Nokia ने इंडियन स्मार्टफोन मार्केट मध्ये आपला डाव टाकत दोन नवीन स्मार्टफोन Nokia 3.4 आणि Nokia 5.4 लाॅन्च केले आहेत. आकर्षक लुक आणि शानदार स्पेसिफिकेशन्स असलेल्या या दोन्ही मोबाईल फोन्सने लो बजेट सेग्मेंट मध्ये एंट्री घेतली आहे जिथे हा Xiaomi आणि Realme सारख्या चीनी कंपन्यांना चांगले आव्हान देईल. चला जाणून घेऊया Nokia 3.4 ची संपूर्ण माहिती.
लुक व डिजाईन
Nokia 3.4 बद्दल असे म्हणणे चुकीचे ठरणार नाही कि या फोनच्या माध्यमातून कंपनीने कमी किंमतीत प्रीमियम लुक असलेला डिवायस लॉन्च केला आहे. नोकियाचा हा नवीन स्मार्टफोन पंच-होल डिस्प्ले डिजाईनवर सादर झाला आहे. फ्रंट पॅनलवर स्क्रीनच्या तीन कडा बेजल लेस आहेत तर खालच्या बाजूला चिन पार्ट देण्यात आला आहे. डिस्प्लेच्या वर डावीकडे सेल्फी कॅमेरा असलेला पंच-होल देण्यात आला आहे.
नोकिया 3.4 च्या बॅक पॅनलवर एक राउंड सर्कल शेप आहे आणि यात फोनचे तीन कॅमेरा सेंसर आणि एक रियर कॅमेरा सेटअप आहे. हे चारही आब्जेक्ट रिंगवरच आहेत आणि तसेच याच्या मधील भाग खाली आहे. कॅमेरा सेटअपच्या खाली फिंगरप्रिंट सेंसर पण देण्यात आला आहे. फोनच्या साईड पॅनलवर पावर बटन आणि वॉल्यूम रॉकर सोबतच गुगल असिस्टंट शार्टकट बटन पण देण्यात आला आहे.
फीचर्स आणि स्पेसिफिकेशन्स
Nokia 3.4 कंपनीने 19.5:9 आस्पेक्ट रेशियोवर सादर केला आहे जो 720 x 1560 पिक्सल रेज्ल्यूशन असलेल्या 6.39 इंचाच्या एचडी+ पंच-होल डिस्प्लेला सपोर्ट करतो. नोकिया 3.4 ची हि स्क्रीन 400nits ब्राइटनेसवर विजुअल क्वॉलिटी देते. नोकिया 3.4 चे डायमेंशन 160.97×75.99×8.7एमएम आणि वजन 180 ग्राम आहे. हा फोन Charcoal, Dusk, आणि Fjord कलर मध्ये लाॅन्च केला गेला आहे.
हे देखील वाचा : Nokia घेऊन येत आहे लो बजेट असलेला नवीन फ्लिप फोन Nokia 2720, चीनी कंपन्यांची करेल का सुट्टी?
नोकिया 3.4 अँड्रॉइड 11 रेडी अँड्रॉइड 10 वर लॉन्च झाला आहे. भारतीय बाजारात हा फोन 4 जीबी रॅमवर आला आहे जो 64 जीबी इंटरनल स्टोरेजला सपोर्ट करतो. फोन मेमरी माइक्रोएसडी कार्डच्या माध्यमातून 512 जीबीपर्यंत वाढवता येईल. तसेच प्रोसेसिंगसाठी नोकिया 3.4 मध्ये 2.0गीगाहर्ट्ज क्लॉक स्पीड असलेल्या आक्टा-कोर प्रोसेसरसह क्वॉलकॉम स्नॅपड्रॅगॉन 460 चिपसेट देण्यात आला आहे.
फोटोग्राफी सेग्मेंट पाहता Nokia 3.4 ट्रिपल रियर कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह 13 मेगापिक्सलचा प्राइमरी सेंसर देण्यात आला आहे. तसेच नोकियाच्या या फोन मध्ये 2 मेगापिक्सलचा डेफ्थ सेंसर आणि 5 मेगापिक्सलचा यूडब्ल्यू सेंसर आहे. सेल्फी आणि व्हिडीओ कॉलिंगसाठी नोकिया 3.4 स्मार्टफोन 8 मेगापिक्सलच्या फ्रंट कॅमेऱ्याला सपोर्ट करतो.
हे देखील वाचा : Nokia ने केला खुलासा, घेऊन येत आहे अफॉर्डेबल 5G स्मार्टफोन, भारताचे महत्व केले अधोरेखित
Nokia 3.4 रियल डुअल सिम फोन आहे ज्यात दोन सिम आणि एक मेमरी कार्ड एकसाथ वापरता येतात. 3.5एमएम जॅक आणि बेसिक कनेक्टिविटी फीचर्स सोबतच सिक्योरिटीसाठी फोनच्या बॅक पॅनलवर रियर फिंगरप्रिंट सेंसर देण्यात आला आहे तसेच हा फोन फेस अनलॉक फीचरला पण सपोर्ट करतो. पावर बॅकअपसाठी नोकिया 3.4 मध्ये 4,000एमएएचची मोठी बॅटरी देण्यात आली आहे. हा फोन 20 फेब्रुवारीपासून 11,999 रुपयांमध्ये विकत घेता येईल.
