Nokia ब्रँडचे स्मार्टफोन बनवणाऱ्या कंपनी HMD Global च्या नवीन फोन Nokia 5.4 स्मार्टफोन बद्दल सतत बातम्या समोर येत आहेत. कंपनीने सध्या या फोनच्या लॉन्च डेट बद्दल काही सांगितले नाही. पण लीक बातम्यांवरून अंदाज लावला जात आहे कि फोनचा लॉन्च आता लांब नाही. आता एक नवीन लीक मधून नोकिया 5.4 च्या फुल स्पेसिफिकेशन्सची माहिती समोर आली आहे.
टेक वेबासइट MySmarprice ने टिप्स्टर सुधांशुचा हवाला देत माहिती दिली आहे. रिपोर्टनुसार, नोकिया 5.4 मध्ये 6.39 इंचाचा एचडी+ आयपीएस एलसीडी डिस्प्ले पॅनल दिला जाईल. फोन वाटरड्रॉप नॉच किंवा पंच-होल डिस्प्ले वर सादर केला जाईल हे अजून स्पष्ट झाले नाही. तसेच डिवाइसचे डाइमेंशन 160.97 x 75.99 x 8.70 मिलीमीटर आणि वजन 182 ग्राम असेल. नोकियाचा हा फोन ब्लू आणि पर्पल दोन कलर ऑप्शन मध्ये सादर केला जाईल.
हे देखील वाचा : धमाका करण्यास 5G स्मार्टफोन मार्केट मध्ये आला स्वस्त Vivo Y52s, जाणून घ्या किंमत
तसेच नोकिया 5.4 मध्ये क्वालकॉम स्नॅपड्रॅगॉन 662 प्रोसेसर दिला जाईल. फोन मध्ये 4 जीबी रॅम व 128 जीबी इनबिल्ट स्टोरेज असेल. इंटरनल स्टोरेज माइक्रोएसडी कार्डच्या माध्यमातून 256 जीबी पर्यंत वाढवता येईल.
नोकिया 5.4 मध्ये ड्यूल सिम आणि एक माइक्रोएसडी कार्ड स्लॉट पण दिला जाईल. तसेच डिवाइस मध्ये अँड्रॉइड ओएस सह कंपनीची कस्टम स्किन असेल. डिवाइसच्या मागे फिंगरप्रिंट स्कॅनर दिला जाईल.
हे देखील वाचा : या 10 स्टेप्स फॉलो करून स्वतःच करा आपल्या आधार कार्ड मध्ये नाव, पत्त्यासह इतर बदल
फोटोग्राफीसाठी डिवाइस मध्ये क्वाड रियर कॅमेरा सेटअप असेल. या सेटअप मध्ये 48 मेगापिक्सल प्राइमरी, 5 मेगापिक्सल अल्ट्रा-वाइड, 2 मेगापिक्सल मॅक्रो आणि 2 मेगापिक्सल डेप्थ सेंसर असेल. सेल्फी आणि व्हिडीओ कॉलिंगसाठी नोकिया 5.4 मध्ये 16 मेगापिक्सलचा सेल्फी सेंसर दिला जाईल. पावर बॅकअपसाठी असलेली बॅटरी पाहता नोकिया 5.4 मध्ये 4000mAh बॅटरी असेल.
