इलेक्ट्रिक स्कुटरचे अनेक पर्याय बाजारात उपलब्ध आहेत. परंतु जर तुम्ही कमी किंमतीत बॅटरी स्कूटर विकत घेण्याचा विचार करत असाल तर आम्ही तुमच्यासाठी योग्य पर्याय घेऊन आलो आहोत. तुम्ही फक्त 10,599 रुपयांच्या डाउनपेमेंटवर 139 किलोमीटरची रेंज असलेली शानदार बॅटरी स्कुटर विकत घेऊ शकता. ही ऑफर Okinawa iPraise+ वर सुरु आहे. जिची एक्स शोरूम किंमत 1,05,990 रुपये आहे. परंतु राज्य आणि टॅक्सनुसार ऑन रोड किंमत बदलू शकते.
Okinawa iPraise+ चा ईएमआय ऑप्शन
वर सांगितल्याप्रमाणे Okinawa iPraise+ तुम्ही फक्त 10,599 रुपये डाउन पेमेंट करून विकत घेऊ शकता. या इलेक्ट्रिक स्कूटरची बाजारातील किंमत 1,05,990 रुपये आहे. परंतु 10,599 रुपयांच्या डाउन पेमेंट उर्वरित 94,990 रुपयांचं कर्ज तुम्हाला मासिक हप्त्यांनी फेडावं लागेल. या रकमेवर 9.7 टक्के व्याज दराने 36 महिने 3,052 रुपये दरमहा हप्ता द्यावा लागेल.
तीन वर्षात तुम्हाला एकूण 120,472 रुपये द्यावे लागतील, म्हणजे मूळ किंमतीपेक्षा तुम्हाला जवळपास 14,882 रुपये जास्त द्यावे लागतील. व्याजाची ही रक्कम तीन वर्षांच्या कालावधीसाठी इतकी जास्त वाटत नाही. कारण या कळत तुम्ही स्कुटरचा वापर देखील करत असणार. या किंमतीत तसेच व्याजदरात ठिकाण आणि बँकेवर फरक पशु शकतो. तसेच डाउन पेमेंट देखील वेगळं असू शकतं. फायनान्सच्या जास्त माहितीसाठी तुम्ही तुमच्या जवळच्या Okinawa शोरूममध्ये जाऊन माहिती मिळवू शकता.
Okinawa iPraise+ इलेक्ट्रिक स्कूटरचे फीचर्स
Okinawa iPraise+ चे स्पेसिफिकेशन पाहता ही स्कूटर 2500W च्या मोटर पावरसह येते. सर्वात खास बाब म्हणजे ही स्कुटर एकदा फुल चार्ज केल्यावर 139 किलोमीटरची रेंज देते. यामध्ये 3.3 KWH क्षमतेची लिथियम आयन बॅटरी देण्यात आली आहे. बीएलडीसी टेक्नॉलॉजी असलेली ही स्कुटर साध्या चार्जरने देखील अवघ्या 4 ते 5 तासांमध्येच पूर्णपणे चार्ज होते. शहरातील कामांसाठी ही परफेक्ट ठरू शकते. ऑफिस, विकेंडची भटकंती किंवा शॉपिंगसाठी या स्कुटरचा वापर करता येईल.
कंपनीच्या वेबसाईटनुसार, या बॅटरीवर काही अटींसह सुमारे तीन वर्षांपर्यंतची वॉरंटी मिळते. अनेक इलेक्ट्रिक गाड्यांमध्ये हा ऑप्शन दिला जात नाही, परंतु ओकीनावाच्या या स्कूटरचा हा प्लस पॉईंट म्हणता येईल. या स्कूटरचा टॉप स्पीड ताशी 58 किलोमीटर असल्याचा दावा कंपनीनं केला आहे.
या स्कूटरमध्ये अनेक स्मार्ट फीचर्स देण्यात आले आहेत. यात तुम्हाला डिजिटल स्पीडोमीटरपासून, डिजिटल क्लॉक आणि डिजिटल ट्रिप मीटर देखील मिळतो. इतकेच नव्हे तर ही बॅटरी असलेली स्कूटर रिमोट स्टार्ट आणि पुश बटन स्टार्टला देखील सपोर्ट करते. त्याचबरोबर अँटी थेफ्ट अॅप आणि चार्जर विथ ऑटो कट सारखे फीचर्स देखील देण्यात आले आहेत.
कंपनीनं Okinawa iPraise+ मध्ये ट्यूबलेस टायर दिले आहेत आणि यात तुम्हाला फ्रंट अँड बॅकमध्ये एलईडी लाईट मिळते. एकंदरीत ही एक स्मार्ट स्कूटी आहे जी खूप शानदार फीचर्ससह बाजारात आली आहे. तसेच आता ईएमआय ऑप्शनमुळे स्वस्तात खरेदी करण्याचा पर्याय देखील उपलब्ध झाला आहे.
