Tata Motors नं मालवाहुतक करणाऱ्या Tata Ace EV ची डिलिव्हरी सुरु केली आहे. कंपनीनं हे इलेक्ट्रिक वाहन मे 2022 मध्ये लाँच केलं होतं. आता कंपनीनं या मिनी ट्रकची डिलिव्हरी करण्यास सुरुवात केली आहे. हे एक मजबूत इलेक्ट्रिक कार्गो वाहन आहे ज्यामुळे अनेक व्यावसायिकांना फायदा होईल. विशेष म्हणजे सर्वप्रथम Tata Ace EV ची डिलिव्हरी Amazon, Delhivery, DHL(Express & Supply Chain), FedEx, Flipkart, Johnson & Johnson Consumer Health, MoEVing, Safexpress आणि Trent Limited सारख्या सामान डिलिव्हरी करणाऱ्या मोठ्या व्यवसायांना देण्यात आली आहे.
Tata Ace EV Price
Tata Ace Electric मे 2022 मध्ये लाँच केली होती. किंमत पाहता कंपनीनं हा ट्रक 9.99 लाख रुपयांच्या एक्स-शोरूम किंमतीत सादर करण्यात आला आहे. जो आता सेलसाठी उपलब्ध झाला आहे. विशेष म्हणजे नवीन ईव्ही सहज सर्व वर्गातील लोकांना खरेदी करता यावा म्हणून कंपनी प्रमुख फायनान्स कंपन्यांशी भागेदारी करणार आहे. हे देखील वाचा: स्वस्तात हवी नोकियाची मजबुती? 5 हजारांच्या बजेटमध्ये मिळतोय Nokia C01 Plus, पाहा ऑफर
Tata Ace EV चे फीचर्स
Tata Ace EV कंपनीचा असा मिनी ट्रक आहे ज्यात EVOGEN पावरट्रेनचा वापर करण्यात आला आहे. ही EV एकदा चार्ज केल्यावर 154 किमीची रेंज देते. नवीन पावरट्रेनसह खास बॅटरी कुलिंग सिस्टम, दमदार ब्रेक सिस्टम आणि ऑल सीजन शानदार परफॉर्मन्सचा दावा करण्यात आला आहे. इतकेच नव्हे तर Tata Ace EV मध्ये फास्ट आणि सामान्य दोन्ही प्रकारच्या चार्जिंगचा सपोर्ट मिळतो, त्यामुळे कमी डाउनटाइम मिळतो.
या मिनी ट्रकमध्ये 36 एचपीची मोटर देण्यात आली आहे, जी 130 एनएमचा पीक टॉर्क देते. यात सामान ठेवण्यासाठी तुम्हाला 208 क्युबिक फिटचा इन-सेगमेंट कार्गो वॉल्यूम आणि 22 टक्के ग्रेड-क्षमता मिळते.विशेष म्हणजे Tata Ace EV मध्ये सामान ठेवण्यासाठी कंटेनर खूप हलका आणि मजबूत आहे. त्यामुळे दूरवरचा प्रवास आणि चढण सहज पार होते. हे देखील वाचा: 108MP च्या जबरदस्त कॅमेऱ्यासह येतोय POCO X5 Pro; याच महिन्यात येणार भारतात
कंपनीनं दावा केला आहे की या Tata Ace EV वर अनेक टेस्ट करण्यात आल्या आहेत. यात युजर्सना 5 वर्षांचा मेंटेनेंस पॅकेज दिला जात आहे. तसेच टाटा मोटर्सनं जास्तीत जास्त अपटाइम देण्यासाठी चार्जिंग इंफ्रास्ट्रक्चर डेव्हलप करणे, इलेक्ट्रिक व्हेईकल सपोर्ट सेंटर तयार करणे आणि टाटा फ्लीट एस फ्लीट मॅनेजमेंट सॉल्यूशन तयार करण्यासारख्या अनेक खास योजना बनवल्या आहेत.
