेला आहे. या फोनचा 256GB वेरिएंट 32,990 रुपयांमध्ये सादर केला गेला आहे. वीवोचा हा स्मार्टफोन ऑनलाइन Vivo च्या वेबसाइट आणि ऑनलाइन शॉपिंग प्लॅटफॉर्म Flipkart वर विक्रीसाठी उपलब्ध होईल. या फोनची प्री-बुकिंग आजपासून सुरु होईल. ऑफर पाहता HDFC कार्डने पेमेंट केल्यास 2000 रुपयांचा डिस्काउंट मिळेल. वीवोचा हा फोन तीन कलर Sunset Dazzle, Dusk Blue आणि Arctic White मध्ये सादर केला गेला आहे.
