काही महिन्यांपूर्वी बातमी समोर आली होती ज्यात सांगण्यात आले होते कि मोबाईल स्पीडच्या बाबतीत भारताचा रँक घसरून 121वा झाला आहे. आता एरिक्सन मोबिलिटीच्या रिपोर्ट मध्ये सांगण्यात आले आहे कि मोबाईल वर इंटरनेटचा वापर करण्यात भारत जगात टॉप पोजिशन वर पोचला आहे.
रिपोर्ट नुसार 2018 च्या शेवटपर्यंत प्रत्येक महिन्याला एका फोन मध्ये 9.8जीबी डेटा वापरला जात होता. इतकेच नव्हे तर देशात एकूण मोबाईल डेटाचा वापर 4.6 अरब जीबी आहे, जो 2024 पर्यंत वाढून 16 अरब जीबी होईल. याचा अर्थ असा कि भारतात पाच वर्षानंतर मोबाईल डेटा प्रत्येक स्मार्टफोन मध्ये वापर डबल होईल.
या रिपोर्ट मध्ये माहिती देण्यात आली आहे कि साल 2024 पर्यंत इंडियन रीजन (इंडिया, नेपाल, भूटान) मध्ये स्मार्टफोन ग्राहकांच्या संख्या 11 टक्क्यांनी वाढून 1.1 अरब होईल. तसेच फक्त मोबाईल ब्रॉडबँड वापरणारे 61 कोटींवरून 2024 मध्ये सव्वा अरब होतील.
भारताव्यतिरिक्त इतर देश पाहता 2024 पर्यंत अमेरिका आणि यूरोप आपल्याला मागे टाकतील. अमेरिकेत 2024 पर्यंत 63% लोक 5जी वापरतील आणि तिथे एक यूजर एका महिन्याला 39 जीबी डेटा वापरेल.
विशेष म्हणजे अलीकडेच अमेरिकन डेटा स्पीड टेस्टर फर्म Ookla ने रिपोर्ट मध्ये भारतातील उपलब्ध इंटरनेट स्पीड संबंधित हि माहिती दिली होती. ओकला ने सांगितले होते कि गेल्यावर्षी भारताची ग्लोबल रँकिग 109 होती ती यावर्षी कमी होऊन 121 वर आली आहे. ओकलाचा हा रिपोर्ट या वर्षाच्या पहिल्या तिमाहीच्या आकड्यांवर आधारित आहे.
