शाओमीचा सब-ब्रांड पोको भारतात येणार आहे. पोको इंडिया ने आपली सर्व तयारी केली आहे आणि येत्या 22 ऑगस्टला भारतीय बाजारात आपला पहिला स्मार्टफोन पोको एफ1 लॉन्च करणार आहे. पोको एफ1 बद्दल शाओमी फॅन्स मध्ये खुप उत्साह आहे. पण हे ऐकून फॅन्सचा उत्साह द्विगुणित होईल की शाओमी काही दिवसांत भारतात आपला स्पेशल हाईएंड फ्लॅगशिप स्मार्टफोन मी 8 पण लॉन्च करणार आहे. रिटेल सूत्रांकडून माहिती मिळाली आहे की शाओमी लवकरच भारतात मी 8 स्मार्टफोन लॉन्च करणार आहे आणि या फोनची किंमत जवळपास 28,500 रुपये असेल.
शाओमी मी 8 बद्दल बातमी आली आहे की कंपनी आपला हा फ्लॅगशिप फोन लवकरच भारतीय बाजारात लॉन्च करू शकते आणि हा फोन आॅनलाईन प्लॅटफॉर्म सोबतच आॅफलाईन रिटेल स्टोर्स वर पण मिळेल. बातमी पडताळून पाहण्यासाठी 91मोबाईल्सच्या टीम ने देशातील वेगवेगळ्या भागातील रिटेल मधील सूत्रांकडे याची चौकशी केली तेव्हा समजले की त्यांना पण शाओमी इंडिया कडून माहिती देण्यात आली आहे की कंपनी येत्या काही दिवसांत मी 8 भारतात लॉन्च करण्याची तयारी करत आहे.
मी 8 च्या इंडिया लॉन्चची पडताळणी करण्यासाठी आम्ही दिल्ली सोबतच उत्तरप्रदेश आणि राजस्थानच्या डीलर्स सोबत संपर्क साधला सर्व डीलर्स ने सांगितले की त्यांना सूचना देण्यात आली आहे की लवकरच शाओमी भारतात मी 8 स्मार्टफोन लॉन्च करेल. शाओमी मी 8 ची देशात किंमत 30,000 रुपयांपेक्षा कमी ठेवणार असल्याचे पण डीलर्स ने सांगितले आहे. पण मी 8 कधी भारतात लॉन्च होईल आणि कोणते वेरिएंट बाजारात सेल साठी उपलब्ध होतील, याबद्दल पण माहिती मिळवण्याचा प्रयत्न आम्ही करत आहोत.
विशेष म्हणजे शाओमी ने आपल्या 8व्या वर्धापनदिनानिमित्त मी 8 सीरीज सादर केली होती आणि या सीरीज अंतर्गत एक साथ तीन स्मार्टफोन मी 8, मी 8 इक्स्प्लॉरर आणि मी 8 एसई सादर केले होते. शाओमी मी 8 चे सर्व फीचर्स आणि स्पेसिफिकेशन्स जाणून घेण्यासाठी इथे क्लिक करा
